LUKAS 10:2 - KITAB SUCI ZABUR INJIL

² Manik-Ne tipaq ie pade, “Saq tepataq mule luwéq, laguq tukang pataqne cume sekediq. Keranaq nike tunas léq Épéne adéq Ie ngirim tukang pataq jari mataq.

LUKAS 10:2 ပူးပေါင်းရင်းမြစ်များ

ZABUR 68:11

Beterus umat Deside ndot léq derike; léq dalem kesolahan Deside, ya Allah, Deside meliharaq dengan miskin.

MATIUS 20:1

“Kerajaan Sorge nike seumpame maraq niki: Araq sopoq dengan bedowé kebon anggur. Léq waktu kelémaq ie sugul boyaq dengan saq mélé begawéan léq kebon anggurne.

MARKUS 13:34

Keadaanne ibarat sopoq dengan saq bilin baléne, terus lumbar ojok taoq saq jaoq. Ie suruq pelayan-pelayanne ngurus baléne dait ngebéng tugas léq ie pade sopoq-sopoq. Léq penjage lawang, ie bepesen adéqne pacu-pacu bejage.

MARKUS 16:15

Beterus Deside Isa bemanik léq ie pade, “Silaq lumbar ojok seantéro dunie dait beriteang Kabar Solah léman Allah tipaq selapuq mahluk.

MARKUS 16:20

Make pengiring-pengiring-Ne lumbar dait nyampéang Kabar Solah léman Allah ojok mbé-mbé. Dait Tuhan éndah bekarye bareng kance ie pade, dait tebuktiang siq tande-tande ajaip bahwe berite saq ie pade sampéang nike mule kenaq.

LUKAS 9:1

Deside Isa ngemanikang kedue olas pengiring-Ne, terus ngicanin ie pade kuase jari sediq sétan-sétan dait nyelahang penyakit.

KISAH RASUL-RASUL 11:19

Sesampun Stepanus tematéq, dengan-dengan saq percaye léq Deside Isa mulai teaniaye, sehingge ie pade bepencar-pencar ojok mbé-mbé. Araq saq pelai jangke dateng Penisia, dait araq éndah saq jangke dateng Siprus dait Antiokia. Laguq ie pade beriteang Kabar Solah tipaq dengan-dengan Yahudi doang.

KISAH RASUL-RASUL 13:2

Sewaktu ie pade beribadah tipaq Tuhan dait puase, Roh Suci bemanik léq ie pade, “Piléq Barnabas dait Saulus husus umaq Tiang, adéq ie pade ngelaksaneang tugas saq sampun Tiang tentuang tipaq ie pade.”

KISAH RASUL-RASUL 13:4

Lantaran teutus siq Roh Suci, Barnabas dait Saulus berangkat ojok Seleukia. Léman derike ie pade belayar ojok pulao Siprus.

KISAH RASUL-RASUL 20:28

Side pade harus jagaq diriqde dait jagaq éndah selapuq jemaah saq sampun tepercayeang léq side pade siq Roh Suci jari tejagaq; séngaq side pade sampun teangkat jari pengawas jemaah nike. Side pade harus jagaq jemaah Allah nike maraq pengarat jagaq dombe-dombene, séngaq Allah sampun jariang jemaah nike jari dowé-Ne siq daraq Bije-Ne mésaq.

KISAH RASUL-RASUL 22:21

Laguq Tuhan bemanik malik léq tiang, ‘Silaq lumbar, séngaq Tiang gen suruq side lumbar ojok taoq saq jaoq, tipaq dengan bangse-bangse lain.’ ”

KISAH RASUL-RASUL 8:4

Dengan-dengan percaye saq sampun bepencar nike beriteang Kabar Solah léman Allah nike ojok embé-embé.

1 KORINTUS 12:28

Maraq nike éndah léq dalem jemaah, Allah sampun nentuang taoq jari macem-macem dengan: Penembéqne rasul-rasul; kedue nabi-nabi, ketelu guru-guru, terus ie pade saq mauq paice jari miaq keajaipan-keajaipan, jari nyelahang dengan, jari nulung dengan lain, jari mimpin, dait jari bebaos kadu macem-macem base saq ajaip.

1 KORINTUS 15:10

Laguq lantaran rahmat Allah tiang jari maraq keadaan tiang saq mangkin. Dait ndéq sie-sie Allah ngicanin rahmat-Ne léq tiang. Malahan tiang saq lelahan begawéan ketimbang selapuq rasul saq lainne. Laguq nike setetune ndéqne usahe tiang; nike rahmat Allah saq ngasihin tiang dait saq bekarye bareng kance tiang.

2 KORINTUS 6:1

Lantaran tiang pade bareng-bareng begawéan ngiring Allah, make sanget siq tiang pade tunas ndaq side pade sie-sieang rahmat Allah saq sampun side pade terimaq nike.

PILIPI 2:21

Séngaq selapuq saq lainne cume ngurus kepentingan diriqne mésaq doang, ndéqne kepentingan Deside Isa Almasih.

PILIPI 2:25

Mengenai semetonte Epaproditus, saq side pade utus jari nulung tiang, tiang anggep perlu suruq ie tulak ojok side. Ie sampun bareng kance tiang léq dalem pegawéan dait perjuangan tiang.

PILIPI 2:30

Séngaq ie jangke gen ninggal demi pengabdianne tipaq Almasih dait nyawene tetaroqang jari genepang napi saq kurang léq dalem usahe side pade nulung tiang.

KOLOSE 1:29

Adéqne bau telaksane hal nike, tiang pacu-pacu begawéan. Tiang berusahe siq selapuq kekuatan saq teicanin siq Allah léq tiang, dait saq bekarye léq dalem diriq tiang siq penoq kuase.

KOLOSE 4:12

Salam léman Epapras. Ie éndah salaq sopoq dengan léman kalangande. Ie hambe Deside Isa Almasih, saq tetep tekun do'eang side pade. Sanget siqne tunas léq Allah adéq keyakinan side jari kuat dait side pade tetu-tetu déwase, adéq side pade jari sempurne dait taat léq pekayunan Allah.

1 TESALONIKA 2:9

Pasti side pade masih inget berembé kerasne tiang pade berusahe dait bejuang. Kenjelo kekelem tiang pade begawéan adéq tiang pade ndéq nyusahang sai juaq léman side pade sewaktu tiang pade nyebarang Kabar Solah saq léman Allah nike tipaq side.

1 TESALONIKA 5:12

Semeton senamian, sanget siq tiang pade tunas adéq side pade hargein dengan-dengan saq lelah begawéan léq tengaq-tengaqde; ie pade saq sampun tepiléq siq Tuhan jari mimpin dait peringet side pade.

2 TESALONIKA 3:1

Ahirne semeton senamian, pade do'eang tiang pade. Pade bedo'e adéq manik Tuhan sayan teterimaq dait temulieang, pade maraq saq sampun telaksane léq antare side.

1 TIMOTIUS 4:10

Keranaq nike ite bejuang dait pacu-pacu begawéan, séngaq ite beharep sepenoqne léq Allah saq idup; Ie Juruselamet selapuq dengan, terutame gati dengan-dengan saq percaye.

2 TIMOTIUS 4:5

Timaq maraq nike, side harus nguasein diriqde léq dalem keadaan napi juaq. Pade tabah léq dalem penderitean, laksaneang tugasde sebagé dengan saq nyampéang Kabar Solah nike dait tutuqang solah-solah kewajibande jari pelayan Allah.

PILEMON 1:1

Pilemon, batur dait dengan saq bareng begawéan kance tiang pade! Tiang, Paulus, sopoq tahenan lantaran Deside Isa Almasih, bareng kance semetonte Timotius, nulis surat niki tipaq side,

IBRANI 3:6

Laguq Almasih setie sebagé Bije saq asalne léman Allah saq betanggung jawab léq gedéng Allah. Dait ite niki gedéng Allah, lamun ite tetep besemanget dait tetep yakin jari mauq napi saq ite harepang.

WAHYU 2:1

“Tipaq malaékat jemaah léq Epesus, tulis maraq niki: Niki manik léman Ie saq negel pituq bintang léq gading-Ne saq kanan, dait bemargi léq antare kepituq naé dilah emas nike.