LUKAS 10:16 - KITAB SUCI ZABUR INJIL

¹⁶ Beterus Deside Isa bemanik léq pengiring-pengiring-Ne, “Dengan saq dengahang side pade, artine ie dengahang Tiang. Dengan saq nolaq side pade, ie nolaq Tiang. Dait dengan saq nolaq Tiang, artine ie éndah nolaq Allah saq ngutus Tiang.”

LUKAS 10:16 ပူးပေါင်းရင်းမြစ်များ

MATIUS 10:40

“Dengan saq nerimaq side pade, nerimaq Tiang éndah. Dait dengan saq nerimaq Tiang, nerimaq Ie saq ngutus Tiang.

MATIUS 18:5

Dait dengan saq nerimaq sopoq kanak maraq niki lantaran Tiang, artine nerimaq Tiang.”

MARKUS 9:37

“Dengan saq nerimaq sopoq kanak maraq niki lantaran Tiang, artine nerimaq Tiang. Dait dengan saq nerimaq Tiang, ie ndéq nerimaq Tiang doang, laguq nerimaq éndah Ie saq ngutus Tiang.”

LUKAS 9:48

Terus Deside Isa bemanik léq pengiring-pengiring-Ne, “Dengan saq nerimaq kanak niki lantaran Tiang, artine nerimaq Tiang. Dait dengan saq nerimaq Tiang, nerimaq Ie saq ngutus Tiang. Séngaq dengan saq paling kodéq léq antare side pade, ie saq paling beléq!”

YAHYA 12:44

Beterus Deside Isa bemanik siq suare saq beléq, “Dengan saq percaye léq Tiang, ndéq léq Tiang ie percaye, laguq léq Ie saq ngutus Tiang.

YAHYA 12:48

Dengan saq nolaq Tiang dait ndéq dengahang manik Tiang, sampun araq saq hakimin ie. Manik saq Tiang sampéang, nike saq gen hakimin ie léq ahir jaman.

YAHYA 13:20

Setetune kenaq manik Tiang niki: Sai nerimaq dengan saq Tiang utus, ie nerimaq Tiang. Dait sai saq nerimaq Tiang, nerimaq Ie saq ngutus Tiang.”

KISAH RASUL-RASUL 5:4

Tanaq nike jari dowén side sendéqman side jual. Dait sesampun tanaq nike tejual, képéngne tetep jari dowénde éndah. Jari kembéq araq maksut dalem angende jari miaq saq maraq nike? Side ndéq beduste léq manusie, laguq Allah!”

GALATIA 4:14

Léq waktu nike side pade ndéq merase kenjering léq tiang, timaq keadaan awak tiang jari cobe beléq umaq side pade. Malahan side pade nerimaq tiang maraq nerimaq malaékat Allah atao maraq nerimaq Deside Isa Almasih mésaq.

1 TESALONIKA 4:8

Dengan saq nolaq pengajahan niki, ndéqne nolaq manusie, laguq nolaq Allah saq ngicanin Roh-Ne saq suci tipaq side.