LUKAS 1:1 - KITAB SUCI ZABUR INJIL

¹ Teopilus saq budiman, Luwéq dengan sampun berusahe nulis secare teratur peristiwe-peristiwe saq sampun telaksane léq tengaq-tengaq ite.

LUKAS 1:1 ပူးပေါင်းရင်းမြစ်များ

1 TIMOTIUS 3:16

Ndéq araq sopoq dengan juaq saq tao nilas, berembé beléqne rahasie ibadahte: Ie saq sampun nyatayang diriq-Ne léq dalem wujut manusie, dait tenyatayang kenaq siq Roh Allah, dait tesaksiang siq pare malaékat. Beritene teumumang léq antare bangse-bangse saq ndéq kenal Allah, dait Ie tepercaye léq dalem dunie dait teangkat ojok dalem kemuliean.

YAHYA 20:31

Laguq selapuqne niki tetulis, adéq side pade percaye bahwe Deside Isa nike Mesias, Bije saq asalne léman Allah, dait adéq siq percaye, side pade nerimaq idup dalem peséngan-Ne.

2 TIMOTIUS 4:17

Laguq Tuhan araq bareng kance tiang. Ie ngicanin kekuatan sehingge tiang sanggup beriteang selapuq Kabar Solah nike, adéq tedengah siq selapuq dengan saq ndéq Yahudi. Dait tiang tebébasang léman biwih singe.

MARKUS 16:20

Make pengiring-pengiring-Ne lumbar dait nyampéang Kabar Solah léman Allah ojok mbé-mbé. Dait Tuhan éndah bekarye bareng kance ie pade, dait tebuktiang siq tande-tande ajaip bahwe berite saq ie pade sampéang nike mule kenaq.

ROMA 4:21

Ie yakin gati bahwe Allah pasti bau ngelaksaneang napi saq sampun Ie janjiqang nike.

ROMA 14:5

Araq dengan saq merase bahwe araq jelo-jelo tertentu saq pentingan léman jelo-jelo saq lain, laguq araq éndah saq bedowé pendapet bahwe selapuq jelo pade doang. Alurang sopoq-sopoq dengan beranggepan menurut pikiranne mésaq.

KOLOSE 2:2

Selapuqne niki tiang laksaneang adéq até ie pade jari kuat dait ie pade saling kasihin sehingge ie pade jari teguq besopoq. Siq care nike ie pade jari tetu-tetu ngerti dait yakin serte paham rahasie Allah, saq temaksut nike Almasih mésaq.

KOLOSE 4:12

Salam léman Epapras. Ie éndah salaq sopoq dengan léman kalangande. Ie hambe Deside Isa Almasih, saq tetep tekun do'eang side pade. Sanget siqne tunas léq Allah adéq keyakinan side jari kuat dait side pade tetu-tetu déwase, adéq side pade jari sempurne dait taat léq pekayunan Allah.

1 TESALONIKA 1:5

Séngaq tiang pade nyampéang Kabar Solah léq side ndéqne siq ucapan-ucapan doang, laguq éndah siq kuase dait siq Roh Suci. Dait tiang pade yakin gati léq kebenaran Kabar Solah nike. Side pade nenaoq berembé tiang pade begawéan sewaktu tiang pade araq léq tengaq-tengaq side pade.

IBRANI 6:11

Tiang pade melét gati adéq side pade sopoq-sopoq tetep besemanget jangke dateng penutuqne, adéq side pade pasti mauq napi saq side pade harepang nike.

IBRANI 10:22

Keranaq nike silaq ite ngadep Allah siq angen saq tulus dait iman saq teguq; siq até saq sampun tesuciang léman perasaan salaq, dait siq awak saq sampun tepersiq kadu aiq saq murni.