KOLOSE 4:3 - KITAB SUCI ZABUR INJIL

³ Do'eang éndah tiang pade adéq Allah ngicanin tiang pade kesempatan saq bagus jari nyampéang berite mengenai rahasie Almasih. Lantaran hal nike make mangkin niki tiang araq léq dalem bui.

KOLOSE 4:3 ပူးပေါင်းရင်းမြစ်များ

MATIUS 13:11

Jawab Deside Isa, “Side pade sampun teicanin paice jari nenaoq rahasie Kerajaan Sorge, laguq dengan-dengan nike ndéq.

KISAH RASUL-RASUL 14:27

Sewaktu dateng léq Antiokia, ie pade ngumpulang dengan-dengan léman jemaah nike, terus nyeriteang selapuq saq sampun tekaryeang siq Allah langan ie pade. Ie pade nyeriteang éndah berembé Allah sampun bukaq langan adéq dengan bangse-bangse lain beriman dalem Deside Isa.

ROMA 16:25

Puji syukur tipaq hadirat Allah! Ie bekuase neguqang side pade, sesuai kance Kabar Solah saq tiang sampéang mengenai Deside Isa Almasih, sesuai kance pernyataan rahasie saq sampun berabad-abad ngonéqne ndéq tetaoq siq dengan.

1 KORINTUS 16:9

séngaq léq deriki luwéq kesempatan jari ngelaksaneang pegawéan saq bemanpaat, timaq luwéq éndah dengan saq nentang pegawéan nike.

1 KORINTUS 4:1

Anggep bahwe tiang pade pelayan-pelayan Almasih, saq betanggung jawab beriteang rencane-rencane Allah saq ndéqman tetaoq siq dunie.

2 KORINTUS 2:12

Sewaktu tiang dateng léq Troas siq maksut jari beriteang Kabar Solah mengenai Almasih, Tuhan sampun bukaqang tiang langan jari begawéan léq taoq nike.

EPESUS 3:1

Keranaq nike tiang, Paulus, tebui lantaran Deside Isa Almasih jari kepentingan side pade dengan bangse-bangse lain.

EPESUS 3:3

Allah nyatayang rahasie rencane-Ne léq tiang langan wahyu. (Mengenai hal niki sendéqmanne sampun tiang tulis secare singket,

EPESUS 3:4

dait lamun side pade bace, side pade gen paham rahasie mengenai Almasih, maraq saq tiang pahamin.)

EPESUS 3:9

dait éndah adéq langan tiang selapuq dengan nenaoq berembé Allah, pencipte alam semeste niki, ngelaksaneang rencane-Ne saq léman laéq gati terahasieang tipaq dunie.

EPESUS 4:1

Keranaq nike tiang -- sopoq tahenan, saq tetahen lantaran jari pelayan Tuhan -- tiang béng naséhat, adéq idupde sebagé dengan-dengan saq sampun temanikang siq Allah, idup maraq maksut Allah ngemanikang side.

PILIPI 1:19

séngaq tiang nenaoq bahwe siq do'e-do'ende dait siq bantuan léman Roh Deside Isa Almasih, tiang gen tebébasang.

PILIPI 1:7

Mule patut tiang bedowé perasaan maraq nike léq side pade, séngaq selapuqde tetep araq léq angen tiang. Dait side pade éndah sampun bareng kance tiang nerimaq rahmat saq sampun teicanin siq Allah tipaq tiang sewaktu tiang masih léq bui dait sewaktu tiang béle dait pertahenang Kabar Solah nike.

KOLOSE 1:26

nike rahasie saq sampun berabad-abad ngonéqne terahasieang siq Allah léq selapuq dengan, laguq mangkin tenyatayang siq Allah tipaq umat-Ne.

KOLOSE 4:18

Salam léman tiang, Paulus. Salam niki tiang tulis kadu ime tiang mésaq. Inget bahwe tiang masih léq dalem bui! Rahmat Allah araq bareng kance side pade.

1 TESALONIKA 5:25

Semeton senamian, do'eang tiang pade!

2 TIMOTIUS 1:16

Laguq keluarge Onesiporus sampun pire kali miaq angen tiang seneng. Semoge Tuhan kayun nyatayang rahmat-Ne tipaq ie pade. Timaq tiang léq dalem bui, Onesiporus ndéqne ilaq léq keadaan tiang nike.

2 TIMOTIUS 2:9

Lantaran tiang nyampéang Kabar Solah nike, tiang jari menderite; malahan jangke teranté maraq sopoq penjahat. Laguq Manik Allah ndéqne bau teranté.

2 TIMOTIUS 4:2

Side harus nyampéang Manik Allah, timaq waktune solah atao ndéq, nyatayang napi saq salaq, peringet dait béng naséhat dait ajah secare sabar.

PILEMON 1:22

Selain nike, tulung sedieang tiang taoq jari madéq léq balénde, séngaq tiang beharep adéq langan do'e-do'ende tiang gen tetulakang tipaq side.