KOLOSE 3:3 - KITAB SUCI ZABUR INJIL

³ Séngaq side pade sampun ninggal, dait idupde teilipang bareng kance Almasih léq dalem Allah.

KOLOSE 3:3 ပူးပေါင်းရင်းမြစ်များ

GALATIA 2:20

Mangkin ndéqne malik tiang saq idup, laguq Almasih saq idup léq dalem diriq tiang. Dait idup saq tiang alamin mangkin niki, idup siq iman tipaq Bije saq asalne léman Allah saq ngasihin tiang dait saq sampun ngurbanang diriq-Ne umaq tiang.

ROMA 6:2

Pasti ndéqne maraq nike; dose ndéq bekuase malik léq ite, jari segerah ite bau terus-terusan idup dalem dose?

KOLOSE 2:20

Lamun side pade sampun ninggal bareng kance Almasih, dait sampun tebébasang léman roh-roh dunie, kembéq side pade idup maraq dengan saq masih tekuasein siq dunie niki? Kembéq side pade taat léq aturan-aturan maraq niki,

YAHYA 5:24

Tiang badaq side: Setetune dengan saq dengah Tiang, dait percaye léq Bapa saq ngutus Tiang, ie gen mauq idup sejati dait kekel, dait ie ndéq gen tehukum; ie sampun ngalih léman ninggal ojok dalem idup.

ROMA 8:2

Séngaq hukum Roh Allah saq miaq ite idup léq dalem Deside Isa Almasih sampun bébasang tiang léman hukum saq jauq dose dait kematéan.

ROMA 5:10

Lamun léq waktu ite masih jari musuh Allah, ite tedaméang kance Allah siq ninggal Bije-Ne, lebih-lebih mangkin sesampun hubungante kance Allah solah malik, pasti ite gen teselametang éndah langan idup Almasih.

2 KORINTUS 5:14

Kasih Almasih saq nguasein tiang pade; dait tiang pade sadar bahwe lamun sopoq dengan sampun ninggal umaq selapuq dengan, make artine bahwe selapuq dengan sampun ninggal.

YAHYA 5:21

Bapa nike nguresang dengan ninggal, dait ngidupang ie pade, maraq nike éndah Bije ngidupang sai saq Ie kayunang.

YAHYA 3:16

Séngaq beléq gati kasih Allah tipaq manusie léq dunie niki, jangke Ie ngicanin Bije-Ne saq nunggal, adéq sebilang dengan saq percaye léq Ie ndéqne binase, laguq mauq idup sejati dait kekel.

YAHYA 14:19

Karing semendaq dunie ndéq gen serioq Tiang malik. Laguq side pade gen serioq Tiang. Dait lantaran Tiang idup, side pade gen idup éndah.

1 PETRUS 3:4

Sebalikne, keingesande harus dateng léman dalem batin, budi pekerti saq lemah lembut dait tenang; nike keingesan saq kekel saq mahel ajine léq arepan Allah.

MATIUS 11:25

Léq waktu nike Deside Isa bedo'e, “Bapa, Tuhan saq nguasein langit dait gumi! Tiang besyukur tipaq Deside séngaq selapuqne nike Deside rahasieang léman dengan-dengan saq bijaksane dait bedowé ilmu. Laguq Deside nyatayang tipaq dengan-dengan saq biase-biase.

KOLOSE 3:4

Nah, sumber idupde saq sejati nike Almasih, dait lamun Ie penggitan éraq side pade gen araq éndah bareng kance Ie léq dalem kemuliean-Ne!

IBRANI 7:25

Keranaq nike jari selaéq-laéqne Deside Isa bau nyelametang dengan-dengan saq parek ojok Allah langan Ie, séngaq Ie idup selaéq-laéqne jari Perantare ie pade.

KOLOSE 2:3

Léq dalem Almasih nike tesimpen selapuq harte hikmat dait penenaoq léman Allah.

YAHYA 5:40

Laguq side pade ndéq mélé dateng ojok Tiang adéq side pade mauq idup.

YAHYA 4:14

laguq dengan saq nginem aiq saq gen Tiang béng, ndéqne gen bedak malik selaéq-laéqne. Séngaq aiq saq gen Tiang béng nike gen jari pengembulan aiq léq dalem diriqne saq gen terus ngélék jangke dateng idup sejati dait kekel.”

WAHYU 2:17

Sai bedowé kentok, harus ie dengahang napi saq temanikang siq Roh Allah tipaq jemaah-jemaah! Sai-sai saq menang, gen Tiang béng kelorang manna saq teseboq, dait Tiang gen béng ie pade batu putéq. Léq batu nike tetulis sopoq aran saq baru, saq ndéq tetaoq siq sai-sai, selain siq dengan saq nerimaq batu putéq nike.”

1 YAHYA 3:2

Semeton senamian saq tiang kasihin! Mangkin ite niki bije-bije dowén Allah, laguq keadaante éraq ndéqman jelas. Laguq ite nenaoq bahwe lamun Almasih rauh, ite gen jari maraq Ie, séngaq ite gen serioq Ie léq dalem keadaan-Ne saq setetune.

PILIPI 4:7

Damé sejahtere léman Allah saq ndéqne tepahamin siq pikiran manusie, gen meliharaq até dait pikirande léq dalem Deside Isa Almasih.

1 KORINTUS 15:45

Dalem Kitab Suci tetulis maraq niki, “Manusie saq penembéq, Adam, jari mahluk saq idup,” laguq Adam saq penutuq nike Roh saq ngicanin idup.

1 KORINTUS 2:14

Dengan saq ndéq bedowé Roh Allah, ndéq bau nerimaq napi saq tenyatayang siq Roh nike. Séngaq bagi dengan nike, hal-hal nike teanggep hal saq bodo. Dengan nike ndéq iniq ngerti, séngaq hal-hal nike cume bau tenilai secare rohani.

ROMA 5:21

Pade maraq dose nguasein selapuq dengan dait datengang kematéan, mangkin rahmat Allah bekuase dait jariang ite kenaq léq arepan Allah, sehingge ite nerimaq idup sejati dait kekel langan Junjungante Saq Mulie Deside Isa Almasih.

KOLOSE 1:5

Keranaq pengharepan, saq tesedieang umaq side pade léq sorge. Mengenai pengharepan nike sampun juluan side pade dengah léq dalem manik kebenaran, nike Kabar Solah léman Allah.

2 KORINTUS 5:7

Séngaq tiang pade idup siq dasar percaye tipaq Almasih, ndéqne siq dasar léq napi saq bau teserioq,

ROMA 6:11

Maraq nike éndah side pade harus anggep bahwe diriq side pade sampun ninggal tipaq dose, laguq idup bagi Allah dalem Deside Isa Almasih.

EPESUS 3:9

dait éndah adéq langan tiang selapuq dengan nenaoq berembé Allah, pencipte alam semeste niki, ngelaksaneang rencane-Ne saq léman laéq gati terahasieang tipaq dunie.

1 PETRUS 4:2

Keranaq nike, semasih araq waktu léq dunie niki side pade harus idup menurut pekayunan Allah, dait ndéqne menurut keméléq manusie.