KOLOSE 2:9 - KITAB SUCI ZABUR INJIL

⁹ Séngaq léq dalem Almasih meneng selapuq kepribadian Allah secare sempurne.

KOLOSE 2:9 ပူးပေါင်းရင်းမြစ်များ

MATIUS 1:23

“Setetune, sopoq dedare genten gen betian dait bijeang sopoq kanak mame. Kanak nike gen tearanin Imanuel.” (Imanuel nike base Ibrani saq artine, “Allah araq bareng ite”.)

LUKAS 14:22

Beterus pelayan nike bebase, ‘Paq, préntah pelungguh sampun tiang laksaneang, laguq masih luwéq taoq saq kosong.’

LUKAS 3:22

dait Roh Suci turun ojok atas-Ne maraq ruen kedit dare. Dait kedengahan suare léman langit, “Side Bije Tiang saq Tiang kasihin. Side nyenengang Tiang.”

YAHYA 1:14

Manik nike sampun jari manusie, beterus Ie araq léq antare ite, dait ite sampun serioq kemuliean-Ne, kemuliean saq teicanin tipaq Ie sebagé Bije Nunggal saq asalne léman Bapa, penoq rahmat dait kebenaran.

YAHYA 1:16

Séngaq léman kesempurnean-Ne, ite selapuq sampun nerimaq rahmat demi rahmat.

YAHYA 10:30

Tiang dait Bapa sopoq.”

YAHYA 10:38

Laguq lantaran Tiang ngelaksaneang hal nike, pade percaye léq napi saq Tiang laksaneang nike, timaq side pade ndéq mélé percaye léq Tiang. Adéq side pade nenaoq dait ngerti bahwe Bapa léq dalem Tiang, dait Tiang léq dalem Bapa.”

YAHYA 14:20

Lamun sampun dateng jelo nike, side pade gen nenaoq bahwe Tiang léq dalem Bapa, side pade léq dalem Tiang, dait Tiang éndah léq dalem side pade.

YAHYA 17:21

adéq ie pade selapuq jari sopoq, pade maraq Deside léq dalem Tiang, dait Tiang léq dalem Deside, adéq ie pade éndah léq dalem Ite, adéq dunie percaye, bahwe Deside saq sampun ngutus Tiang.

YAHYA 2:21

Laguq Gedéng Allah saq temaksut siq Deside Isa nike, rage-Ne mésaq.

KISAH RASUL-RASUL 17:29

Séngaq ite niki bangse saq tejariang siq Allah, ite ndéq kanggo nganggep Allah pade maraq tetato saq tepiaq léman emas atao perak atao batu saq tepiaq menurut kepinteran manusie.

2 KORINTUS 5:19

Tiang pade beriteang bahwe siq perantarean Almasih, Allah jariang hubungan manusie kance Ie jari solah malik. Hal nike tejariang siq Allah dait Allah nénten nuntut selapuq kesalaqan-kesalaqan saq sampun tepiaq siq manusie tipaq diriq-Ne. Dait tiang pade sampun tetugasang siq Allah jari beriteang kabar nike.

KOLOSE 1:19

Allah mésaq saq kayun adéq selapuq keilahian Allah saq sempurne, araq éndah secare lengkap léq dalem diriq Bije saq asalne léman Ie.

1 TIMOTIUS 3:16

Ndéq araq sopoq dengan juaq saq tao nilas, berembé beléqne rahasie ibadahte: Ie saq sampun nyatayang diriq-Ne léq dalem wujut manusie, dait tenyatayang kenaq siq Roh Allah, dait tesaksiang siq pare malaékat. Beritene teumumang léq antare bangse-bangse saq ndéq kenal Allah, dait Ie tepercaye léq dalem dunie dait teangkat ojok dalem kemuliean.

TITUS 2:13

Mangkin niki ite ngantih pengharepan saq miaq bahagie serte berembé Allah dait Juruselamette Deside Isa Almasih nyatayang kemuliean-Ne saq Maheagung.

1 YAHYA 5:20

Ite nenaoq bahwe Bije saq asalne léman Allah sampun rauh dait sampun ngicanin ite pengertian, adéq ite kenal kance Allah saq kenaq. Ite idup léq dalem Allah saq kenaq dait léq dalem Bije-Ne, Deside Isa Almasih. Ie Allah saq kenaq, dait idup sejati dait kekel.

1 YAHYA 5:7

Séngaq araq telu saksi léq dalem sorge: Bapa, Manik dait Roh Suci; dait ketelune nike sopoq.