KOLOSE 2:8 - KITAB SUCI ZABUR INJIL

⁸ Side pade harus onyaq-onyaq ndaq jangke araq saq pengaruhin siq pengajahan-pengajahan saq palsu dait ndéq araq manpaatne. Pengajahan-pengajahan nike asalne léman adat istiadat dait roh-roh dunie, ndéqne berasal léman Almasih.

KOLOSE 2:8 ပူးပေါင်းရင်းမြစ်များ

MATIUS 10:17

Laguq tetep waspade léq selapuq dengan, séngaq araq saq gen nyerahang side pade ojok mahkamah agame, dait side pade gen tepecut léq balé-balé ibadah.

MATIUS 16:6

Deside Isa bemanik léq ie pade, “Pade waspade léq ragi ruti dengan Parisi dait dengan Saduki.”

MATIUS 7:15

“Onyaq-onyaq tipaq nabi-nabi palsu. Ie pade dateng tipaq side pade nyamar maraq dombe, laguq ie pade setetune maraq serigale saq buas.

KISAH RASUL-RASUL 17:18

Guru-guru léman aliran Epikuros dait aliran Stoa bedebat éndah kance ie. Pire dengan léman ie pade bebase, “Napi saq mélé teraosang siq dengan niki? Penenaoqne cume sekediq, laguq ie luwéq raos!” Dengan-dengan saq lain bebase, “Ruene ie beriteang mengenai déwe-déwe bangse lain.” Ie pade bebase maraq nike, lantaran Paulus bebaos mengenai Deside Isa dait mengenai idup malik sesampun ninggal.

KISAH RASUL-RASUL 17:32

Waktu dengan-dengan nike dengah mengenai idup malik sesampun ninggal, araq léman ie pade saq keleléqang Paulus. Araq éndah saq bebase, “Tiang pade melét dengah side bebaos malik mengenai hal niki léq waktu saq lain.”

ROMA 16:17

Semeton-semeton senamian! Sanget siq tiang tunas léq side pade adéq side pade waspade tipaq dengan-dengan saq nimbulang perpecahan dait nyesatang dengan léman perajahan saq sampun ie pade terimaq. Jaoqang diriqde léman dengan-dengan saq maraq nike.

1 KORINTUS 10:12

Dengan saq paran diriqne kuat nganjeng, harus onyaq-onyaq; ndaq jangke ie geriq.

1 KORINTUS 8:9

Laguq, onyaq-onyaq! Ndaq jangke telaksane bahwe dengan lain jari bedose -- lantaran keyakinanne ndéqman kuat -- séngaq side pade bébas ngelaksaneang napi juaq.

2 KORINTUS 10:5

Tiang pade ngancurang pikiran-pikiran saq nyesatang dait segale macem kesombongan saq nentang penenaoq jari kenal kance Allah. Tiang pade taklukang pikiran dengan-dengan dait miaq ie pade taat tipaq Almasih.

GALATIA 1:14

Dalem hal ngelaksaneang agame Yahudi, tiang lebihan tebanding kance dengan Yahudi lainne saq anjar-anjar tiang. Tiang semanget gati léq hal-hal mengenai adat istiadat leluhur tiang pade.

GALATIA 4:3

Maraq nike éndah halne ite: Sengonéq ite ndéqman déwase, ite tejariang panjak siq roh-roh saq nguasein dunie niki.

GALATIA 4:9

Laguq mangkin side pade kenal Allah, atao tepatne malik Allah kenal side pade. Nah, kembéq side pade mélé tulak malik tipaq roh-roh dunie saq lemah dait miskin? Kembéq side pade mélé tejariang panjak siq roh-roh nike?

GALATIA 5:15

Laguq lamun side pade saling kakoq dait saling kaken, awas, ndaq jangke side pade saling binaseang.

EPESUS 2:2

Léq waktu nike side pade turut kebiasean-kebiasean dunie niki; artine side pade taat léq penguase-penguase saq araq léq awang-awang, nike roh saq mangkin nguasein até dengan-dengan saq durhake.

EPESUS 4:20

Laguq side pade ndéq maraq nike. Side pade sampun berajah jari kenal kance Almasih.

EPESUS 5:6

Ndaq side pade tetipu siq raosan-raosan saq kosong. Séngaq hal-hal niki saq datengang murke Allah tipaq dengan-dengan durhake.

PILIPI 3:2

Onyaq-onyaq léq dengan-dengan saq gawéq hal-hal saq jahat, dengan-dengan saq pantes tesebut acong. Ie pade paksaq adéq dengan-dengan tesunat.

KOLOSE 2:18

Ndaq side pade ngalurang diriqde terugiang siq dengan saq puraq-puraq ngerendahang diriqne dait nyembah malaékat-malaékat. Dengan nike sombong siq pikiran-pikiranne saq duniawi dait bangge-banggeang penyerioqan-penyerioqanne.

KOLOSE 2:20

Lamun side pade sampun ninggal bareng kance Almasih, dait sampun tebébasang léman roh-roh dunie, kembéq side pade idup maraq dengan saq masih tekuasein siq dunie niki? Kembéq side pade taat léq aturan-aturan maraq niki,

KOLOSE 2:22

Selapuq aturan nike sesampunne tekadu ndéq araq manpaatne malik. Nike cume aturan-aturan dait pengajahan-pengajahan saq tepiaq siq manusie.

KOLOSE 2:23

Aturan-aturan niki, timaq ruene penoq hikmat siq ibadah saq tepiaq mésaq, misalne ngerendahang diriq, nyiksaq diriq, laguq selapuqne nike ndéq araq manpaatne kecuali jari muasang napsu manusie.

1 TIMOTIUS 6:20

Jagaq solah-solah napi saq sampun tepercayeang léq side, Timotius! Jaoqang diriqde léman raosan-raosan saq ndéq araq manpaatne dait saq ndéq suci dait raosan-raosan mengenai hal-hal saq tesebut penenaoq padahal ndéq.

2 TIMOTIUS 3:13

laguq dengan-dengan saq jahat dait dengan-dengan penipu gen sayan jahat. Ie pade nyesatang dengan lain, padahal ie mésaq tepiaq sesat éndah.

IBRANI 13:9

Ndaq alurang diriqde tepiaq sesat siq pengajahan-pengajahan saq ndéq keruan. Aténte harus teteguqang siq rahmat Allah, nike saq solah; ndaq lantaran aturan-aturan mengenai keloran. Dengan-dengan saq laéq taat léq aturan-aturan nike, ndéq mauq manpaatne.

IBRANI 3:12

Semeton senamian, onyaq-onyaq ndaq jangke araq sopoq dengan juaq léq antare side bedowé angen saq jahat dait ndéq percaye, sehingge ie murtat léman Allah saq idup!

1 PETRUS 1:18

Séngaq side pade nenaoq bahwe side pade sampun tetebus léman kehidupande saq sie-sie saq tewarisang siq leluhurde. Ie nebus side ndéq kadu barang-barang saq gen binase maraq emas atao perak,

2 PETRUS 3:17

Laguq side pade, semeton senamian saq tiang kasihin, side pade sampun nenaoq mengenai hal nike. Keranaq nike, waspade adéq ndaq jangke side pade teoros ojok dalem kesesatan dengan-dengan saq ndéq kenal hukum, sehingge keyakinan side pade telang.

2 YAHYA 1:8

Keranaq nike jagaq ndaq jangke side pade kélangan napi saq sampun tiang pade usaheang umaq side pade. Pade berusahe adéq side pade nerimaq selapuq upaqde léman Allah.