KOLOSE 2:7 - KITAB SUCI ZABUR INJIL

⁷ imande maraq akah lolo kayuq saq kuat dait tepenganjeng léq atas-Ne, side pade harus tetep teguq léq dalem iman side pade, maraq saq sampun teajahang léq side. Dait aténde harus belimpah-limpah siq rase syukur.

KOLOSE 2:7 ပူးပေါင်းရင်းမြစ်များ

ZABUR 1:3

Dengan nike berhasil dalem selapuq usahene; ie maraq lolo léq sedi kokoq saq bebuaq léq musimne dait ndéq uwah layu daunne.

ZABUR 92:13

Dengan jujur besuli maraq lolo korme, dait tiwoq subur maraq lolo cemare léq Libanon.

LUKAS 6:48

Ie pade maraq dengan saq kenyeke penganjeng balé, kaliqne dalem-dalem, terus miaq dasar balé nike kadu batu. Waktu araq belabur dait aiq kokoq dateng babar balé nike, balé nike ndéq iniq inggur, séngaq tepenganjeng léq atas dasar saq kuat.

ROMA 16:25

Puji syukur tipaq hadirat Allah! Ie bekuase neguqang side pade, sesuai kance Kabar Solah saq tiang sampéang mengenai Deside Isa Almasih, sesuai kance pernyataan rahasie saq sampun berabad-abad ngonéqne ndéq tetaoq siq dengan.

1 KORINTUS 1:8

Almasih mésaq gen jamin side pade jangke dateng penutuqne; adéq léq waktu jelo Tuhan, side pade tedait ndéq araq cacat cele.

1 KORINTUS 15:58

Keranaq nike, semeton senamian saq tiang kasihin, side pade harus kuat dait kukuh. Pade terus pacu-pacu begawéan bagi Tuhan. Séngaq side pade nenaoq bahwe selapuq saq side pade laksaneang bagi Tuhan, ndéqne sie-sie.

2 KORINTUS 1:21

Séngaq Ie saq sampun neguqang tiang pade bareng-bareng kance side léq dalem Almasih, nike Allah saq sampun nyuciang dait ngesahang ite.

EPESUS 3:17

Sehingge siq iman side pade, Almasih meneng léq dalem aténde, dait side berakah kuat maraq lolo kayuq serte tedasarang léq dalem kasih.

EPESUS 4:21

Séngaq side pade sampun dengah mengenai Ie dait nerimaq pengajahan léq dalem Ie menurut kebenaran saq nyate léq dalem Deside Isa.

EPESUS 5:20

Sebilang waktu dait léq hal napi juaq side harus besyukur léq Allah Bapa, siq peséngan Deside Isa Almasih, Junjungante Saq Mulie.

KOLOSE 1:23

Laguq side pade harus tetep setie percaye dait teguq léq keyakinande nike. Ndaq jangke side pade ngelepas harepan saq sampun teicanin tipaq side pade sewaktu side pade nerimaq Kabar Solah léman Allah. Kabar nike sampun teberiteang tipaq sebilang dengan léq seantéro dunie. Dait lantaran hal nike juaq tiang, Paulus sampun jari pelayan.

KOLOSE 3:17

Napi juaq saq side pade laksaneang atao ucapang, hal nike harus telaksaneang dait teucapang siq peséngan Junjungan Saq Mulie Deside Isa Almasih, sambil ngucap syukur tipaq Allah Bapa léq napi saq telaksaneang siq Deside Isa umaq side.

1 TESALONIKA 5:18

Besyukur léq dalem selapuq hal, séngaq nike saq tekayunang siq Allah léman side pade sebagé dengan saq idup léq dalem Deside Isa Almasih.

2 TESALONIKA 2:17

ngibur dait neguqang aténde léq dalem pegawéan dait ucapan saq solah.

IBRANI 13:15

Keranaq nike, siq perantare Deside Isa, ite harus tetep memuji-muji Allah; nike jari kurban syukurte tipaq Ie, saq ite aturang langan ucapan jari mulieang peséngan-Ne.

IBRANI 13:9

Ndaq alurang diriqde tepiaq sesat siq pengajahan-pengajahan saq ndéq keruan. Aténte harus teteguqang siq rahmat Allah, nike saq solah; ndaq lantaran aturan-aturan mengenai keloran. Dengan-dengan saq laéq taat léq aturan-aturan nike, ndéq mauq manpaatne.

1 PETRUS 5:10

Dait Allah, sumber selapuq rahmat, saq sampun ngemanikang side léq dalem Almasih tipaq kemuliean-Ne saq kekel, gen nyempurneang, neguqang, nguatang dait ngukuhang side.

YUDAS 1:12

Sewaktu side pade ngaraqang rowah, tingkah laku dengan-dengan nike tetu-tetu nyepaqang angen. Séngaq ie pade melak ndéq araq ilaqne, dait ie cume mentingang diriqne mésaq. Ie pade maraq awan saq tetiup siq angin, laguq ndéq nurunang ujan. Ie pade éndah maraq lolo saq ndéq ngasilang buaq timaq léq musim buaq; lolo-lolo saq akahne sampun teembot dait tetu-tetu sampun maté.

YUDAS 1:20

Laguq side pade, semeton senamian saq tiang kasihin, terus pesolah diriqde léq atas dasar imande saq paling suci. Dait bedo'e siq kuase Roh Allah,

YUDAS 1:24

Allah, saq sanggup jagaq adéq side pade ndéq geriq, dait saq sanggup gadingang side ojok hadirat-Ne saq Mulie siq sukecite dait ndéq bedowé cacat cele,