KOLOSE 2:5 - KITAB SUCI ZABUR INJIL

⁵ Séngaq timaq tiang bejaoqan kance side pade, anggep bahwe tiang araq léq antare side pade. Dait tiang seneng serioq side pade idup tertib dait teguq beriman tipaq Almasih.

KOLOSE 2:5 ပူးပေါင်းရင်းမြစ်များ

1 TESALONIKA 2:17

Laguq semeton senamian, sementare waktu tiang jaoq léman side pade -- jaoq léq mate laguq rapet léq angen -- tiang pade sayan kangen kance side dait tetu-tetu berusahe jari jangoq side pade!

1 PETRUS 5:9

Lawan ie siq iman saq kuat, séngaq side pade nenaoq bahwe selapuq semetonde léq seantéro dunie éndah menderite maraq side pade.

1 KORINTUS 16:13

Side pade harus waspade dait kuat léq dalem iman. Ndaq takut dait harus tetep kuat.

IBRANI 3:14

Ite selapuq sampun mauq bagian léq dalem Almasih lamun ite tetep percaye léq pengharepante saq penembéq jangke penutuqne.

1 KORINTUS 14:40

Laguq selapuqne harus telaksaneang secare bagus dait tertib.

IBRANI 6:19

Pengharepante nike maraq jangkar saq tetalet dalem gati dait taoqte betegelan saq kuat dait aman umaq jiwente, saq sampun nembus kelambu saq begantung léq dalem Gedéng Suci Allah,

1 TESALONIKA 3:8

sehingge mangkin tiang pade idup malik, asal side pade tetep araq léq dalem Tuhan.

1 KORINTUS 15:58

Keranaq nike, semeton senamian saq tiang kasihin, side pade harus kuat dait kukuh. Pade terus pacu-pacu begawéan bagi Tuhan. Séngaq side pade nenaoq bahwe selapuq saq side pade laksaneang bagi Tuhan, ndéqne sie-sie.

ZABUR 78:37

Ie pade ndéq setie léq Ie dait ndéq betegelan léq perjanjian-Ne.

ZABUR 78:8

adéq ie pade ndéq maraq leluhur ie pade saq girang ngelawan dait durhake; dengan-dengan saq ndéq tetep imanne, dait ndéq setie léq Allah.

KOLOSE 2:1

Tiang melét side pade nenaoq berembé beratne tiang bejuang umaq side dait umaq ie pade saq léq Laodikia dait jari selapuq saq ndéqman kenal tiang secare pribadi.

1 KORINTUS 11:34

Lamun araq saq lapah, ie harus bekelor juluq léq balé. Lamun side pade perhatiang hal niki, make kumpulan-kumpulan ibadahde ndéqne gen datengang hukuman léman Allah léq diriqde mésaq. Mengenai masalah-masalah saq lain, laun gen tiang jelasang tipaq side, lamun tiang dateng.

KISAH RASUL-RASUL 2:42

Ie pade pacu-pacu berajah léman rasul-rasul dait tetep bekumpul bareng-bareng. Ie pade bekelor bareng-bareng dait bedo'e bareng-bareng.

KISAH RASUL-RASUL 20:21

Tipaq bangse-bangse Yahudi dait dengan bangse-bangse lain, selapuqne tiang peringet adéq ie pade tobat léman dose-dosene dait parek ojok Allah, serte beriman léq Junjungante Saq Mulie Deside Isa.