KOLOSE 2:3 - KITAB SUCI ZABUR INJIL

³ Léq dalem Almasih nike tesimpen selapuq harte hikmat dait penenaoq léman Allah.

KOLOSE 2:3 ပူးပေါင်းရင်းမြစ်များ

MATIUS 10:26

“Ndaq takut léq manusie. Ndéq araq saq teseboq, saq ndéq gen penggitan, dait ndéq araq saq terahasieang saq ndéq gen tebungkar.

LUKAS 11:49

Keranaq nike Allah bemanik secare bijaksane, ‘Tiang gen ngutus tipaq ie pade nabi-nabi dait utusan-utusan Tiang; separo gen tematéq, dait separo gen teaniaye!’

ROMA 11:33

Luar biase gati kesugihan Allah, kebijaksanean dait pewikanan-Ne! Sai saq bau selidik keputusan-keputusan Allah? Sai saq bau ngerti langan-langan Allah?

1 KORINTUS 1:24

Laguq bagi dengan-dengan saq sampun temanikang siq Allah -- dengan Yahudi dait dengan bangse-bangse lain -- Almasih nike kekuatan dait kebijaksanean Allah.

1 KORINTUS 1:30

Allah mésaq saq miaq side araq léq dalem Deside Isa Almasih. Langan Almasih ite tejariang bijaksane. Dait langan Ie éndah Allah miaq ite tejariang kenaq léq arepan-Ne sehingge hubungante kance Allah jari solah malik, jariang ite dengan-dengan saq tehususang bagi Allah dait bébasang ite.

EPESUS 1:8

Ie ngelaksaneang nike lantaran Ie sanget ngasihin ite, dait kasih nike limpahang-Ne tipaq ite siq kebijaksanean dait pengertian.

KOLOSE 1:19

Allah mésaq saq kayun adéq selapuq keilahian Allah saq sempurne, araq éndah secare lengkap léq dalem diriq Bije saq asalne léman Ie.

KOLOSE 1:28

Almasih nike saq tiang pade beriteang tipaq selapuq dengan. Tiang pade béng naséhat dait ngajah ie pade selapuq siq kebijaksanean. Tujuan tiang pade adéq sebilang dengan bau tejauq tipaq Allah jari dengan-dengan saq sampun déwase léq dalem Almasih.

KOLOSE 1:9

Keranaq nike tiang pade tetep bedo'e adéq side pade nerimaq selapuq hikmat dait pengertian saq kenaq, sehingge side pade nenaoq pekayunan Allah secare sempurne.

KOLOSE 3:16

Manik Almasih harus araq secare belimpah-limpah léq antare side, sehingge side siq selapuq hikmat ngajah dait ngebéng peringetan tipaq sopoq dengan dait saq lain sambil nyanyiang zabur, dait puji-pujian serte nyanyian rohani, side ngucap syukur tipaq Allah léq dalem aténde.

KOLOSE 3:3

Séngaq side pade sampun ninggal, dait idupde teilipang bareng kance Almasih léq dalem Allah.

2 PETRUS 1:5

Keranaq nike, side pade harus pacu-pacu berusahe adéq side pade tetep percaye léq Almasih dait percayende nike tenyatayang siq idup saq solah. Selain idup saq solah, side pade perlu jari dengan saq bedowé penenaoq,

WAHYU 2:17

Sai bedowé kentok, harus ie dengahang napi saq temanikang siq Roh Allah tipaq jemaah-jemaah! Sai-sai saq menang, gen Tiang béng kelorang manna saq teseboq, dait Tiang gen béng ie pade batu putéq. Léq batu nike tetulis sopoq aran saq baru, saq ndéq tetaoq siq sai-sai, selain siq dengan saq nerimaq batu putéq nike.”