KOLOSE 2:2 - KITAB SUCI ZABUR INJIL

² Selapuqne niki tiang laksaneang adéq até ie pade jari kuat dait ie pade saling kasihin sehingge ie pade jari teguq besopoq. Siq care nike ie pade jari tetu-tetu ngerti dait yakin serte paham rahasie Allah, saq temaksut nike Almasih mésaq.

KOLOSE 2:2 ပူးပေါင်းရင်းမြစ်များ

ZABUR 133:1

Nyanyian siarah Daud. Tetu-tetu, solah dait seneng gati, lamun semeton jari idup rukun!

MATIUS 11:25

Léq waktu nike Deside Isa bedo'e, “Bapa, Tuhan saq nguasein langit dait gumi! Tiang besyukur tipaq Deside séngaq selapuqne nike Deside rahasieang léman dengan-dengan saq bijaksane dait bedowé ilmu. Laguq Deside nyatayang tipaq dengan-dengan saq biase-biase.

MATIUS 11:27

Beterus Deside Isa bemanik, “Selapuqne sampun teserahang léq Tiang siq Bapa. Ndéq araq sopoq dengan juaq saq kenal Bije, selain Bapa. Ndéq araq éndah saq kenal Bapa selain Bije, dait dengan-dengan tipaq sai Bije nike ngenalang Bapa.

MATIUS 13:11

Jawab Deside Isa, “Side pade sampun teicanin paice jari nenaoq rahasie Kerajaan Sorge, laguq dengan-dengan nike ndéq.

LUKAS 1:1

Teopilus saq budiman, Luwéq dengan sampun berusahe nulis secare teratur peristiwe-peristiwe saq sampun telaksane léq tengaq-tengaq ite.

YAHYA 10:30

Tiang dait Bapa sopoq.”

YAHYA 10:38

Laguq lantaran Tiang ngelaksaneang hal nike, pade percaye léq napi saq Tiang laksaneang nike, timaq side pade ndéq mélé percaye léq Tiang. Adéq side pade nenaoq dait ngerti bahwe Bapa léq dalem Tiang, dait Tiang léq dalem Bapa.”

YAHYA 16:15

Selapuq saq araq léq Bapa nike dowén Tiang. Keranaq nike, Tiang badaq bahwe napi saq tesampéang siq Roh tipaq side pade, Ie terimaq léman Tiang.”

YAHYA 17:3

Niki idup sejati dait kekel; bahwe dengan kenal kance Deside, jari sopoq-sopoqne Allah saq kenaq, dait kenal kance Deside Isa Almasih saq sampun Deside utus.

YAHYA 5:17

Laguq Deside Isa bemanik léq ie pade, “Bapa Tiang terus bekarye jangke mangkin, maraq nike éndah Tiang terus bekarye.”

YAHYA 5:23

Bapa ngelaksaneang hal nike adéq selapuq dengan hormatin Bije maraq ie pade hormatin Bapa. Dengan saq ndéq hormatin Bije artine ie éndah ndéq hormatin Bapa saq ngutus Ie.

YAHYA 6:69

Tiang pade sampun percaye dait yakin bahwe Pelungguh Saq Suci léman Allah.”

KISAH RASUL-RASUL 4:32

Selapuq dengan saq percaye nike idup sopoq angen dait sopoq jiwe. Ndéq araq sopoq dengan juaq léman ie pade anggep bahwe napi saq ie épéang jari dowéne mésaq. Napi juaq saq araq léq ie pade, ie pade kadu bareng-bareng.

ROMA 15:13

Semoge Allah, sumber pengharepan nike, penoqin angen side pade siq sukecite dait damé sejahtere séngaq side pade percaye léq Ie dait siq kuase Roh Suci side pade gen sayan kuat, belimpah-limpah siq pengharepan.

ROMA 16:25

Puji syukur tipaq hadirat Allah! Ie bekuase neguqang side pade, sesuai kance Kabar Solah saq tiang sampéang mengenai Deside Isa Almasih, sesuai kance pernyataan rahasie saq sampun berabad-abad ngonéqne ndéq tetaoq siq dengan.

ROMA 2:4

Atao side pade ngeréméhang kemurahan Allah dait kesolahan kance kesabaran Allah saq beléq nike? Pasti side pade selapuq nenaoq bahwe Allah nyatayang kesolahan angen-Ne séngaq Allah kayun adéq side pade selapuq betobat léman dose-dose side pade.

1 KORINTUS 14:31

Siq care nike, semeton senamian sopoq-sopoq bau benubuat; adéq selapuqne bau nerimaq perajahan dait mauq kekuatan.

1 KORINTUS 2:12

Dait ite, ndéq nerimaq roh dunie niki, laguq Roh saq léman Allah, adéq ite nenaoq selapuq saq sampun teicanin siq Allah tipaq ite.

GALATIA 3:28

Dalem hal niki ndéq araq malik bédene dengan Yahudi dait dengan Yunani, antare hambe dait dengan bébas, antare mame dait nine. Side selapuqne sopoq léq dalem Deside Isa Almasih.

EPESUS 1:7

Séngaq léq dalem Almasih dait siq daraq-Ne ite bau tetebus, nike pengampunan dose sesuai rahmat-Ne saq melimpah.

EPESUS 3:16

Tiang bedo'e adéq Allah menurut kemuliean-Ne saq melimpah neguqang batinde siq Roh-Ne.

EPESUS 3:3

Allah nyatayang rahasie rencane-Ne léq tiang langan wahyu. (Mengenai hal niki sendéqmanne sampun tiang tulis secare singket,

EPESUS 6:22

Keranaq nike tiang ngutus ie tipaq side, jari badaq side selapuq keadaan tiang pade, adéq ie beléqang angende.

PILIPI 2:1

Jari, lantaran léq dalem Almasih araq naséhat, araq penghiburan kasih, araq persahabatan léq dalem Roh Suci, araq rase saling kasihin dait belas kasihan,

PILIPI 3:8

Ndéqne hal-hal nike doang; laguq malahan selapuq hal tiang anggep hal-hal saq ngerugiang doang. Saq tiang épéang mangkin niki lebih mulie: Kenal kance Deside Isa Almasih, Junjungan tiang Saq Mulie. Lantaran Almasih, make tiang sampun lepas selapuqne. Tiang anggep selapuqne nike maraq dedoro doang, adéq tiang mauq Almasih,

KOLOSE 1:26

nike rahasie saq sampun berabad-abad ngonéqne terahasieang siq Allah léq selapuq dengan, laguq mangkin tenyatayang siq Allah tipaq umat-Ne.

KOLOSE 1:27

Tipaq umat-Ne nike Allah kayun nyatayang berembé bagusne dait agungne rahasie nike umaq selapuq bangse. Rahasie nike: Almasih araq léq dalem diriqde. Nike artine bahwe side pade bedowé pengharepan jari mauq kemuliean.

KOLOSE 1:9

Keranaq nike tiang pade tetep bedo'e adéq side pade nerimaq selapuq hikmat dait pengertian saq kenaq, sehingge side pade nenaoq pekayunan Allah secare sempurne.

KOLOSE 2:19

Ie pade ndéq teguq betegelan léq Ulu, saq ngicanin keloran tipaq selapuq awak dait saq ngubungang selapuq awak nike jari sopoq awak langan sendi-sendi dait uwat-uwatne. Langan Ulu nike éndah selapuq awak sayan beléq menurut pekayunan Allah.

KOLOSE 3:14

Dait léq atas selapuqne nike: Side pade harus kadu kasih, jari pengiket saq pesopoq dait nyempurneang.

KOLOSE 4:3

Do'eang éndah tiang pade adéq Allah ngicanin tiang pade kesempatan saq bagus jari nyampéang berite mengenai rahasie Almasih. Lantaran hal nike make mangkin niki tiang araq léq dalem bui.

KOLOSE 4:8

Tiang ngutus ie tipaq side siq maksut adéq side pade nenaoq keadaan tiang pade dait side pade tehibur.

1 TESALONIKA 1:5

Séngaq tiang pade nyampéang Kabar Solah léq side ndéqne siq ucapan-ucapan doang, laguq éndah siq kuase dait siq Roh Suci. Dait tiang pade yakin gati léq kebenaran Kabar Solah nike. Side pade nenaoq berembé tiang pade begawéan sewaktu tiang pade araq léq tengaq-tengaq side pade.

1 TESALONIKA 3:2

terus tiang pade ngutus semetonte Timotius. Timotius nike pelayan Allah saq begawéan bareng kance tiang pade jari beriteang Kabar Solah mengenai Almasih. Tiang pade ngutus Timotius tipaq side, adéq ie neguqang até side pade dait ngebéng naséhat mengenai iman side pade.

1 TESALONIKA 5:14

Semeton senamian, tiang pade éndah ngebéng naséhat, peringet ie pade saq idup ndéq tertib; hibur dengan saq kuatir angenne; pade tulung dengan saq lemah dait sabar léq selapuq dengan.

1 TIMOTIUS 3:16

Ndéq araq sopoq dengan juaq saq tao nilas, berembé beléqne rahasie ibadahte: Ie saq sampun nyatayang diriq-Ne léq dalem wujut manusie, dait tenyatayang kenaq siq Roh Allah, dait tesaksiang siq pare malaékat. Beritene teumumang léq antare bangse-bangse saq ndéq kenal Allah, dait Ie tepercaye léq dalem dunie dait teangkat ojok dalem kemuliean.

IBRANI 10:22

Keranaq nike silaq ite ngadep Allah siq angen saq tulus dait iman saq teguq; siq até saq sampun tesuciang léman perasaan salaq, dait siq awak saq sampun tepersiq kadu aiq saq murni.

IBRANI 6:11

Tiang pade melét gati adéq side pade sopoq-sopoq tetep besemanget jangke dateng penutuqne, adéq side pade pasti mauq napi saq side pade harepang nike.

2 PETRUS 1:10

Keranaq nike, semeton senamian, pacu-pacu berusahe adéq maksut Allah ngemanikang dait miléq diriq side pade jari sayan teguq. Lamun side pade ngelaksaneang hal nike, side pade ndéq gen murtat.

2 PETRUS 1:3

Selapuq hal saq bemanpaat jari idup saq soléh sampun teicanin tipaq ite siq kuase Ilahi-Ne, langan napi saq ite taoq mengenai Deside Isa Almasih saq sampun ngemanikang ite siq kuase-Ne saq mulie dait ajaip.

2 PETRUS 3:18

Side pade harus sayan kuat léq dalem rahmat dait dalem hal kenal kance Deside Isa Almasih, Junjungante Saq Mulie dait Juruselamette. Bagi Ie kemuliean dait kehormatan, mangkin dait jangke selaéq-laéqne! Amin.

1 YAHYA 3:19

Maraq nike entane ite nenaoq bahwe ite niki asalne léman kebenaran. Maraq nike éndah aténte iniq tentrem léq arepan Allah.

1 YAHYA 5:7

Séngaq araq telu saksi léq dalem sorge: Bapa, Manik dait Roh Suci; dait ketelune nike sopoq.