KOLOSE 1:9 - KITAB SUCI ZABUR INJIL

⁹ Keranaq nike tiang pade tetep bedo'e adéq side pade nerimaq selapuq hikmat dait pengertian saq kenaq, sehingge side pade nenaoq pekayunan Allah secare sempurne.

KOLOSE 1:9 ပူးပေါင်းရင်းမြစ်များ

ZABUR 119:99

Pengertian kaji lebihan léman pengertian guru-guru kaji, séngaq kaji mikirang préntah-préntah Deside.

ZABUR 143:10

Ajah kaji ngelaksaneang pekayunan Deside, séngaq Deside Allah kaji. Deside solah, dait gen bimbing kaji léq langan saq rate.

YAHYA 7:17

Dengan saq mélé turut pekayunan Allah gen nenaoq napi pengajahan Tiang asalne léman Allah atao léman Tiang mésaq.

KISAH RASUL-RASUL 12:5

Jari Petrus tetahen léq bui; laguq jemaah do'eang ie pacu-pacu tipaq Allah.

ROMA 12:2

Ndaq turut kebiasean dunie niki, laguq robah diriqde mésaq siq pembaruan budi side pade, adéq bau bédeang pekayunan Allah: Saq solah, saq nyenengang Allah, dait saq sempurne.

1 KORINTUS 1:5

Lantaran side pade sampun araq léq dalem Almasih, make idupde sugih léq dalem selapuq hal. Penenaoqde mengenai selapuq hal sampun dalem gati, dait side pade ceket ngajahang penenaoq nike.

EPESUS 1:8

Ie ngelaksaneang nike lantaran Ie sanget ngasihin ite, dait kasih nike limpahang-Ne tipaq ite siq kebijaksanean dait pengertian.

EPESUS 5:10

Pade berusahe jari nguji napi saq nyenengang Tuhan.

EPESUS 5:17

Ndaq bodo, laguq selidik napi saq tekayunang siq Tuhan.

EPESUS 6:6

Ndaq side bekelakuan maraq nike cume léq waktu side teawasin, cume jari teajum siq manusie. Laguq side pade harus laksaneang sebagé hambe Almasih saq kenyeke turut pekayunan Allah sepenoq angen.

PILIPI 1:4

Dait sebilang tiang do'eang side selapuq, Tiang bedo'e siq sukecite.

KOLOSE 1:6

Kabar Solah léman Allah nike nyebar léq seantéro dunie dait terus-menerus datengang berkah, pade maraq saq sampun telaksane léq antare side pade mulai léman side pade dengah dait ngerti mengenai rahmat Allah saq setetune.

KOLOSE 3:16

Manik Almasih harus araq secare belimpah-limpah léq antare side, sehingge side siq selapuq hikmat ngajah dait ngebéng peringetan tipaq sopoq dengan dait saq lain sambil nyanyiang zabur, dait puji-pujian serte nyanyian rohani, side ngucap syukur tipaq Allah léq dalem aténde.

KOLOSE 4:12

Salam léman Epapras. Ie éndah salaq sopoq dengan léman kalangande. Ie hambe Deside Isa Almasih, saq tetep tekun do'eang side pade. Sanget siqne tunas léq Allah adéq keyakinan side jari kuat dait side pade tetu-tetu déwase, adéq side pade jari sempurne dait taat léq pekayunan Allah.

KOLOSE 4:5

Léq dalem hubungan side pade kance dengan-dengan saq ndéq percaye, side pade harus idup bijaksane dait solah-solah kadu sebilang kesempatan.

1 TESALONIKA 5:17

Dait pade tetep bedo'e.

2 TESALONIKA 1:11

Keranaq nike tiang pade tetep do'eang side pade. Tiang pade bedo'e adéq Allah jariang idup side pade patut menurut pekayunan-Ne; jari hal nike Ie ngemanikang side pade. Dait adéq siq kuase-Ne Ie nyempurneang keméléqde jari piaq saq solah, dait nyempurneang selapuq pegawéan iman side pade.

PILEMON 1:4

Tiang ngucap syukur tipaq Allah tiang, sebilang tiang inget side léq dalem do'e tiang.

PILEMON 1:6

Tiang bedo'e semoge hubungante besemeton léq dalem iman gen ngasilang pengertian saq sayan luwéq mengenai sebilang hal saq solah léq antare ite bagi Almasih.

IBRANI 10:36

Side pade perlu ketekunan, adéq side pade bau ngelaksaneang pekayunan Allah dait siq care nike bau nerimaq napi saq tejanjiqang siq Allah.

IBRANI 13:21

Semoge Allah sumber damé sejahtere nike nyempurneang side pade siq selapuq saq solah saq side pade perluang jari ngelaksaneang pekayunan-Ne. Semoge siq perantarean Deside Isa Almasih, Allah ngelaksaneang napi saq Ie kayunang léq dalem ite. Bagi Ie kemuliean selaéq-laéqne! Amin.

YAKUB 1:5

Lamun araq sopoq dengan léq antare side saq kekurangan hikmat, ie harus tunas léman Allah, make Allah gen ngicanin ie; séngaq léq sebilang dengan, Allah ngicanin secare murah até dait nénten ngungkit-ngungkit kesalaqanne.

YAKUB 3:17

Laguq kebijaksanean saq asalne léman atas, pertame-tame murni, beterus demen bedamé, gerasaq, penurut, penoq belas kasihan dait ngasilang perbuatan-perbuatan saq solah, ndéq bepihak dait ndéq munapik.

1 PETRUS 2:15

Séngaq Allah kayun adéq siq perbuatan-perbuatan side saq solah side pade tungkem biwih dengan saq bodo.

1 PETRUS 4:2

Keranaq nike, semasih araq waktu léq dunie niki side pade harus idup menurut pekayunan Allah, dait ndéqne menurut keméléq manusie.

1 YAHYA 2:17

Dunie dait selapuq keméléqne kenyeke telang. Laguq dengan saq turut pekayunan Allah, tetep idup jangke selaéq-laéqne.

1 YAHYA 5:20

Ite nenaoq bahwe Bije saq asalne léman Allah sampun rauh dait sampun ngicanin ite pengertian, adéq ite kenal kance Allah saq kenaq. Ite idup léq dalem Allah saq kenaq dait léq dalem Bije-Ne, Deside Isa Almasih. Ie Allah saq kenaq, dait idup sejati dait kekel.