KOLOSE 1:3 - KITAB SUCI ZABUR INJIL

^3-4 Tiang pade sampun dengah mengenai iman side pade léq dalem Deside Isa Almasih dait mengenai kasih side pade léq selapuq dengan-dengan saq tehususang bagi Allah. Keranaq nike sewaktu tiang pade do'eang side pade, tiang pade tetep ngucap syukur tipaq Allah, Bapa Junjungante Saq Mulie Deside Isa Almasih.

KOLOSE 1:3 ပူးပေါင်းရင်းမြစ်များ

ROMA 15:6

Sehingge siq sopoq angen dait sopoq suare, side pade selapuq ngemulieang Allah, Bapa Junjungante Saq Mulie Deside Isa Almasih.

1 KORINTUS 1:4

Tiang tetep besyukur tipaq Allah mengenai side pade, séngaq side pade sampun nerimaq rahmat léman Allah langan Deside Isa Almasih.

2 KORINTUS 1:3

Puji syukur tipaq Allah, Bapa léman Junjungante Saq Mulie, Deside Isa Almasih. Ie Bapa saq penoq siq belas kasihan, dait Allah sumber selapuq penghiburan.

EPESUS 1:15

Keranaq nike, mulai léman tiang dengah mengenai iman side pade léq Junjungan Saq Mulie Deside Isa Almasih, dait mengenai kasihde léq selapuq dengan-dengan saq tehususang bagi Allah,

EPESUS 6:18

Laksaneang selapuqne nike sambil bedo'e jari tunas pertulungan léman Allah. Léq sebilang kesempatan, pade bedo'e léq dalem Roh dait side pade harus tetep bejage-jage léq dalem do'ende nike siq petunasan saq ndéq araq tutuqne umaq selapuq dengan-dengan saq tehususang bagi Allah.

PILIPI 4:6

Ndaq side pade kuatir léq napi juaq. Laguq nyatayang tipaq Allah selapuq hal saq side melétang dalem do'e dait petunasan siq ucapan syukur.

KOLOSE 1:13

Ie sampun bébasang ite léman penguase saq nguasein peteng dait ngalihang ite ojok dalem Kerajaan Bije-Ne saq Ie kasihin.

KOLOSE 1:9

Keranaq nike tiang pade tetep bedo'e adéq side pade nerimaq selapuq hikmat dait pengertian saq kenaq, sehingge side pade nenaoq pekayunan Allah secare sempurne.

1 TESALONIKA 1:2

Tiang pade tetep besyukur tipaq Allah lantaran side pade selapuq. Sebilang tiang pade bedo'e tipaq Allah dait Bapante, tiang pade tetep inget léq side pade. Tiang pade tetep do'eang side pade. Tiang pade inget berembé perbuatan imande, usahe kasihde dait ketekunan pengharepan side tipaq Junjungante Saq Mulie Deside Isa Almasih.

2 TIMOTIUS 1:3

Tiang besyukur léq Allah saq tiang layanin siq angen saq tulus, maraq saq telaksaneang siq pare leluhur tiang laéq. Tiang tetep besyukur léq Allah sebilang tiang inget side léq dalem do'e, timaq kenjelo atao kekelem.