IBRANI 8:3 - KITAB SUCI ZABUR INJIL

³ Sebilang imam agung teangkat jari ngaturang kurban atao persembahan tipaq Allah. Maraq nike éndah Imam Agungte; harus araq saq Ie aturang.

IBRANI 8:3 ပူးပေါင်းရင်းမြစ်များ

YAHYA 6:51

Tiang niki ruti saq turun léman sorge -- ruti saq ngebéng idup. Dengan saq ngelorang ruti niki gen idup selaéq-laéqne. Ruti saq gen Tiang béng jari kehidupan manusie léq dunie, nike ragen Tiang.”

ROMA 4:25

Deside Isa niki sampun teserahang jari tematéq lantaran dose-dosente; terus Ie teidupang malik siq Allah adéq ite bau tejariang kenaq léq arepan-Ne sehingge hubungante kance Allah jari solah malik.

ROMA 5:6

Léq waktu ite dalem keadaan lemah, Almasih ninggal umaq ite dengan-dengan saq durhake, léq waktu saq tepat saq tetentuang siq Allah.

ROMA 5:8

Laguq Allah nyatayang kasih-Ne léq ite sewaktu Deside Isa ninggal umaq ite, léq waktu ite masih bedose.

GALATIA 2:20

Mangkin ndéqne malik tiang saq idup, laguq Almasih saq idup léq dalem diriq tiang. Dait idup saq tiang alamin mangkin niki, idup siq iman tipaq Bije saq asalne léman Allah saq ngasihin tiang dait saq sampun ngurbanang diriq-Ne umaq tiang.

EPESUS 5:2

Idupde harus tekuasein siq kasih, maraq Almasih éndah ngasihin ite. Ie ngurbanang diriq-Ne umaq ite, jari sopoq persembahan saq sengéh dait kurban saq nyenengang Allah.

TITUS 2:14

Ie sampun ngurbanang diriq-Ne umaq ite jari bébasang ite léman selapuq kejahatan, dait nyuciang dengan-dengan saq jari dowé-Ne mésaq, dait saq rajin ngelaksaneang saq solah.

IBRANI 2:17

Nike artine bahwe Ie harus jari pade kance sanak-sanak-Ne léq dalem selapuq-lapuqne. Dait siq care nike Ie bau jari Imam Agung saq bedowé belas kasihan dait setie tipaq Allah. Siq pelayanan-Ne nike dose manusie bau teampunin.

IBRANI 3:1

Keranaq nike, semeton-semeton saq suci, saq nerimaq bagian léman Allah saq sampun ngemanikang léman sorge, side pade harus merhatiang Rasul dait Imam Agung saq sampun ite percaye, nike Deside Isa.

IBRANI 5:1

Sebilang Imam Agung tepiléq léq antare manusie, dait tetetepang jari ngewakilin manusie léq urusan ie pade kance Allah. Tugasne jari ngaturang persembahan dait kurban lantaran dose.

IBRANI 7:27

Deside Isa nénten maraq imam-imam agung saq lain, saq sebilang jelo harus ngaturang kurban persembahan lantaran dose-dosene mésaq juluq, baruq lantaran dose-dose umat. Deside Isa ngaturang kurban cume sekali doang jari selaéq-laéqne, sewaktu Ie ngaturang diriq-Ne mésaq jari kurban.

IBRANI 8:4

Seandéne Ie araq léq dunie niki, Ie nénten gen jari imam, séngaq sampun araq imam saq ngaturang kurban saq tetuntut léq dalem Hukum Taurat.

IBRANI 9:14

Jari, lamun daraq dait awu-awu nike bau persiq kenajisan dengan-dengan nike, lebih-lebih daraq Almasih! Siq Roh saq kekel, Almasih ngaturang diriq-Ne mésaq tipaq Allah jari kurban saq sempurne. Daraq-Ne persiq até nuraninte léman perbuatan saq ndéq araq manpaatne, adéq ite bau beribadah tipaq Allah saq idup.