IBRANI 5:3 - KITAB SUCI ZABUR INJIL

³ Dait, lantaran ie mésaq lemah, make ie harus ngaturang kurban, ndéqne cume lantaran dose-dose umat, laguq lantaran dose-dosene mésaq éndah.

IBRANI 5:3 ပူးပေါင်းရင်းမြစ်များ

1 KORINTUS 15:3

Napi saq tiang sampéang tipaq semeton senamian nike, nike sampun tiang terimaq éndah. Saq paling penting, tiang sampéang tipaq side bahwe Almasih ninggal lantaran dose-dosente maraq saq tetulis léq dalem Kitab Suci, tiang sampéang tipaq side bahwe Almasih ninggal lantaran dose-dosente;

IBRANI 10:12

Sebalikne, Almasih cume ngaturang sopoq kurban jari pengampunan dose, dait kurban nike berlaku selaéq-laéqne. Sesampun ngaturang kurban nike, Almasih melinggih léq sedi kanan Allah, dait mréntah bareng kance Allah.

IBRANI 7:27

Deside Isa nénten maraq imam-imam agung saq lain, saq sebilang jelo harus ngaturang kurban persembahan lantaran dose-dosene mésaq juluq, baruq lantaran dose-dose umat. Deside Isa ngaturang kurban cume sekali doang jari selaéq-laéqne, sewaktu Ie ngaturang diriq-Ne mésaq jari kurban.

IBRANI 9:7

Saq tame ojok bagian paling dalem léman kémah nike cume imam agung doang. Ie ngelaksaneang hal nike cume sekali setaun. Ie ngelaksaneang nike jauq daraq jari teaturang tipaq Allah lantaran diriqne mésaq dait lantaran dose-dose saq ndéq sediah tepiaq siq umat-Ne.