IBRANI 5:2 - KITAB SUCI ZABUR INJIL

² Imam Agung nike bau paham ie pade saq jahat dait sesat, lantaran ie mésaq luwéq kelemahan.

IBRANI 5:2 ပူးပေါင်းရင်းမြစ်များ

IBRANI 4:15

Imam Agungte nike ndéqne imam saq ndéq bau ngeraseang kelemahan-kelemahante. Sebalikne, Ie sampun tecobe léq dalem selapuq hal, pade maraq ite mésaq; cume Ie nénten piaq dose!

IBRANI 2:18

Dait lantaran Ie mésaq sampun menderite dait tecobe, Ie bau nulung dengan-dengan saq mauq cobe, séngaq Ie mésaq sampun tecobe dait menderite.

IBRANI 7:28

Hukum Taurat netepang dengan saq ndéq sempurne jari imam agung. Laguq sesampun nike, léman hukum nike, Allah miaq janji kadu sumpah bahwe Allah ngangkat jari Imam Agung, Bije saq asalne léman Allah saq sampun sempurne selaéq-laéqne.

IBRANI 12:13

Side harus tetep lampaq léq langan saq rate, adéq naénde saq démpang ndéqne kedesor, laguq malahan jari selah.

GALATIA 4:13

Side pade pasti masih inget napi saq jari penyebap léq penembéqne tiang beriteang Kabar Solah nike léq side. Nike lantaran tiang sakit.

2 KORINTUS 12:5

Mengenai dengan nike saq mélé tiang banggeang, ndéqne mengenai diriq tiang mésaq. Mengenai diriq tiang, cume hal-hal saq nyatayang kelemahan tiang nike saq mélé tiang banggeang.

1 TIMOTIUS 1:13

timaq laéq tiang pitnah dait nganiaye dait menghine Ie. Laguq Allah periak léq tiang, séngaq léq waktu nike tiang ndéqman percaye, jari tiang ndéq taoq napi saq tiang laksaneang.

2 KORINTUS 11:30

Jari, lamun tiang harus banggeang sopoq hal, make hal-hal saq tiang banggeang nike nyatayang kelemahan tiang.

LUKAS 22:32

Laguq Tiang sampun do'eang side, Simon, adéq imande ndéq luntur. Dait lamun side sampun tulak tipaq Tiang, side harus teguqang iman semeton-semetonde.”

EPESUS 4:18

Pikiran ie pade nike sampun bute. Ie pade ndéq kenal kance kehidupan saq teicanin siq Allah, séngaq ie pade tetu-tetu bodo dait pagah.

IBRANI 2:17

Nike artine bahwe Ie harus jari pade kance sanak-sanak-Ne léq dalem selapuq-lapuqne. Dait siq care nike Ie bau jari Imam Agung saq bedowé belas kasihan dait setie tipaq Allah. Siq pelayanan-Ne nike dose manusie bau teampunin.

IBRANI 9:7

Saq tame ojok bagian paling dalem léman kémah nike cume imam agung doang. Ie ngelaksaneang hal nike cume sekali setaun. Ie ngelaksaneang nike jauq daraq jari teaturang tipaq Allah lantaran diriqne mésaq dait lantaran dose-dose saq ndéq sediah tepiaq siq umat-Ne.

YAKUB 5:19

Semeton-semeton tiang! Lamun léq antare side araq malik sopoq dengan saq nyimpang léman kebenaran, beterus sopoq dengan saq lain miaq dengan nike tulak tipaq Allah,

1 PETRUS 2:25

Laéq side pade maraq dombe saq sesat, laguq mangkin side pade sampun tulak tipaq Pengarat dait Pemeliharaq jiwende.