IBRANI 1:9 - KITAB SUCI ZABUR INJIL

⁹ Deside suke léq keadilan, dait meriq léq hal saq jahat, keranaq nike Allah, Allah Deside, miléq Deside dait ngicanin Deside kehormatan saq datengang sukecite, lebihan léman batur-batur Deside.”

IBRANI 1:9 ပူးပေါင်းရင်းမြစ်များ

ZABUR 45:7

Allah ngicanin pelungguh kuase jari mréntah, kuase pelungguh tahen selaéq-laéqne; siq adil pelungguh mréntah rakyat pelungguh.

ZABUR 23:5

Deside siepang kaji péste léq julun musuh kaji. Deside nyambut kaji jari temué saq tehormat. Deside nyedieang kaji ineman saq maiq jangke belimpah-limpah.

GALATIA 5:22

Laguq buaq Roh nike: Kasih, sukecite, damé sejahtere, sabar, murah até, gawéq hal saq solah, kesetiean,

ROMA 15:13

Semoge Allah, sumber pengharepan nike, penoqin angen side pade siq sukecite dait damé sejahtere séngaq side pade percaye léq Ie dait siq kuase Roh Suci side pade gen sayan kuat, belimpah-limpah siq pengharepan.

LUKAS 4:18

“Roh Tuhan araq léq Tiang, séngaq Allah sampun nyuciang dait ngesahang Tiang jari beriteang Kabar Solah tipaq dengan miskin. Allah ngutus Tiang jari ngumumang tipaq dengan tawanan bahwe ie pade gen tebébasang dait tipaq dengan bute bahwe ie pade gen tao nyerioq malik; jari bébasang dengan saq tejajah,

1 YAHYA 1:3

Napi saq sampun tiang pade serioq dait dengah, nike éndah saq tiang pade beriteang tipaq side pade, adéq side pade bareng kance tiang pade éndah, idup akrab kance Bapa dait kance Bije-Ne, nike Deside Isa Almasih.

1 PETRUS 1:3

Silaq ite besyukur léq Allah, Bapa Junjungante Saq Mulie Deside Isa Almasih! Lantaran rahmat-Ne saq beléq gati, Ie ngicanin idup saq baru tipaq ite, siq care ngidupang malik Deside Isa Almasih léman tengaq-tengaq dengan ninggal. Hal nike ngebéng ite harepan saq pasti.

IBRANI 7:26

Jari, Deside Isa nike Imam Agung saq ite perluang. Ie suci; léq Ie nénten araq kesalaqan atao dose napi juaq. Deside Isa tekelin léman dengan-dengan bedose, dait tetaékang jangke ojok taoq saq atasan léman selapuq langit.

PILIPI 2:9

Keranaq nike Ie tetinggiang gati siq Allah dait Ie teicanin peséngan saq atasan léman selapuq peséngan.

EPESUS 1:3

Puji syukur tipaq Allah, Bapa Junjungante Saq Mulie Deside Isa Almasih! Ie ngicanin ite berkah siq selapuq berkah rohani léq dalem sorge, séngaq ite araq léq dalem Almasih.

1 KORINTUS 1:9

Allah nike setie. Ie sampun ngemanikang dait pesopoq side kance Bije-Ne, nike Deside Isa Almasih, Junjungante Saq Mulie.

YAHYA 20:17

“Ndaq demak Tiang,” manik Deside Isa léq ie, “séngaq Tiang ndéqman lalo ojok Bapa. Laguq silaq lumbar tipaq sanak-sanak Tiang, dait sampéang tipaq ie pade bahwe mangkin Tiang lalo ojok Bapa Tiang dait Bapa side éndah, Allah Tiang dait Allah side.”

YAHYA 1:41

Becat-becat Andreas boyaq Simon, semetonne, dait bebase léq ie, “Tiang pade sampun bedait kance Mesias!” (Mesias pade artine kance Almasih.)

ZABUR 119:128

Keranaq nike kaji idup sesuai kance selapuq petunjuk Deside; kaji meriq kelakuan saq celang.

ZABUR 119:104

Hukum-hukum Deside ngicanin kaji pengertian, sehingge kaji meriq siq kelakuan saq celang.

ZABUR 89:20

Léq jaman laéq, léq dalem sopoq penyerioqan, Deside bemanik tipaq hambe Deside saq setie, “Sampun Tiang toloq sopoq mahkote léq atas ulu sopoq pahlawan, sampun Tiang jariang raje sopoq dengan saq Tiang piléq léman bangse nike.

ZABUR 33:5

Ie seneng léq kejujuran dait keadilan; seantéro gumi penoq siq kasih-Ne.

WAHYU 2:15

Maraq nike éndah araq léq antare side pade dengan-dengan saq percaye léq pengajahan pare pengiring Nikolaus.

2 KORINTUS 11:31

Allah, Bapa léman Junjungante Saq Mulie Deside Isa, wikan bahwe tiang ndéq beduste. Tepuji peséngan-Ne selaéq-laéqne.

ROMA 12:9

Kasihde nike harus ndéq puraq-puraq. Jaoqin selapuq hal saq jahat, dait laksaneang saq solah.

KISAH RASUL-RASUL 10:38

Side pade nenaoq bahwe Allah sampun nyuciang dait ngesahang Deside Isa dengan Nazaret nike siq Roh Suci dait kuase. Side pade nenaoq éndah bahwe Deside Isa nike lumbar ojok mbé-mbé jari ngelaksaneang saq solah; Ie nyelahang selapuq dengan saq tekuasein siq Belis, séngaq Allah araq bareng Ie.

KISAH RASUL-RASUL 4:27

Séngaq mule Herodes dait Pontius Pilatus sampun ngaraqang sangkep kance dengan bangse-bangse lain dait kance dengan-dengan Israel léq kote niki. Ie pade bedait jari ngelawan Deside Isa, Hambe Deside saq suci nike, saq sampun Deside sahang jari Almasih.

YAHYA 3:34

Séngaq dengan saq teutus siq Allah nyampéang Manik Allah, séngaq nénten araq tutuqne Allah ngicanin Roh-Ne.

ZABUR 89:26

Kerajaanne gen Tiang galuhang, léman Segare Tengaq jangke dateng Kokoq Eprat.

ZABUR 40:8

Beterus tiang matur, “Niki kaji, léq dalem gulungan kitab araq tetulis mengenai kaji.

ZABUR 37:28

Séngaq ALLAH suke perbuatan saq solah dait adil, dengan saq setie léq Ie nénten Ie menengang kesie-sie. Ie ngelindungin ie pade jangke selaéq-laéqne, laguq keturunan dengan jahat gen temusnahang.

ZABUR 11:5

ALLAH nguji dengan saq kenaq dait dengan saq jahat, Ie meriq léq dengan saq demen léq kekerasan.

ZABUR 2:6

Manik-Ne, “Léq Sion, bukit Tiang saq suci sampun Tiang sahang raje piléqan Tiang.”

ZABUR 2:2

Raje-raje dunie besiep-siep dait pare penguase bemupakat ngelawan ALLAH dait ngelawan raje saq Ie piléq.

IBRANI 2:11

Séngaq Ie saq nyuciang manusie dait ie pade saq tesuciang, ie pade selapuq asalne léman saq Sopoq; keranaq nike Ie nénten ilaq akuq ie pade jari sanak-sanak-Ne.

ZABUR 45:6

Panaq pelungguh saq tajep nembus jantung musuh pelungguh, bangse-bangse geriq léq bawaq cokor pelungguh.

YAHYA 10:17

Bapa ngasihin Tiang lantaran Tiang nyerahang nyawe Tiang jari bait ie malik.

KISAH RASUL-RASUL 4:26

Raje-raje dunie besiep-siep gen perang, dait pare pemimpin besopoq ngelawan Tuhan dait ngelawan Almasih-Ne.’

IBRANI 2:9

Laguq ite serioq bahwe Ie, Deside Isa, dalem waktu saq singket sampun tepiaq bawaqan léman malaékat, dait Ie sampun teicanin mahkote kemuliean dait hormat séngaq sengsare ninggal-Ne nike, adéq siq rahmat Allah Ie ngalamin maut demi selapuq manusie.