IBRANI 1:4 - KITAB SUCI ZABUR INJIL

⁴ Bije saq asalne léman Allah nike mauq kedudukan jaoq atasan léman malaékat, dait peséngan saq teicanin siq Allah léq Ie éndah jaoq muliean léman peséngan saq teicanin tipaq malaékat.

IBRANI 1:4 ပူးပေါင်းရင်းမြစ်များ

EPESUS 1:21

Kedudukan Almasih nike jaoq atasan tebanding kance kedudukan selapuq pemréntah, selapuq penguase, selapuq pemimpin, selapuq tuan-tuan, dait sai juaq saq sampun teicanin kedudukan saq atas; saq idup léq jaman niki dait saq gen idup léq jaman saq gen dateng.

1 PETRUS 3:22

dait sampun taék ojok sorge serte melinggih léq sedi kanan Allah. Selapuq malaékat, selapuq penguase dait selapuq kekuatan takluk léq Ie.

IBRANI 2:9

Laguq ite serioq bahwe Ie, Deside Isa, dalem waktu saq singket sampun tepiaq bawaqan léman malaékat, dait Ie sampun teicanin mahkote kemuliean dait hormat séngaq sengsare ninggal-Ne nike, adéq siq rahmat Allah Ie ngalamin maut demi selapuq manusie.

2 TESALONIKA 1:7

Dait tipaq side saq mangkin niki menderite -- maraq nike éndah léq tiang pade -- Allah gen ngicanin rase lege léq jelo Junjungan Saq Mulie Deside Isa turun léman sorge nyatayang diriq-Ne teiring siq malaékat-malaékat-Ne, dalem kuase-Ne, léq dalem api saq ngelaur-laur,

KOLOSE 2:10

Side pade éndah sampun tejariang sempurne léq dalem Almasih. Almasih nike kepale selapuq pemréntah dait penguase.

KOLOSE 1:18

Jemaah nike ibarat ragene, dait Almasih jari sirahne. Ie saq sengake, saq teidupang selaéq-laéqne léq antare dengan ninggal, sehingge Ie jari saq paling utame léman selapuqne.

IBRANI 1:9

Deside suke léq keadilan, dait meriq léq hal saq jahat, keranaq nike Allah, Allah Deside, miléq Deside dait ngicanin Deside kehormatan saq datengang sukecite, lebihan léman batur-batur Deside.”

IBRANI 12:17

Séngaq side pade nenaoq, bahwe sesampun nike, sewaktu ie gen nerimaq berkah nike ie tetolaq, séngaq ie ndéq mauq kesempatan jari pesolah kesalaqanne, timaq ie boyaq jangke nangis.