IBRANI 1:3 - KITAB SUCI ZABUR INJIL

³ Ie saq nyugulang cahaye kemuliean Allah saq menah tandur; Ie wujut nyate Allah. Ie éndah saq meliharaq keselametan alam semeste niki siq manik-Ne saq bekuase. Sesampun Ie ngapus dose, Ie melinggih léq sedi kanan Saq Maheagung léq taoq saq paling atas.

IBRANI 1:3 ပူးပေါင်းရင်းမြစ်များ

WAHYU 4:11

“Ya Allah, Ya Tuhan tiang pade! Deside doang saq patut nerimaq pujian, hormat dait kuase. Séngaq Deside saq cipteang selapuq-lapuqne, dait siq pekayunan Deside éndah selapuqne nike sampun araq dait tecipteang.”

YAHYA 1:14

Manik nike sampun jari manusie, beterus Ie araq léq antare ite, dait ite sampun serioq kemuliean-Ne, kemuliean saq teicanin tipaq Ie sebagé Bije Nunggal saq asalne léman Bapa, penoq rahmat dait kebenaran.

2 KORINTUS 4:4

nike dengan-dengan saq ndéq percaye, saq pikiranne sampun tebuteang siq penguase jahat jaman mangkin niki, sehingge ie pade ndéq serioq cahaye Kabar Solah mengenai kemuliean Almasih, saq jari gambaran Allah.

IBRANI 12:2

Silaq ite laksaneang nike siq perhatiante cume tetujuang tipaq Deside Isa Almasih, séngaq Ie saq mimpin ite léq dalem iman, dait saq jauq imante nike tipaq kesempurnean. Deside Isa tahen menderite léq kayuq salib! Ie nénten peduli bahwe ninggal léq kayuq salib nike sopoq hal saq merilaq. Deside Isa cume iling léq sukecite saq gen Ie terimaq éraq. Mangkin Ie melinggih léq sedi kanan tahte Allah.

YAHYA 1:4

Léq dalem-Ne araq idup, dait idup nike terang manusie.

IBRANI 10:12

Sebalikne, Almasih cume ngaturang sopoq kurban jari pengampunan dose, dait kurban nike berlaku selaéq-laéqne. Sesampun ngaturang kurban nike, Almasih melinggih léq sedi kanan Allah, dait mréntah bareng kance Allah.

YUDAS 1:25

Ie sopoq-sopoqne Allah, Juruselamette langan Deside Isa Almasih Junjungante Saq Mulie. Ie Allah saq mulie, agung, bekuase dait berwibawe léman jaman laéq jangke mangkin dait jari selaéq-laéqne! Amin.

IBRANI 9:26

Séngaq lamun maraq nike, artine Ie sampun beulang-ulang menderite mulai léman dunie niki tecipteang. Laguq nyatene, mangkin léq jaman penutuq niki, Ie rauh cume sekali doang jari ngapus dose siq ngurbanang diriq-Ne mésaq.

1 YAHYA 1:7

Laguq lamun ite idup léq dalem cahaye, maraq Allah araq léq dalem cahaye, make ite idup akrab, rukun sopoq kance saq lainne, dait daraq Deside Isa Almasih, Bije-Ne nike, nyuciang ite léman selapuq dose.

IBRANI 4:14

Keranaq nike ite harus tetu-tetu percaye léq pengakuan imante. Séngaq ite bedowé Imam Agung saq beléq saq sampun liwatin selapuq langit, Ie Deside Isa, Bije saq asalne léman Allah.

1 YAHYA 3:5

Side pade nenaoq bahwe Almasih sampun rauh jari ngapus dose-dose manusie, dait bahwe ndéq araq dose léq dalem diriq-Ne.

2 PETRUS 1:16

Léq waktu tiang pade badaq side pade mengenai kuase dait kerauhan Junjungan Saq Mulie Deside Isa Almasih. Selapuq nike ndéqne dongéng-dongéng saq tepiaq siq kepinteran manusie. Keagungan Almasih nike sampun tiang pade serioq mésaq.

1 PETRUS 3:22

dait sampun taék ojok sorge serte melinggih léq sedi kanan Allah. Selapuq malaékat, selapuq penguase dait selapuq kekuatan takluk léq Ie.

1 PETRUS 1:21

Langan Almasih nike side pade percaye léq Allah saq sampun ngidupang Ie léman ninggal dait saq mulieang Ie, sehingge imande dait pengharepande tetujuang tipaq Allah.

IBRANI 8:1

Saq jari inti selapuqne niki bahwe: Ite bedowé Imam Agung saq maraq nike, saq melinggih léq sedi kanan Saq Maheagung léq sorge.

MARKUS 16:19

Sesampun Junjungan Saq Mulie Deside Isa bebaos kance ie pade, Ie kerangkatan ojok sorge. Léq derike Ie mréntah bareng kance Allah.

ZABUR 75:3

Allah bemanik, “Léq waktu saq Tiang tentuang, Tiang gen ngakimin secare adil.

WAHYU 3:21

Ie pade saq menang, gen Tiang ijinang tokol léq tahte Tiang bareng kance Tiang, pade maraq Tiang mésaq éndah sampun menang dait mangkin tokol bareng Bapa Tiang léq tahte-Ne.

IBRANI 7:27

Deside Isa nénten maraq imam-imam agung saq lain, saq sebilang jelo harus ngaturang kurban persembahan lantaran dose-dosene mésaq juluq, baruq lantaran dose-dose umat. Deside Isa ngaturang kurban cume sekali doang jari selaéq-laéqne, sewaktu Ie ngaturang diriq-Ne mésaq jari kurban.

KISAH RASUL-RASUL 2:33

Ie teangkat léq jabatan saq atas dait teicanin Roh Suci saq sampun tejanjiqang siq Bapa. Dait saq side pade dengah dait serioq mangkin niki, Roh nike saq Ie curahang tipaq tiang pade.

YAHYA 1:29

Léq jelo jemaqne, Yahya serioq Deside Isa rauh tipaq ie. Terus Yahya bebase, “Pade serioq Anak Dombe Allah saq ngapus dose dunie.

KOLOSE 3:1

Side pade sampun teidupang malik bareng kance Almasih. Keranaq nike side pade harus berusahe jari mauq hal-hal saq léq sorge, léq taoq Almasih mréntah ngiring Allah.

ROMA 8:34

Napi araq dengan saq mélé ngukum ite? Malahan Deside Isa Almasih do'eang ite! Ie saq sampun ninggal dait saq sampun teidupang malik léman ninggal dait melinggih léq sedi kanan Allah.

KISAH RASUL-RASUL 7:56

Pade serioq basen Stepanus, “Tiang serioq sorge kebukaq dait Bije Manusie nganjeng léq sedi kanan Allah!”

ZABUR 110:1

Zabur Daud. ALLAH sampun bemanik léq junjungan tiang: “Melinggih léq sedi kanan Tiang jangke Tiang piaq musuh-musuhde takluk léq side.”

ROMA 1:16

Tiang tetu-tetu percaye léq Kabar Solah nike, séngaq Kabar Solah nike kekuatan Allah jari nyelametang selapuq dengan saq percaye; penembéqne dengan Yahudi, beterus dengan bangse-bangse lain éndah.

IBRANI 9:16

Lamun araq surat warisan, harus éndah araq buktine bahwe dengan saq miaq surat nike sampun ninggal.

MATIUS 22:24

Ie pade metakén léq Deside Isa, “Bapaq Guru, Musa ngajahang maraq niki: Lamun araq dengan mame ninggal, dait ie ndéq bedowé bije, semetonne harus merariq kance bebalune adéq ie bau ngebéng keturunan tipaq dengan saq sampun ninggal nike.

TITUS 2:14

Ie sampun ngurbanang diriq-Ne umaq ite jari bébasang ite léman selapuq kejahatan, dait nyuciang dengan-dengan saq jari dowé-Ne mésaq, dait saq rajin ngelaksaneang saq solah.

IBRANI 1:13

Ndéqne araq sopoq juaq malaékat saq sampun nerimaq Manik Allah saq maraq niki, “Melinggih léq sedi kanan Tiang, jangke Tiang miaq musuh-musuh Deside takluk léq Deside.”

2 PETRUS 1:17

Tiang pade serioq mésaq sewaktu Ie nerimaq kehormatan dait keagungan léman Allah Bapa. Waktu nike kedengahan suare léman Saq Mahemulie, saq bemanik léq Ie, “Niki Bije Tiang saq Tiang kasihin. Ie saq nyenengang Tiang.”