IBRANI 1:1 - KITAB SUCI ZABUR INJIL

¹ Léq jaman laéq, Allah kereng bemanik léq leluhurte langan nabi-nabi kadu macem-macem care.

IBRANI 1:1 ပူးပေါင်းရင်းမြစ်များ

LUKAS 24:27

Beterus Deside Isa jelasang léq ie pade napi saq tetulis léq dalem selapuq Kitab Suci mengenai diriq-Ne, mulai léman kitab Musa jangke kitab nabi-nabi.

KISAH RASUL-RASUL 2:30

Allah sampun bejanji tipaq Daud, siq sumpah, bahwe salaq sopoq dengan léman keturunanne gen teangkat siq Allah jari raje. Séngaq Daud wikanang janji nike dait lantaran ie éndah nabi,

LUKAS 1:55

maraq saq Ie janjiqang tipaq leluhurte, tipaq Ibrahim dait keturunanne jangke selaéq-laéqne.”

KISAH RASUL-RASUL 13:32

Jari, mangkin niki tiang pade nyampéang Kabar Solah nike tipaq side: Napi saq Allah sampun janjiqang tipaq leluhurte,

IBRANI 2:2

Manik Allah saq tesampéang langan pare malaékat tipaq leluhurte ternyate kenaq, dait dengan saq ndéq turut atao ndéq taat nerimaq hukuman saq setimpal.

LUKAS 1:72

Jari nyatayang rahmat-Ne tipaq leluhurte, janji-Ne saq suci nike gen Ie tepatin.

KISAH RASUL-RASUL 28:23

Beterus ie pade nentuang sopoq jelo jari bedait kance Paulus. Léq jelo nike luwéq dengan dateng ojok taoqne Paulus ndot. Léman kelémaq jangke bian Paulus jelasang dait ngebéng kesaksian tipaq ie pade mengenai Kerajaan Allah. Kadu ayat-ayat léman Kitab Nabi Musa kance Kitab Nabi-nabi, Paulus berusahe miaq ie pade percaye mengenai Deside Isa.

YAHYA 9:29

Tiang pade nenaoq bahwe Allah sampun bemanik léq Musa. Laguq mengenai dengan nike, tiang pade ndéq nenaoq léman mbé asal-Ne.”

YAHYA 7:22

Musa ngicanin side pade aturan besunat -- timaq setetune sunat nike asalne ndéqne léman Musa, laguq léman bapaq-bapaq leluhur sendéqman Musa -- dait side pade sunat dengan léq jelo Sabat.

LUKAS 24:44

Sesampun nike, Deside Isa bemanik malik léq ie pade, “Hal niki saq sampun Tiang sampéang léq side pade sewaktu Tiang masih bareng kance side pade: Bahwe selapuq hal saq tetulis mengenai Tiang léq dalem Kitab Taurat Musa, Kitab Nabi-nabi dait léq Kitab Zabur, harus telaksane.”

YAHYA 16:13

Laguq lamun Roh nike dateng, nike Roh kebenaran, Ie gen bimbing side pade jari nenaoq selapuq saq kenaq; séngaq Ie ndéq gen bemanik léman diriq-Ne mésaq, laguq selapuq hal saq Ie pireng, nike saq gen Ie sampéang dait Ie gen beriteang tipaq side hal-hal saq gen dateng.

KISAH RASUL-RASUL 3:21

Almasih harus meneng léq sorge jangke Allah nulakang selapuq-lapuqne, maraq saq temanikang siq Allah langan nabi-nabi saq suci léq jaman laéq.

IBRANI 2:3

Berembé ite gen lepasang diriq, lamun ite ndéq merhatiang keselametan saq beléq nike? Penembéqne, keselametan nike teberiteang siq Tuhan, terus teteguqang umaq ite siq ie pade saq sampun dengah léman Ie.

IBRANI 3:5

Musa setie jari pelayan léq dalem gedéng Allah jari ngebéng kesaksian mengenai napi saq gen teberiteang léq jaman saq gen dateng.

IBRANI 4:8

Séngaq lamun Yusak sampun jauq dengan-dengan nike tame ojok taoq-Ne mentelah, make Allah nénten gen bemanik malik mengenai sopoq jelo saq lain.

IBRANI 5:5

Maraq nike éndah Almasih. Ie nénten mulieang diriq-Ne mésaq jari Imam Agung. Allah mésaq saq ngangkat Ie. Manik Allah tipaq Ie, “Deside Bije saq asalne léman Tiang, léq jelo niki Tiang sampun jariang Deside Bije Tiang.”

IBRANI 9:19

Léq penembéqne Musa nyampéang selapuq préntah saq tetulis léq Hukum Taurat tipaq bangse Israel. Sesampun nike Musa bait daraq anak sampi dait daraq bémbéq mame, terus campurne kance aiq, beterus teketisang léq Kitab Hukum Taurat nike dait léq selapuq bangse Israel kadu hisop dait bulu dombe bewarne béaq toaq.

IBRANI 11:2

Séngaq siq iman, dengan-dengan léq jaman laéq tedemenang siq Allah.

IBRANI 11:18

Timaq tipaq ie sampun tesampéang: “Keturunan asalne léman Ishak nike saq gen tesebut keturunande.”

IBRANI 12:25

Keranaq nike, onyaq-onyaq ndaq jangke side ndéq mélé dengahang Ie saq bemanik nike. Ie pade saq ndéq mélé dengah Ie saq rauh ojok gumi dait nyampéang Manik Allah, ndéqne bau pelai. Lebih-lebih ite niki saq dengahang Ie saq bemanik léman sorge! Lamun ite ndéq mélé dengahang Ie, ndéq mungkin ite bau selamet!