2 YAHYA 1:4 - KITAB SUCI ZABUR INJIL

⁴ Tiang gembire gati nenaoq bahwe araq separo bije-bijende idup menurut kebenaran, maraq saq sampun tepréntahang siq Allah Bapa tipaq ite.

2 YAHYA 1:4 ပူးပေါင်းရင်းမြစ်များ

1 KORINTUS 13:6

Ie ndéqne seneng léq hal saq ndéq adil, laguq ie cume seneng léq hal saq kenaq.

GALATIA 2:14

Sewaktu tiang serioq bahwe kelakuan ie pade sampun ndéqne sesuai malik kance kebenaran Kabar Solah nike, tiang sampéang tipaq Petrus léq julun selapuq dengan saq araq léq derike, “Lamun side dengan Yahudi idup maraq dengan saq ndéq kenal kance Allah dait ndéqne idup maraq dengan Yahudi, kembéq mangkin side mélé maksaq semeton-semeton saq ndéq besunat jari idup maraq dengan Yahudi?”

EPESUS 5:2

Idupde harus tekuasein siq kasih, maraq Almasih éndah ngasihin ite. Ie ngurbanang diriq-Ne umaq ite, jari sopoq persembahan saq sengéh dait kurban saq nyenengang Allah.

EPESUS 5:8

Laéq side mésaq araq léq dalem peteng. Mangkin side pade sampun jari terang léq dalem Tuhan. Keranaq nike side pade harus idup sebagé bije-bije terang.

PILIPI 4:10

Tiang sanget besukecite léq dalem Tuhan, séngaq sesampun bégaq ngonéq, baruq mangkin niki pikiran dait perasaan side pade araq malik tipaq tiang. Perhatian side mule tetep araq, laguq side pade ndéq araq kesempatan.

1 YAHYA 2:6

Sai-sai saq bebase bahwe ie idup léq dalem Allah, ie harus idup pade maraq care Almasih idup.