1 YAHYA 2:3 - KITAB SUCI ZABUR INJIL

³ Niki tandene bahwe ite kenal kance Allah, nike lamun ite taat léq préntah-préntah-Ne.

1 YAHYA 2:3 ပူးပေါင်းရင်းမြစ်များ

ZABUR 119:32

Kaji gen turut petunjuk préntah Deside, séngaq Deside miaq kaji sayan ngerti.

ZABUR 119:6

Lamun kaji merhatiang selapuq préntah Deside, make kaji nénten gen teperilaq.

LUKAS 6:46

“Kembéq side pade ngempoh Tiang, ‘Junjungan Saq Mulie, Junjungan Saq Mulie,’ laguq ndéq ngelaksaneang napi saq Tiang manikang léq side?

YAHYA 14:15

“Lamun side pade ngasihin Tiang, side pade gen ngelaksaneang préntah-préntah Tiang.

YAHYA 15:10

Lamun side pade turut préntah-préntah Tiang, side pade gen ndot léq dalem kasih Tiang, pade maraq Tiang sampun turut préntah-préntah Bapa Tiang dait ndot léq dalem kasih-Ne.

YAHYA 15:14

Side pade sahabat-sahabat Tiang lamun side pade ngelaksaneang napi saq Tiang préntahang tipaq side pade.

YAHYA 17:3

Niki idup sejati dait kekel; bahwe dengan kenal kance Deside, jari sopoq-sopoqne Allah saq kenaq, dait kenal kance Deside Isa Almasih saq sampun Deside utus.

2 KORINTUS 4:6

Allah saq bemanik, “Léman peteng tiwoq cahaye.” Allah nike éndah saq niwoqang cahaye nike léq dalem aténte, adéq terang pikirante jari pahamin kemuliean Allah saq besinar léq penjarupan Almasih.

IBRANI 5:9

Make sesampun Ie tesempurneang, Ie jari sumber keselametan saq kekel tipaq selapuq dengan saq taat léq Ie,

1 YAHYA 2:13

Tiang nulis tipaq side, hai bapaq-bapaq, séngaq side sampun kenal kance Ie saq sampun araq léman penembéqne. Tiang nulis tipaq side, dengan-dengan bajang, séngaq side pade sampun ngalahang Si Jahat.

1 YAHYA 3:14

Ite nenaoq bahwe ite sampun sugul léman kematéan, dait ngalih tipaq idup. Ite nenaoq nike, séngaq ite ngasihin sepade semetonte. Dengan saq ndéq ngasihin sepadene manusie, artine masih tekuasein siq kematéan.

1 YAHYA 3:19

Maraq nike entane ite nenaoq bahwe ite niki asalne léman kebenaran. Maraq nike éndah aténte iniq tentrem léq arepan Allah.

1 YAHYA 3:6

Selapuq dengan saq idup léq dalem Almasih, ndéq terus-terusan piaq dose. Dengan saq tetep piaq dose, ndéq uwah serioq dait kenal kance Almasih.

1 YAHYA 4:13

Séngaq Allah sampun ngicanin Roh-Ne tipaq ite, make ite nenaoq bahwe ite sampun araq léq dalem Allah, dait Allah léq dalem ite.

1 YAHYA 4:7

Semeton senamian saq tiang kasihin! Silaq ite saling kasihin sopoq kance saq lain, séngaq kasih nike asalne léman Allah. Sebilang dengan saq bedowé rase kasih, asalne léman Allah dait kenal kance Allah.

1 YAHYA 5:19

Ite nenaoq bahwe ite dowén Allah, dait seantéro dunie niki araq léq bawaq kekuasean Si Jahat.

1 YAHYA 5:2

Siq care niki ite nenaoq bahwe ite ngasihin bije-bije saq asalne léman Allah: Ite ngasihin Allah dait taat léq préntah-préntah-Ne.

1 YAHYA 5:3

Séngaq, kasih tipaq Allah artine: Bahwe ite taat léq préntah-préntah-Ne. Dait préntah-préntah-Ne nike ndéqne berat umaq ite,

WAHYU 12:17

Nage nike jari gedek gati léq dengan nine nike, terus ie lalo nyerbu keturunan saq lain léman dengan nine nike, nike selapuq dengan saq taat léq hukum-hukum Allah, dait saq ngebéng kesaksian mengenai Deside Isa dait kuase-Ne.

WAHYU 14:12

Dalem hal niki dengan-dengan saq tehususang bagi Allah saq taat léq préntah-préntah Allah dait saq beriman léq Deside Isa, perlu jari tabah.

WAHYU 22:14

Bahagie dengan saq popoq jubahne jangke bersi sehingge ie pade bedowé hak ngelorang buaq léman lolo kehidupan dait tame ojok dalem kote nike langan jebak beléqne.