1 YAHYA 1:1 - KITAB SUCI ZABUR INJIL

¹ Isi surat niki mengenai Manik saq ngicanin idup, nike Manik saq sampun araq léman penembéq. Tiang pade sampun dengah ie dait serioq mésaq. Tiang pade sampun perhatiang dait negel ie siq ime tiang pade.

1 YAHYA 1:1 ပူးပေါင်းရင်းမြစ်များ

YAHYA 20:27

Beterus Ie bemanik léq Tomas, “Toloq ranggotde léq deriki dait serioq imen Tiang, ulurang imende dait toloq léq woteng Tiang. Ndaq ragu-ragu malik, laguq percaye!”

KISAH RASUL-RASUL 4:20

Séngaq tiang pade ndéq tao engkah ngeraos mengenai napi saq sampun tiang pade serioq dait dengah mésaq.”

1 YAHYA 4:14

Tiang pade sampun serioq Bije-Ne, dait tiang pade beriteang bahwe Ie teutus siq Bapa jari Juruselamet dunie niki.

YAHYA 5:26

Pade maraq Bapa saq jari sumber idup, make Bapa jariang Bije nike éndah sumber idup.

LUKAS 24:39

Serioq imen Tiang dait naén Tiang. Tiang niki Isa. Silaq demak dait perhatiang, séngaq hantu ndéq bedowé isi atao tolang maraq saq side pade serioq léq Tiang.”

YAHYA 8:58

Jawab Deside Isa, “Tiang badaq side, bahwe setetune sendéqman Ibrahim tebijeang, Tiang sampun araq.”

WAHYU 1:8

“Tiang niki saq penembéq dait saq penutuq, Manik Allah, Tuhan saq araq, saq sampun araq, dait saq araq selaéq-laéqne, Saq Mahekuase.”

YAHYA 19:35

Dengan saq serioq mésaq peristiwe nike, ie saq nyeriteang hal nike, adéq side pade éndah percaye. Dait kesaksianne nike kenaq, dait ie nenaoq bahwe nike kenaq.

KISAH RASUL-RASUL 1:3

Sesampun Ie ninggal, sengonéq petang dase jelo Ie rimpes nyatayang siq care saq nyate gati tipaq rasul-rasul nike bahwe Ie tetu-tetu idup. Ie pade serioq Deside Isa, dait Deside Isa bebaos kance ie pade mengenai Kerajaan Allah.

WAHYU 19:13

Jubah saq Ie kadu sampun tecelep léq dalem daraq. Dait Ie tesebut “Manik Allah”.

WAHYU 2:8

“Tipaq malaékat jemaah léq Smirna tulis maraq niki: Niki manik léman Ie saq penembéq dait saq penutuq -- saq sampun ninggal dait idup malik.

LUKAS 1:2

Ie pade nulis sesuai maraq saq tesampéang tipaq ite siq dengan-dengan saq serioq mésaq peristiwe-peristiwe nike léman penembéq dait sesampun nike nyiarang kabarne.

WAHYU 1:11

Basen suare nike, “Tulis léq dalem sopoq kitab napi saq side serioq, dait kirim tipaq pituq jemaah niki: Epesus, Smirna, Pergamus, Tiatira, Sardis, Piladelpia, dait Laodikia.”

1 YAHYA 5:7

Séngaq araq telu saksi léq dalem sorge: Bapa, Manik dait Roh Suci; dait ketelune nike sopoq.

IBRANI 2:3

Berembé ite gen lepasang diriq, lamun ite ndéq merhatiang keselametan saq beléq nike? Penembéqne, keselametan nike teberiteang siq Tuhan, terus teteguqang umaq ite siq ie pade saq sampun dengah léman Ie.