YUDAS 1:8 - PERJANJIAN BARU NALCA YUBA

⁸ Dara, Sodom Gomora heik nimi malya ulumek sok, ban wekel yalamak nimi salyeʾ hwam seinilemak nim enyek, neikso malya ulumak. Sikda sik nong ak malya neneldalamaakanya, bleknaʾ hwam ulumak, imik heik sam geisa perobaʾ ulumlaʾ ak derelemak.

YUDAS 1:8 ပူးပေါင်းရင်းမြစ်များ

LUKAS 11:25

Wera youmaʾ ek balamna enyek, e nera sembejaʾ orokaʾ anyek pe bonaʾ beiyiboka ulumnaʾ ak eillilamla.

LUKAS 12:11

Ugun nong anyek, Yahudi nim edya yuba don ek sam gom, wenewoka bo usin nang saramek gom, senenggom dub nang hogung ak laga yana leleweisinobaʾ aboka bo binisak dara, ugunja dara, nunda hekaʾ huru yuba garabdanamab gom, hekaʾ lebnemab gom, aboka ganya daldom-daldom anaʾ ara mem.

LUKAS 19:14

”Bok alja meneng mok nim edya, alda lek senemek. Anasa wera, bera dubnya sekiyiwanamekaʾ ak seleb byuk bok, Nunja mok ara ban benyek, dubnya unaʾ lek amak, wenyaro byik.

RASUL 23:5

Wera Paulus bedya leboka dara, ”Al wenyekaʾ e hemyab o, alda Imik Neyung yuba wa gakaʾ dubnya ulumla ara nara elgom ubman adya salyaʾ lebna. Dara, Imik Neyung yuba bukuk sam momnya dobok ara, Anja sokok yangawoka bo ulusilya nang ek salyaʾ malya nenewoka malya yuba lenaʾ ara mem hyok bok, lebna,” hyok.

RASUL 7:27

Bok alja hem bek olomoknya bedya, Musa bek bleblesuk ara mok sam walda beiyiwoka lebok ara, Anda heknedya unu yana lelesinya ululul aboka jaboka sekiyinjok do?

RASUL 7:39

”Bok, nun nang yilaʾ edya Musa bek alja lelemok yuba hyak bleklemek. Alak lek senewoka, ganya lomok ara Mesir sam on pik binimab senelemek.

1 KORINTUS 3:17

Imik Neyung e ara, aljinya yokaʾ nong uboka, ugun nong ak dara, ban e nong ululumaʾ anasa, nimi ben hnon Imik Neyung e ak golol meneklamla dara, alba Imik Neyung adya, alak golob meneganamla.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

1 TIMOTIUS 1:10

Onoʾ yok gela salanaʾ hwam ok ulumak nang amba hnon, gel ganya ok boboka nauba meknelemak nang amba hnon, nimi nengmabo moumen dekeldalamak nim emba hnon, sondaʾ hwam ok wekdeknewoka ulumak nim emba hnon, sondaʾ anasa bobnenewoka lelemak nim emba hnon, nidyaʾ dib nong yuba elegousukaʾ ak bleklemak nim emba hnon, oruknaʾ yub ara elegousukaʾ ara, ella ulumab.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

1 PETRUS 2:17

Nimi nidyaʾ nim ek perobaʾ lelelulum. Ugun neik yuba dololum nim ek nauba wanaʾ ulusululum. Imik Neyung ak dib senewoka lok ganya bolomunukanya, mok soko damnya bedya yuba pe kelelulum.