YUDAS 1:3 - PERJANJIAN BARU NALCA YUBA

³ Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.

YUDAS 1:3 ပူးပေါင်းရင်းမြစ်များ

RASUL 17:3

Wera Imik Neyung yuba momnya doboka anyek sunuwoka, Paulus bedya Imik Neyung adya nimi blebsinaʾ dubnya eleganesin amoknya Kristus bera somogalyekanya onoʾ li winilinya sum era embengaʾ suboka buknamla aboka nekesuk. ”Imik Neyung adya nimi blebsinaʾ dubnya eleganesin wenyamoknya bera, Yesus aboka nadya ugunuk lero yalasin an,” hyok.

RASUL 18:28

Apolos bera hyak senenggomnya uboka migib adya, wera Yahudi nang ek nimi hnoum sikenek yugom nanga nenelesuknya nera yokaʾ-yokaʾ lanalemok ak unulumok. Dara, Imik Neyung yuba momnya dobokaʾ anyek einiwoka, wera Yesus ara Kristus anyek, aldib Imik Neyung adya nimi blebsinaʾ dubnya sekiyimok aboka beknaʾ dangallilimok.

RASUL 28:28

Paulus ban lemookanya onoʾ lemok ara, ”Anasa wera, ban ak ella danalum. Imik Neyung adya nimi blebsinaʾ damok yub anyek, yok soko nang ek sikenek leb elegeisinok aboka seleb orugosuk. Dara, sikda ban yuba kebnamak,” hyok.

RASUL 4:12

Anasa, sokok anyagan ara, yok si nedya hnon embengaʾ blebsulul aboka Imik Neyung adya nim ek lebnenggusuk. Yesus si adya ok nimi blebnesil aboka lesuk,” hyok.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

RASUL 9:22

Bok Saulus bedya lel yabok yub enyek, migib danggiga bok. Dara Saulus bedya, Yesus ara Kristus aldib nimi blebsinaʾ dubnya ulumla aboka Yesus adya yuba lel yabok dara Yahudi nang era, Damsyik heikek ulumek nang era, malya lelemla aboka yuba sanaʾ ara okna dabdosuk.

1 KORINTUS 15:3

Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

GALATIA 2:5

Bok nunda dib leblum aboka, sikja yuba mekaʾ kenaʾ anaba kebnenggumouba. Wera an unumoubaʾ ara, perob lero yanggan yuba dib ulumlaʾ ara, ugunuk sobaʾ ulululaʾ aboka umouba.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

GALATIA 6:11

Nadya soruk yokaʾ edya nauba momnya donaʾ edya ok ugunuk beiyisinaʾ anyek kendululum.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

KOLOSE 1:2

ugunda Kolose sam Imik Neyung amba geisa uboka, Kristus ak dib senelelum hemyabo nim emba beibsab. Nunja neyung Imik Neyung ak ab wanaʾ uboka eleksinaʾ ab, namen ganya unaʾ ab danyek, ugunjaʾ dangalalul.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

1 TIMOTIUS 1:18

Najabo, Timotius o! Men ununumnaʾ lelemek nang edya Imik Neyung adya anak eimik wa welemnamla aboka geklewoka lenjekaʾ anyek, sikja lenjeknya nenyek seiniwoka, lebgen. Anasa, banera dib lebnyek senen ganya boboka, pe ganya duboka yeiriwoka welelom.

1 TIMOTIUS 6:12

Anda Imik Neyung yuba donaʾ amba nimi mala yeiriwoka oldalamak sok, yeiriwoka amba unu welelom. Anda men danyek, nara yuba dib dobna aboka nimi nauba longomekaʾ gangganek ab pe laga lelumaʾ anasa, Imik Neyung adya anak youbunjokaʾ anasa, embengaʾ ulmoubnaʾ pik enyek salabmoublom.

2 TIMOTIUS 1:13

Nadya anak an seleb leboka, nidyaʾ nekgesa sok, anyek pe sunuwoka ululom. Anya wera, onoʾ nunda Yesus Kristus ab neikaʾ hnonok kweldalamabaʾ adya, nunjaʾ dangamok wanaʾ unaʾ ab, yuba dib senenaʾ ab danyek, anda pe salabmoubuka ululom.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.

IBRANI 13:22

Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

IBRANI 6:9

Bok nadya wanaʾ ulusin hemyabo nim o, nunja an wenhyabaʾ anaba, nunja dara, ugunuk ara or malye, dibaʾ pe ulumakaʾ anyaʾ senelesab. Anya, nunja dara, ugunuk ara sikda Imik Neyung adya perobaʾ, sik blebnesisoʾ ara seleb dobekaʾ anyaʾ senelesab.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

2 PETRUS 2:21

Ban anaso uboka malya unaʾ hwam ok salabmoubuka ulumak nim era, Imik Neyung adyaʾ jong pik ella danganaʾ loboka, Imik Neyung ak anaba elgom ulumneseng dara perob bok, Imik Neyung bedya yuba seleb ella ubnekanya, onoʾ nu lek aboka, malya pik balaseng dara, nauba so malya ulumak.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

YUDAS 1:17

Bok, nadya wanaʾ ulusin hemyabo nim o, nunja Wenelesilnya Yesus Kristus amba yuba lenaʾ gak nang edya, ugunuk men leb elegesik yub enyek, pe beklelulum.

YUDAS 1:20

Bok nadyaʾ hemyab ugunuk dara, ugunja dib senelumaʾ ara, hyak perobaʾ geisa nong ulusilaʾ anyek, wera migib nenebdanggiga balamunukanya, ugunda Imik Neyung Geisinya migib unaʾ lomok uboka mololelulum.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”