YOHANES 9:4 - PERJANJIAN BARU NALCA YUBA

⁴ Gunaʾ yanamla salek era wa webnamenggom anasa, yubyek dilinaʾ ubla salek ok, na bokol yeilinyoknya bedya wa era yeiriwoka welemnemab.

YOHANES 9:4 ပူးပေါင်းရင်းမြစ်များ

MATIUS 20:7

Wenyek nim enedya benyek an, Nimi adya nadya wa webnenulum aboka oruksinaʾ orok anasa ulumab, hyek. Dara anggur wa damnya bedya sikenek, Wera salyaʾ ululumaʾ anasa, ugumba nadya anggur dok wak sam wel bininulum, aboka orugosuk.”

MARKUS 3:3

Wenyek Yesus adya soruka darasam somogomoknya bek, ”Hnoumung an sekel yalom,” hyok.

YOHANES 10:32

Bok onoʾ Yesus adya sikenek lebsukaʾ ara, ”Nadyaʾ neyung bek ab lanalamla unaʾ enyek ugun hogung ak nauba unulusinaʾ anasa, har nenyek malya unulamnaʾ anasa girik adya obnenobaʾ aboka ulunulum do?” hyok.

YOHANES 10:37

Nadyaʾ neyung bedya nak welelom aboka elegenyok wa nenyek unuwoka wenaʾ orok dara, wera ugunda nak dib senenenggom mem.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

YOHANES 17:4

Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 5:19

Wera an ara Yesus adya Yahudi dub nang ek, ”Wera ban lebnesinaʾ ara dib lebnesin, Alja me nedya yokaʾ-yokaʾ unulamlaʾ ara, alja migib edya ok ganya doboka wenggulumla. Alja unululanya nera aljaʾ neyung bedya seleb unulamlaʾ anyek eiyiboka unulamla. Anasa wera, neyung bedya unulamlaʾ anyek, alja me neneba neikik unulamla.

YOHANES 5:36

Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 7:33

Danyek, Yesus adya lebokja, ”Nara sokok an ugunublaboka ulumnamab salek era, hyak mek ok ublaʾ anasa, ban nen seleb dara, na bokol yeilinyoknya bek saaboka binimna.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

EPESUS 5:16

wera, ugunda malya dangalamla salek ek ululumaʾ anasa, ugunuk an pe un salek ulumlaʾ ak ara, pe salawoka unulululum.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.