YOHANES 9:29 - PERJANJIAN BARU NALCA YUBA

²⁹ Nunda Musa benyek Imik Neyung yub adya alak yuba salamokaʾ ella ulumab bok, anja lelelamnya bera hanyagarab yokaʾ anaba numba elgom ulumab,” hyek.

YOHANES 9:29 ပူးပေါင်းရင်းမြစ်များ

MATIUS 12:24

Wera wenyan yub enyek, Parisi nim edya keboka sikja dara, ”Ban benera bisaʾ dubnya Beelzebul bedya unulumnelam aboka alja migib elegokaʾ adya, bisaʾ arobaʾ yakoka ulusil,” aboka lelemek.

MATIUS 26:61

Wera nim danadya, ”Ban benera leleladya, Nara Imik Neyung e ara golowoka beiyiboka, onsok li winilya ok sobnamna, alalanya bera an,” wenyherek.

LUKAS 23:2

Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 7:27

Bok, Imik Neyung adya sokok nimi blebnamla aboka yanalanya Kristus ara, al yalya pik era, nim adya dara, ella danggunuseng bok, ban benyek dara, alja mok nunda seleb orowek ella ulumab.”

YOHANES 7:28

Dara, Yesus ara Yerusalem Imik Neyung ek sam anam lelesuukanya, yuba senenggomaʾ bii aboka lelemokja, ”Al dib, ugunja dara, nara ella ulunulum. Nara hekmok ebaʾ ak yasaʾ ara ella ulunulum bok, nara yasaʾ ara nabeyok salyaʾ ganya doboka yanggubsa. Bok, na bokol yanyoknya bera alda hyak dib nong ulumla. Ugunda alak elgom ululum bok,

YOHANES 8:14

Bok, Yesus adya Parisi nang ek lebokja, ”Na yasaʾ ak ara, onoʾ saaboka binimnaʾ ara, ella ulumna bok, ugunuk dara, hyak dib lelemna.

YOHANES 9:16

Dara, Parisi nang hnon nang edya lelemekja, ”Sabat mem sum bok alda wa welemlaʾ anasa, alda Imik Neyung ak ab yanggubok,” alamek. Bok, hnon nang edya danyek, ”Malya unaʾanya bedya anaso loksoʾ anyek beknaʾ dibaʾ unuwanamsoʾ gomaʾ,” aboka nauba lelemeekanya, sik moumen gangganaʾ lololdalemek.

YOHANES 9:24

Dara, onoʾ henga luma yeilimoknya bek yalom aboka youbomek dara, ”Ban ununggelnya benyek malya unaʾanya ulumla, ella ulumabaʾ anasa, henga luma denganggelaʾ anyek, anadya unel aboka Imik Neyung si ok giblom,” hyek.

YOHANES 9:30

Alda wenhyokaʾ ara, ”Wera loka dabnel! Nak seleb henga lum sirikaʾ nong bok hwebnel enyek gwelegoka eibnabok, ugunda al yok pik elgom ululumaʾ anasa, loka dabnel.

RASUL 22:22

Wera nimi nidyaʾ ara Paulus bedya lelemok yuba pe kelemek bok, ban sidyaʾ nonga lebok yub edya dara, sikda Paulus bek ebngalogoka, ”Ban benesonya bera ob lobnok. Alda ul mandenaʾ lek bar,” aboka lelemek.

RASUL 26:22

Bok Imik Neyung adya nak sobaʾ arawoka, wera nara sumen anyagan mek nang ek hnon, hnonda nauba nang ek hnon, ugun gangganek an sekoka, wera laga lel yibin an. Nadya nidyaʾ wenyaboka lelesinya nenera, yoknya nek lenggulusin. Alda ununumnaʾ len nang edya, hnon Musa bedya unuwanamla ak alameknya nenyek gigimoknya nek ok lelemna.

RASUL 7:35

”Musa al ban Musa benyek Israeli nimi nong edya alak, Heknedya nuk bo uboka, yana lelesilom aboka sekiyinjok do aboka wekdo dorogomekaʾ onnya bedya al nenesa leboka unumek bok, onoʾ alja Imik Neyung lero adya gal donggalek sam yeiniboka, bo usinya uboka blebsinya nenewoka Imik Neyung adya Mesir sokok bokol bilimok.

IBRANI 1:1

Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.