YOHANES 9:16 - PERJANJIAN BARU NALCA YUBA

¹⁶ Dara, Parisi nang hnon nang edya lelemekja, ”Sabat mem sum bok alda wa welemlaʾ anasa, alda Imik Neyung ak ab yanggubok,” alamek. Bok, hnon nang edya danyek, ”Malya unaʾanya bedya anaso loksoʾ anyek beknaʾ dibaʾ unuwanamsoʾ gomaʾ,” aboka nauba lelemeekanya, sik moumen gangganaʾ lololdalemek.

YOHANES 9:16 ပူးပေါင်းရင်းမြစ်များ

MATIUS 12:10

Wera ban bilimok Imik Neyung ek ara, nimi soruka darasam heimoknya hnon ulumok. Dara nimi wene nim, Yesus ara meknemla aboka malya gebnok senen ganya bomek nang edya sene Yesus ak, ”Sabat mem sum era nim ara, or hwebnesom gom, mem gom?” aboka heibek.

MATIUS 12:2

Parisi nim edya ban unulumekaʾ anyek eiyiboka, sikja Yesus ak, ”Kendelom! Anja yuba doro diriga ban nang era, sikda nunja yub ek sam momnya dobokaʾ yuba blekoka, Sabat mem sum ununggom mem hyoknya nenyek blekoka unulumak,” hyek.

LUKAS 13:14

Dara Imik Neyung e damnya bedya dara, Yesus ara Sabat mem sum nimi hwemokaʾ anasa, alja dara hyak nauba waboka yok nim ek, ”Lika hnabbadya dara wa wen sum era an, nimi hwebnenyak aboka dara sum enyek yanalum. Minggu sum era hyak mem!” hyok.

YOHANES 10:19

Yesus adya ban wenyaboka lebgiga balamok dara, Yahudi nang edya onoʾ nauba ganya bokdangoka ulumek.

YOHANES 14:11

Nara Neyung bedya ganya ak ulumnakanya, Neyung bera nadyaʾ ganya ak ulunel wenyalamnaʾ ara, dib senewolulum. Orokaʾ anababya, nadya welemna wa nenyek sunuwoka dib senewolulum,” hyok.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 5:10

Anasa wera, Yahudi nang edya, wenyok meremoknya bek, ”Sumen era Sabat mem sum anasa, anda anja esonaʾ doboka bo yabanaʾ ara unuwanalum an yuba mem alamla,” hyek.

YOHANES 5:36

Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 6:52

Yahudi nang era, Yesus adya ban wenyalamok yuba kemek dara, sik moumen yu ganya boboka nauba wabdangoka lelemekja, ”Ban benera alja nong soub enyek nuk denokaʾ aboka hekaʾ huboka eleganesil do?” alamek.

YOHANES 7:12

Dara, ban perob sum enyek, Yesus amba o lomok yuba nauba saro yabalameekanya, hnon nim edya dara, ”Alda perobnya,” alamek. Bok onoʾ hnon nim edya dara, ”Orok, alda nimi malya nenewoka sondaʾ amba bobnenewoka lelesilnya,” alamek.

YOHANES 7:23

Ugunja ban unululumnya nedya, Musa bedya unuwanalum an yuba blekibyek aboka unululumjok, nak dara, nimi nong ak Sabat mem sum bok hwesinya nenyek, hekasa walanulum do?

YOHANES 7:43

Anya wenyaboka, nimi nauba Yesus amba gangganaʾ lolobdangoka obdanobaʾ ulumek.

YOHANES 9:24

Dara, onoʾ henga luma yeilimoknya bek yalom aboka youbomek dara, ”Ban ununggelnya benyek malya unaʾanya ulumla, ella ulumabaʾ anasa, henga luma denganggelaʾ anyek, anadya unel aboka Imik Neyung si ok giblom,” hyek.

RASUL 14:4

Bok, heik enyegan nimi sik moumen dukaʾ lolowoka bokdangoka, hnonda Yahudi nang ek sam bokoka makal balamek dara, hnonda Imik Neyung yuba lenaʾ gak nang ek sam mamagel bilimek.