YOHANES 8:6 - PERJANJIAN BARU NALCA YUBA

⁶ Ban nenera, Yesus adya dara hek hulul do aboka, alja wenyhelyaʾ yub edya alak malya uyiwanobaʾ aboka sene heimek. Bok, Yesus sokok sam genib lobonggoka, soruk adya soko dubuk momnya dolomok.

YOHANES 8:6 ပူးပေါင်းရင်းမြစ်များ

MATIUS 10:16

”Ugunda banyek pe beknelumaʾ ara: Nara ugunuk bei gam hnoum domba pam anasoʾ ak boknesin. Anasa ugunda bagaʾ adya geremsengaʾ ulumla sok hnon, yalma wining namen ulumla anasoʾ ak ulululum.

MATIUS 15:23

Yesus adya dara, gel genyek ara yuba mekaʾ saaboka sab eleganggumok. Anasa Yesus yuba doro diriga ban nang edya Yesus ak, ”Wenelesilimnya o, ban gel gera nuk yuba mandebnaʾ amba lero yabalamlaʾ anasa, bilom helom,” aboka molol yek.

MATIUS 16:1

Wera Parisi nim eb Saduki nim eb Yesus ak sene sunuwanobaʾ aboka yeilimek. Sikda Yesus ak, alda aldib Imik Neyung ak ab yeilimok aboka ella danobaʾ aboka, lok so beknaʾ hnon meewalom aboka molowek.

MATIUS 19:3

Dara Parisi nim era, Yesus ak sene sunuwanobaʾ aboka yek. Anya, sikja Yesus ak, ”Nunja yub edya dara, nimi ben hnon gela lobnamla aboka dara, yok-yok damok orok bok, salyaʾ lobnamso de?” aboka heibek.

MATIUS 22:18

Bok Yesus ara sikda malya ganya boboka sene heimekaʾ anyek ella uboka, alja dara, ”Wei, ugunda hyak malya unaʾ hwam nim ek ululum! Ugunda hekasa nak heng dibaʾ weboka youbnenobaʾ aboka ulunulum do?

MATIUS 22:35

Dara, sik gangganek yuba neksinya geremsengnya ben hnon, alja Yesus ak sene sunuwonunaʾ aboka heibok,

MATIUS 26:63

Bok Yesus ara yuba hnon doro sabnenggubok. Wenyek Imik Neyung yuba wa gakaʾ dubnya bedya, ”Imik Neyung embengaʾ ululanya bemba leboka, anda Kristus, nimi blebsinaʾ dubnya, Imik Neyung bedya me ululam gom, orok gom aboka wenyhesilom,” hyok.

MARKUS 10:2

Dara, Parisi nang era Yesus ak sene sunuwanobaʾ aboka hnon yeilimek. Anya sikda Yesus ak, ”Nunja dolomab yub edya dara, nimi hnon alaʾ gel ak or lobnamso de?” wenyaboka heibek.

MARKUS 12:15

Wera Yesus ara, sikja sene heibeknya nera seleb ella ubsuukanya, alja sikenek lebnesukaʾ ara, ”Ugunda hekasa nak ara sene sunulunulum do? Wera ugunda rupiah hnon, na kendenemnaʾ anasa, bo yoululum,” hyok.

MARKUS 3:2

Dara nimi hnonda, Yesus adya meknewoka Sabat mem sum bok, nimi hweblya dara, alak malya nenewoka uniyiwanamab aboka, nang era dibnelemek.

MARKUS 8:11

Wera Parisi nang hnon Yesus ak yeiniboka, alab yuba sal yabeekanya, sene bobnenewoka gogobaʾ dibnobaʾ aboka, yok lok so beknaʾ hnon, imik heikek abnya nenyek, unuwalom aboka, sikda alak molowek.

LUKAS 10:25

Dara onoʾ Yahudi yuba neksinya ben hnon Yesus ak sene sunuwonunaʾ aboka goboka sekel yeilimok. Benedya Yesus ak, ”Neyung neklesilimnya o, nara hekaʾ ak hubnyaʾ adya embeng unaʾ ara dobnamna do?” aboka heibuk.

LUKAS 11:16

Alda onoʾ yok nim edya dara, Yesus unulumoknya nenesa sene sunuwanobaʾ aboka, anda aldib Imik Neyung ak ab yeilimen dara, laga beknaʾ dolulaʾ aboka, imik ab yok lok sonya nenyek hnon unuwalom aboka molomek.

YOHANES 8:2

Onoʾ Yesus maboka gwelegok dara, hyak lugunaʾ nong enyek, Yerusalem heikek Imik Neyung ek yeilimok. Dara, nimi nauba al damak mamagal yeilimek dara, alda bukoka, onoʾ Imik Neyung yuba sikenek lelesuk.

1 KORINTUS 10:9

Israeli nim edya Wenelesilnya ak nauba sunulumek sum era, sikda bokoka darasam bagaʾ adya si sablesuk enyek somogekaʾ anasa, numbabya Imik Neyung ak sunulyamanaʾ ara mem.