YOHANES 8:46 - PERJANJIAN BARU NALCA YUBA

⁴⁶ Ugun gangganek ab nimi ben hnonja nak sam anda malya ulum aboka beknaʾ laga aawaneneso de? Orok bok dara, dib nong yuba lelemna dara, ugunda hekasa nak dib senenggulunulum do?

YOHANES 8:46 ပူးပေါင်းရင်းမြစ်များ

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!

YOHANES 14:30

Sokok an dubnya bera, yanggan sum oka dalaʾ anasa, nara ugunublaboka nauba sabdanggunumab. Alda nablabokonya gomaʾ.

YOHANES 8:7

Yahudi nang adya sene hek hulul do aboka Yesus ak saaboka heildibilloklemek dara, alda sekoka sikenek lebokja, ”Wera or ugun gangganek sam ara, malya unaʾ oroknya bedya, gel genyek, men girik adya doboka oblul,” hyok.

MARKUS 11:31

Wera anasa, sikda yuba saldalamekaʾ ara, lebdekja, ”Nunda imik heik ab henemab dara, wera alja nuk, dara hekasa ugunda Yohanes bek ara dib senenggululum do, henesil.

MATIUS 21:25

Yohanes bera heknedya migib edya meka dalasuk do? Imik Neyung migib adya gom, nim adya migib edya gom?” aboka heibsuk. Wenyek Imik Neyung yuba wa gak nang eb, Yahudi dub nang eb dara, sik gangganek sam hek damok edya unulumok aboka saldalamekaʾ ara, ”Nunda Imik Neyung migib adya henemab dara, alja nuk, Wera dara hekasa ugunda dib senenggululum do, henesil.

1 PETRUS 2:22

”Kristus ara malya unaʾ hyak mekaʾ hnon unggululanya bek ulumok. Dara onoʾ yok nim edya anyek sondaʾ lebokaʾ ara, alak ab hnon mekaʾ kebnenggumek.”

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

YOHANES 16:8

Wera, Geisinya ben yalya dara, soko nim edya malya unaʾ ek hnon, pe unaʾ ak hnon, yana lelesinaʾ ak hnon, sikja seinilimakaʾ anyek, nenegom aboka, okoka neknesil.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

YOHANES 8:47

Imik Neyung ak, al yalamak nim era Imik Neyung yuba perob aboka ganya gwelelek aboka dolomak bok, ugunda Imik Neyung mabo dibaʾ unggululumaʾ adya, kenggululum,” hyok.