YOHANES 8:34 - PERJANJIAN BARU NALCA YUBA

³⁴ Anasa Yesus adya lebokaʾ ara, ”Nara ugunuk hyak dib lebnesin, Heknedya malya ululanya bera, alda malya unaʾ amba wa wenya ulumla.

YOHANES 8:34 ပူးပေါင်းရင်းမြစ်များ

MATIUS 5:18

Ugunda banyek pe beknelum! Im ab soko ab anam denghenggumlya salek, momnya donaʾ hnonok gom, hngekom anaʾ sibin gom anaba, unuwanalum an yub ek ara mekaʾ denghenggunumla!

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

RASUL 8:23

Anda bisaʾ adya heng gobiyiwoka, sikirob ganya deknenggel, eiyimna,” hyok.

ROMA 6:12

Anasa ugunda malya unaʾ ganya anyek diliwoka unuwoumunuk aboka, ugunda malya unaʾ ara, an somoganamla nong enyek an or welenulul senenaʾ ara mem.

ROMA 6:16

Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

ROMA 7:14

Anasa, nunda seleb ella ulumab ara, ban Yahudi nim emba unuwanalum an yub era, ganya ak ulumla. Bok nara nimi nong ak ulumnakanya, malya unaʾ migib lomok beilinel.

ROMA 7:25

Bok Imik Neyung adya nunja Wenelesilnya Yesus Kristus pik uboka blebnyok anasa, alak ok giblenob! Anasa nara nadya geremseng ganya ak sam ara, Imik Neyung adya unuwanalum an yub amba welenabok, nadya nong unaʾ ak sam ganya era malya unaʾ damok wa amba welemna.

ROMA 8:21

Bok ban ganya wenaʾ adyok, sikba embengaʾ ulumakaʾ ara eimik era, somokna wa wenaʾ ak ab ara blebnesil anasa, Imik Neyung mab adya blebeldanaʾ senenggomaʾ perobaʾ ak weknemak.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

2 PETRUS 2:19

Ban malya uboka bobnenewoka neklesak nang edya dara, sikja malya ul eleklesak nim ek an, ugumba yok perob nimi dangoka ulumnelumaʾ amba or seknelum anaʾ eleganasab alasak bok, sik nong ak dara, sokok an nimi malya nenesinaʾ damok adya sikenek seleb henga goubsuk nang ek ulumakjok lelemak. Anasa nim ara yokaʾ-yokaʾ adya henga goublamla dara, wera bera henga goumnaʾ anadya wa wenya ulumla.