YOHANES 8:29 - PERJANJIAN BARU NALCA YUBA

²⁹ Neyung be sokok sam bokol yeilinyoknya bera, nablaboka sobaʾ neikik ulunam. Nara alja ganya perob senelamnaʾ anyek, sobaʾ unulamnaʾ anasa, alda nak lo banggulunel,” hyok.

YOHANES 8:29 ပူးပေါင်းရင်းမြစ်များ

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 3:15

Bok Yesus adya Yohanes bek ara, ”Nunja ban unulumab adya, Imik Neyung adya unuwanok senelamlaʾ ara an anasa, unulumab bok anasa, wera or meka dabnenelem,” hyok dara, Yohanes bedya Yesus ak meka dabok.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

YOHANES 14:31

Bok, sokok an ara, Neyung bek wanaʾ ulumnakanya, Neyung bedya orugunyoknya nok unulamnaʾ ara, ella danaseng. Anasa wera, nunda anyaganyebaʾ ara binimab,” hyok.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

YOHANES 16:32

Ugun doluwoka bokgoknesak salek ara, eimik yanamla, hnonda al wen seleb yal. Ugunda ugunja e pik bokgokoka bindowanalumukanya, nara nabeyok lo bininulum bok, nabeyok unggulumnamna, nadyaʾ neyung beb neikaʾ alablaboka ulumnanam.

YOHANES 17:4

Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 5:30

”Nara yokaʾ-yokaʾ nidyaʾ ara, nadya ok salyaʾ ganya doboka ununggulumna. Nadyaʾ neyung bedya anyek unuwalom alamlaʾ anyek, sunuwoka yana lelelesin. Nabeyok ganya doboka ununggulumnaʾ anasa, wera neyung be na bokol yeilinyoknya bedya unuwolul senelamla anyek unulamna anasa, nadya anyek yana lelewan alamna ara, munaʾ dib unulamla.

YOHANES 6:38

Anasa, nara Imik Neyung heik ab yinggilimsaʾ ara, nadya ganya doboka yokaʾ-yokaʾ unulununaʾ aboka yanggumsa bok, na bokol yeilinyoknya unuwosulul senelamlaʾ anyek, unulununaʾ aboka yeilimsa.

YOHANES 8:16

Dara onoʾ hnon, nabeyok unggulumna, Neyung be nak sokok bokol yeilinyoknya bera, nablaboka ulunamaʾ anasa, nadya yuba lelel yabasinya dara, hyak beknaʾ dangalamla.

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

2 TIMOTIUS 4:22

Wenelesilnya bera anak ganya arawoka ulunggulul. Wenelesilnya bedya anak wanaʾ uboka eleksinaʾ ulusulul. Nara Paulus bedya seleb lemna.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.

1 YOHANES 3:22

Dara, hnonda alja yub ek pe keboka unuwoka, onoʾ alja pelemak senewoka ganya sangelesilnya nenyek unulumnamabakanya, nunda yokaʾ-yokaʾ alak moloweibyaʾ ara dobnemabaʾ ok ulumla.