YOHANES 8:28 - PERJANJIAN BARU NALCA YUBA

²⁸ Anasa wera, Yesus adya onoʾ sikenek ara, ”Ugunda Imik Neyung adya bokol yeilimoknya nimi dibaʾ me, imik beibnelum sum enyek, nara heknya ulumnaʾ ara, ella danalum. Dara, onoʾ nadya yokaʾ-yokaʾ unulamnaʾ ara alja ganya doboka ununggulumok, alda al bokol yeilimoknya bedya lelemokaʾ ok sunuwoka lelemokaʾ ara, ella danalum.

YOHANES 8:28 ပူးပေါင်းရင်းမြစ်များ

MATIUS 24:5

Dara eimik era, nimi nauba nadya si nek sibuka, Nara nimi blebsinaʾ dubnya bera an! wenyaboka, nimi nauba sondaʾ leboka malya nenewanasak.

MARKUS 13:6

Eimik dara, nimi gong nadya si nek sibdangoka yanamaakanya lebnemakja, Alda na an, wenyaboka nimi gong sondaʾ leboka bobnenewanamak.

LUKAS 21:8

Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

YOHANES 11:42

Nadya molonaʾ sobaʾ kelenelemaʾ ara, seleb ella ulunadyok, anyagan nimi nauba ulumaknya nenesa, anja anyagan yokaʾ unuwamenaʾ anyek eiyiboka, nak alda aldib Imik Neyung adya sokok bokol yeilimoknya dib senewananokaʾ aboka, or mololenggen,” hyok.

YOHANES 13:19

Ban unuwalya dara, ugunda nak alda alan, dib senewolulumaʾ aboka, ban nen anam unuwanggom bok, wen orowek ugunuk neksin.

YOHANES 16:10

Ugunda eimik nak eibnenggununulumaʾ ak sam, nadyaʾ neyung bek binimnaʾ anasa, perobaʾ nenenaʾ ak meknewoka seinilimak.

YOHANES 18:32

Ban unumoknya nera, Yesus adya alak somoganamokaʾ anasa, orowek al damnya unuwanenel aboka leldalamokaʾ anyek, gigiwolulaʾ aboka lebek.

YOHANES 19:18

Dara wera, Yesus ara mein enyek an gal ak glamek. Wera neik sum enyek, Yesus ab, hokaʾ dorek nang penya uboka, ben hnon sirik ek sam, ben hnon waneng ek sam, Yesus ara hnoumung uboka, gal ak glabsik.

YOHANES 3:11

Nara anak hyak dib lebgen, Nunja seleb ella unanya nenyek ugunuk neklesab hnon, nunda seleb heng eiyinanya nenyek ugunuk laga lelesab bok, ugunda nunja yuba dib senewoka donggululum.

YOHANES 3:14

Musa bedya, hwalek gasaʾ ak sam, mesa bagaʾ gal ak kweb weininggemok sok, nimi hnonok-hnonok nidyaʾ alak dib senewanamak nim era, embengaʾ unaʾ dibaʾ dobnokaʾ aboka, nimi dibaʾ me nenebabya neik so gal ak glab weiningganamak,” hyok.

YOHANES 4:26

Yesus adya, ”Wenyhelemnya bera nara alan. Alan anab yuba neikaʾ salanam,” hyok.

YOHANES 5:19

Wera an ara Yesus adya Yahudi dub nang ek, ”Wera ban lebnesinaʾ ara dib lebnesin, Alja me nedya yokaʾ-yokaʾ unulamlaʾ ara, alja migib edya ok ganya doboka wenggulumla. Alja unululanya nera aljaʾ neyung bedya seleb unulamlaʾ anyek eiyiboka unulamla. Anasa wera, neyung bedya unulamlaʾ anyek, alja me neneba neikik unulamla.

YOHANES 5:30

”Nara yokaʾ-yokaʾ nidyaʾ ara, nadya ok salyaʾ ganya doboka ununggulumna. Nadyaʾ neyung bedya anyek unuwalom alamlaʾ anyek, sunuwoka yana lelelesin. Nabeyok ganya doboka ununggulumnaʾ anasa, wera neyung be na bokol yeilinyoknya bedya unuwolul senelamla anyek unulamna anasa, nadya anyek yana lelewan alamna ara, munaʾ dib unulamla.

YOHANES 6:38

Anasa, nara Imik Neyung heik ab yinggilimsaʾ ara, nadya ganya doboka yokaʾ-yokaʾ unulununaʾ aboka yanggumsa bok, na bokol yeilinyoknya unuwosulul senelamlaʾ anyek, unulununaʾ aboka yeilimsa.

YOHANES 8:24

Ban damok enesa leboka, ousa era, ugunda ugunja malya unaʾ ak sam somoganalum abmeisinaʾ ara, ban nenesa lebmesin. Nera aldib, ugunda nak, bera alan senewoka, dib senewoka dobnenggununulum dara, ugunja meneng malya unaʾ lomok sam somoganalum,” hyok.

YOHANES 8:27

Dara Yahudi nim edya dara, Yesus bedya ban wenyaboka lelemlaʾ ara, Imik Neyung amba lelemla senewoka ella danggumek.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 4:4

Bok, nimi nauba, sikja lelesirek yuba kemek nang era, dib senemek. Dara, sik Imik Neyung yuba dib senemek nim era, hiboka denga salyaʾ lambadya nang (lima ribu orang) dangamok.

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.