YOHANES 8:23 - PERJANJIAN BARU NALCA YUBA

²³ Dara, onoʾ Yesus adya sikenek ara, ”Ugunda sokok ab yeililum, nara imik ab yeilimsa. Ugunuk dara, anyagan sokoknya nek ululum, bok nak dara, anyagan sokoknya bek unggulumna.

YOHANES 8:23 ပူးပေါင်းရင်းမြစ်များ

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 17:14

Neyung o, anja yub enyek sikenek seleb leb elegesisaakanya, nara sokok anyebnya unggulumna sok, sikba sokok anyeb nang unggulumakaʾ anasa, wera sokok an yokaʾ nim edya sikenek lek senelesak.

YOHANES 17:16

Naba sokok anyebnya unggulumna sok, sikbabya sokok anyeb nang unggulumak.

YOHANES 3:13

”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 3:31

”Imik heik ab yeilinanya bera, yokaʾ-yokaʾ nidyaʾ amba dubnya ulumla. Sokok ab yeilinanya bera, nera alda sokok yokaʾanya anasa, alda sokok sam ululanya nenyek seiniro lelelabok, imik ab yeilinanya bera, hyak imik dubnya ulumla.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.