YOHANES 8:20 - PERJANJIAN BARU NALCA YUBA

²⁰ Yesus adya ban nidyaʾ wenyaboka lebokaʾ ara, Yerusalem heik Imik Neyung ek sam rupiah beillilimekaʾ ok berem sekoka lemok. Bok ban salek era, alak obnemek salek anam danggumokaʾ anasa, nimi hnon alak salawanggumek.

YOHANES 8:20 ပူးပေါင်းရင်းမြစ်များ

MATIUS 26:55

Dara Yesus adya nimi nauba anyagan alak obnobaʾ aboka yek nang ek, ”Ugunja dara, nara nim onaʾanya senewoka oldan gab ab doluknaʾ mal gal eb bo bo yeililum de? Dara, lika sobaʾ nara Imik Neyung e eremek sam neklesino bok, nak ara henga goubnenggulunulum!

MATIUS 27:6

Dara, Imik Neyung yuba wa gakaʾ dub nang edya, ban rupiah era sik dam nang dobeekanya, lebnemekaʾ ara, ”Ban rupiah enera nim olumnaʾ rupiah. Nunja yub ek sam lelemlaʾ ara, Imik Neyung ek sam ara nenesonya nera beilinaʾ mem hyok,” hyek.

MARKUS 12:41

Dara yok sum enyek, Yesus ara nim Imik Neyung amba rupiah doronglomekaʾ ak mokso bukoka, huru doronglomak do aboka, kemelemok. Dara, nimi bonaʾ dub nimi gong era rupiah nauba doronglemek.

MARKUS 12:43

Anyek eiyiboka, Yesus adya alja yuba doro diriga ban nang ek anyagan yoululum aboka, sikenek, ”Nara ugunuk dib lebsin, yok nimi gong dara, or mek so doronggak bok, ban yougel genyek, hyak nauba ak doronggamla.

LUKAS 20:19

Yahudi Imik Neyung yuba wa gakaʾ dub nang eb, yuba neksin nang eb dara, Yesus adya ban yokaʾ ak sunuwoka leboknya nera, sikja dara, nunsamba lebsil senemek. Anasa Yesus ak wene salek heng goubnemab senewek bok, nimi nauba anyek lok anasa lomek.

LUKAS 21:1

Dara, Yesus hogung eiriyiboka keemok enyek, Imik Neyung ek ab dub nang edya, rupiah Imik Neyung amba aboka doronglemekaʾ ak eibsuk.

YOHANES 10:39

Dara, onoʾ saaboka Yahudi nang edya, Yesus ak salawoka heng goubnobaʾ aboka ul yabek bok, alda sikenek ab loboka yokok byuk.

YOHANES 2:4

Dara, Yesus adya aljaʾ genong gek, ”Genong o, hekasa nak ban lelenelem do? Nak laga nenewanenel salek era, anam ulumla bar,” hyok.

YOHANES 7:14

Yahudi nang perob sum anam mamagemekaʾ hnoumung bok, Yesus ara Imik Neyung ek wekoka anyagan yuba leb einiwousuk.

YOHANES 7:30

Ban sum enyek Yesus ak Yahudi nang edya salawoka henga gobnobaʾ aboka ulumek bok, alja unun salek anam danggumokaʾ anasa, nimi soruk hnonok sirik anaba alak salawanggumek.

YOHANES 7:44

Dara hnon nim edya, Yesus ak salawoka henga goubnobaʾ ulumekjok, onoʾ Yesus ak ara, soruka mekaʾ bebeganggumek.

YOHANES 7:8

Yahudi nang adya senenggomaʾ perob sum meewanamakaʾ ak ara, or ugumbeyok bululum e. Nak ban salek era anam unggulumlaʾ anasa, binggunumna,” hyok.

YOHANES 8:2

Onoʾ Yesus maboka gwelegok dara, hyak lugunaʾ nong enyek, Yerusalem heikek Imik Neyung ek yeilimok. Dara, nimi nauba al damak mamagal yeilimek dara, alda bukoka, onoʾ Imik Neyung yuba sikenek lelesuk.

YOHANES 8:59

Banyek kemek dara, alak obnobaʾ aboka girika dol yabek bok, Yesus ara dengaboka Imik Neyung ek sam ab loboka byuk.