YOHANES 7:8 - PERJANJIAN BARU NALCA YUBA

⁸ Yahudi nang adya senenggomaʾ perob sum meewanamakaʾ ak ara, or ugumbeyok bululum e. Nak ban salek era anam unggulumlaʾ anasa, binggunumna,” hyok.

YOHANES 7:8 ပူးပေါင်းရင်းမြစ်များ

MATIUS 26:18

Wenyek Yesus adya, ”Ugunda nauba heikek biniboka, nimi ben hnon eibmunya bek an, Nunjaʾ neksinya bedya leladya, yokaʾ dananel salek era oka dal. Anasa nara anja ek sam nasamba denaʾ youboka yuba doro diriga ban nang eb neikaʾ denemab, wenyamla, henelum,” aboka orugosuk.

YOHANES 2:4

Dara, Yesus adya aljaʾ genong gek, ”Genong o, hekasa nak ban lelenelem do? Nak laga nenewanenel salek era, anam ulumla bar,” hyok.

YOHANES 7:30

Ban sum enyek Yesus ak Yahudi nang edya salawoka henga gobnobaʾ aboka ulumek bok, alja unun salek anam danggumokaʾ anasa, nimi soruk hnonok sirik anaba alak salawanggumek.

YOHANES 7:6

Dara, Yesus adya sikenek, ”Nasamba dara, unun salek anam bok, ugunsamba ununaʾ ara salyaʾ ulumla.

YOHANES 7:9

Ban wenyamookanya, alda Galilea sokok sam or ulwenelemok.

YOHANES 8:20

Yesus adya ban nidyaʾ wenyaboka lebokaʾ ara, Yerusalem heik Imik Neyung ek sam rupiah beillilimekaʾ ok berem sekoka lemok. Bok ban salek era, alak obnemek salek anam danggumokaʾ anasa, nimi hnon alak salawanggumek.

YOHANES 8:30

Yesus adya ban nidyaʾ wenyalamok sum enyek, nimi nauba alak dib senewoka domek.