YOHANES 7:39 - PERJANJIAN BARU NALCA YUBA

³⁹ Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

YOHANES 7:39 ပူးပေါင်းရင်းမြစ်များ

MATIUS 16:14

Dara Yesus alja yuba doro diriga ban nang edya alak, ”Hnon nim edya dara, Yohanes Pembaptis alamak. Onoʾ hnon nim edya dara, Elia alamak. Onoʾ yok nim edya dara, Yeremia ben gom, yok ununumnaʾ lelemoknya gom, alanjak,” hyek.

MATIUS 21:11

Dara, Yesus balamokaʾ amba nimi nauba neikaʾ balamek nim edya, ”Alda ununumnaʾ lelelanya, Yesus ara an, alda Galilea sokok Nazaret heikek abnya bera an,” wenyalamek.

LUKAS 24:49

Nadyaʾ anaba, Imik Neyung adya ugunuk lebsukaʾ anyek, ugunuk bokol yanasin. Bok ugunda al heik enyek anyek ok ulumunaʾ ara, imik migib era ugunuk goulul yanasil,” hyok.

LUKAS 3:16

Anasa wera, Yohanes Pembaptis bedya sikda nidyaʾ ak lebsuk ara, ”Nadya dara, wenera mek dem adya dalasin bok, eimik era hyak senenggomnya yanamla. Alja yan ongonaʾ eneba na meknya bedya dara, henga loboka gwiriwamenggom. Alja danyek, wera eimik era, ugunuk Imik Neyung Geisinya adya hnon, uk adya hnon, mek dibaʾ dabnesil.

LUKAS 7:16

Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

YOHANES 1:21

Dara, alak heimek, ”Ban wenyalam dara, heknya ululam do? Anda Elia de?” aboka heibek bok, ”Nara Elia benyaʾ gomaʾ,” hyok. Dara, anda eimik yanamla alanjaknya ununumnaʾ lenya bera anda an de?” hyek. Bok, ”Orok,” hyok.

YOHANES 1:25

Dara, sikda Yohanes bek, ”Anda Kristus unggululam, Elia unggululam, eimik yanamla alamek ununumnaʾ lenya unggululam jok dara, hekasa meka dalasilim do?” aboka heibek.

YOHANES 1:33

Alak ella ubnenggusinya bok, mek adya dalalom aboka orugonyoknya bera nak wenyanyok, Geisinya yingginiboka bul yalyaʾ eibnelamnya bera, wera alja ugunuk Geisinya adya mek dibaʾ dalamnesilnya bera alan, henyok.

YOHANES 12:16

Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaʾ momnya domekaʾ ara alsamba lebokaʾ ak an, wen unulumek senewoka seinimek.

YOHANES 12:23

Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal.

YOHANES 14:13

Neyung bek, me adya imik nenewolulaʾ aboka, ugunja or hekaʾ ok do nadya si sibuka mololonumun dara, unulumnesin.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

YOHANES 16:14

Alja nak ab doboka, ugunuk neklemnesil adya, nadya si imik nenewanenel.

YOHANES 16:7

Anasa, ban nidyaʾ nadya ugunuk, na imik heik binimna, ugunsamba perob dosulul amnaʾ ara, dib lebsin. Nak banaʾ orok dara, arasinya bera ugunuk yanggunumsoʾ anasa, nak binya dara, wera alda ugunuk bokol yanasin.

YOHANES 17:1

Wera Yesus ara ban nen seleb wenyabgogomok dara, imik sam keeb weininggoka, Imik Neyung ak lebokja, ”Neyung o, unun salek era wera seleb laga dal. Anasa, Neyung o, anja me nedya anak si imik nenewogululaʾ aboka, albabya alja si nenyek wen imik nenewalom.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 20:22

Dara, ban wenyabgogomokaʾ seleb dara, sikenek hibaʾ gob goluwoka, ”Wera Imik Neyung Geisinya doblulum,” asuk.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 7:12

Dara, ban perob sum enyek, Yesus amba o lomok yuba nauba saro yabalameekanya, hnon nim edya dara, ”Alda perobnya,” alamek. Bok onoʾ hnon nim edya dara, ”Orok, alda nimi malya nenewoka sondaʾ amba bobnenewoka lelesilnya,” alamek.

YOHANES 8:54

Dara Yesus adya sikenek lebsukaʾ ara, ”Nara nim adya nak giblenenokaʾ aboka hogunga bo eldalasinya dara, dib danganggulumneneso. Bok nadyaʾ neyung, ugumba nunjaʾ neyung alalumnya, Imik Neyung bedya imik nenelenel.

RASUL 19:2

Wera Paulus bedya Epesus nang ek sam, ”Ugunda dib senelum sum era, Geisinya ara seleb doblum gom?” aboka heisuk. Dara, Epesus nang edya Paulus bek lebek ara, ”Nunda Geisinya hnon donaʾ ara orok. Numbabya Imik Neyung adya Geisinya ara, an okoka yokaʾ ara numba elgom ulumab,” hyek.

RASUL 2:17

Imik Neyung adya lebok ara, Sidyaʾ daknamla sum enyek, nadya geisa ganya ara nimi nidyaʾ sik dubuk yeklingganamna. Ugunja mabo nengmab ab, ugunja gelmab ab, nadya sikenek ununumnaʾ lelemnesak. Ugunja gobenya nim edya yokaʾ unuwanasin ara ken so eilimnemak. Ugunja nauba nang era, maboka lendara eilimnemak.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

2 KORINTUS 3:8

Imik Neyung Geisinya adya dib embengaʾ eleklesil wa wenaʾ era, wera hyak senenggom dilinaʾ nong enyek yeb goluwoka elegousukaʾ ak ulumla.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.