YOHANES 7:31 - PERJANJIAN BARU NALCA YUBA

³¹ Bok, nimi nauba longomek nim era Yesus ak dib senewoka lelemekja, ”Kristus adya nimi blebnesil aboka eimik eleganesilnya yalya dara, ban ben unulamla sok, yokaʾ-yokaʾ lok soʾ anyek beknaʾ dibaʾ unuwanamla de?” hyek.

YOHANES 7:31 ပူးပေါင်းရင်းမြစ်များ

MATIUS 12:23

Nimi nidyaʾ eiyimek nim era, ganya loka daboka, ”Ban benera Daud nang yilaʾ an goma?” aboka lelemek.

LUKAS 8:13

Alda yinaʾ girik lumok sokok sam yama yinggilimoknya nera, nim anam salek era ganya goluwoka yuba dolomak bok, yub ara dibaʾ sikjaʾ ganya lomok sam yinaʾ menggulusil. Sikda anam salek seʾ ok dib senewanaʾ ara, yokaʾ sunulyamasinaʾ yanggan dara, wonaʾ dangalamaknya nera an.

YOHANES 11:45

Dara, Yahudi nimi nauba Maria gek nimi saleka bukoka ul yeilimek nim edya, Yesus adya ban unuwoka Lazarus bek embengaʾ suboka bukiyiwokaʾ ak eibek dara, alak dib senewoka domek.

YOHANES 12:42

Bok, Yahudi dub nang edya, nimi nauba darasam Yesus ak dib senewoka dolomek. Bok, Parisi nang edya, Yahudi nang Imik Neyung gibnaʾ ek weknaʾ mem hisijek aboka, lok anasa, Yesus ak dib senelemab anaʾ ara doknowoka lolomek.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 4:29

”Ugunda nak yokaʾ-yokaʾ nidyaʾ nadya unulunanya nidyaʾ laga nenelnya benyek kemel yoululum. Alda nimi blebsinaʾ dubnya Kristus ulumla do?” hyok.

YOHANES 4:39

Dara ban gel genedya, ”Nadya nidyaʾ ulusenya laga lenel,” hyokaʾ adya nimi nauba Samaria nim era, Yesus ak dib senewoka domek.

YOHANES 6:2

Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

YOHANES 7:26

Wera kendululum, alda laga sekoka neklesil bok, nim yok nim edya yuba alak sal eleknenggulumak. Anasa, nunja Yahudi dub nang adya dara, Imik Neyung adya Kristus nimi blebsinaʾ dubnya eleganesin amoknya bera alan, eiyimakaʾ anasa, lolomak gom?

YOHANES 9:16

Dara, Parisi nang hnon nang edya lelemekja, ”Sabat mem sum bok alda wa welemlaʾ anasa, alda Imik Neyung ak ab yanggubok,” alamek. Bok, hnon nang edya danyek, ”Malya unaʾanya bedya anaso loksoʾ anyek beknaʾ dibaʾ unuwanamsoʾ gomaʾ,” aboka nauba lelemeekanya, sik moumen gangganaʾ lololdalemek.

RASUL 8:13

Simon be nimi hwelesuknya beneba, dib senemok. Dara onoʾ alba meka dabgogomok seleb dara, Pilipus beblaboka neikaʾ uro yabalerek. Wera Pilipus bedya, Imik Neyung adya hyak lokso migib anyek beknaʾ dibaʾ unulumok dara, Simon bera hyak lok anasa, ngolukdo ulumok.

YAKOBUS 2:26

Anasonya neikek, nimi nong ara ganya orok dara, wera seleb somogamna nong ek ulumla sok, yuba dib senenaʾ ara pe ununaʾ orok dara, wera seleb somoklamla yuba dib senenaʾ era an.