YOHANES 7:27 - PERJANJIAN BARU NALCA YUBA

²⁷ Bok, Imik Neyung adya sokok nimi blebnamla aboka yanalanya Kristus ara, al yalya pik era, nim adya dara, ella danggunuseng bok, ban benyek dara, alja mok nunda seleb orowek ella ulumab.”

YOHANES 7:27 ပူးပေါင်းရင်းမြစ်များ

MARKUS 6:3

Ban benera alda Maria gedya me e sonaʾanya gom de? Alja weisab era, Yakobus beb, Yoses beb, Yudas beb, Simon benya arob nang unggulumak de? Yo anasa, al hmal gelewa eneba, anyagan neikaʾ unggulumab de?” Wenyaboka, sikda Yesus ak soloma daboka lek senemek.

LUKAS 4:22

Anya nimi nidyaʾ ara alak pe lelemla senemeekanya, alja lero balamok yub enyek hyak perobja senewoka, ganya salya ura lelelanya senemek. Anasa sikja lelemekaʾ ara, ”Benera Yusuf bedya me bok lelelaba,” abdangdo yabalamek.

YOHANES 6:42

Dara sikja, ”Al nong ara Yesus, aljaʾ neyung bera Yusuf. Aljaʾ genonga neyung ara nunda seleb ella ulumab bok, hekasa nara imik heikek ab yeilimsa alamla do?” alamek.

YOHANES 7:15

Dara, Yesus adya lero neklesuk anyek eiyiboka, Yahudi nang ganya loka daboka lelemekja, ”Alda sekolah donaʾ ara orok bok anasa, hekaʾ adya ban anaso lero neklesil do?” alamek.

YOHANES 9:29

Nunda Musa benyek Imik Neyung yub adya alak yuba salamokaʾ ella ulumab bok, anja lelelamnya bera hanyagarab yokaʾ anaba numba elgom ulumab,” hyek.

RASUL 8:33

Alak derewoka malya nenewoka, onoʾ pe yana lelewanggonggom umek. Alja ganya nong era sokok ab ara seleb dolebok anasa, dara ben hnonok sibin adya anaba, alja mab era alan aboka, nim ek neknenggunusil.”