YOHANES 7:1 - PERJANJIAN BARU NALCA YUBA

¹ Ban nidyaʾ seleb unuwoka lebgogomok dara, Yahudi dub nang edya obnobaʾ aboka ulumekaʾ anasa, Yudea sokok yibinggunusinya senewoka, Galilea sokok sam uru yabalamok.

YOHANES 7:1 ပူးပေါင်းရင်းမြစ်များ

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

MATIUS 21:38

Wera wa damnya bedya me yalamokaʾ ak eibek dara, wa weboka meewoka ulumek nang era, wenyabdek, Wera wa damaʾ lunuwanamla me nera an. Alja wa nera nuk wa damaʾ danamabaʾ anasa, me nera obnemab! wenyabdek.

MARKUS 11:18

Dara, Imik Neyung yuba wa gakaʾ dub nang eb, yuba neksin nang eb dara, ban yub enyek seleb kebek dara, sikda Yesus ak hekaʾ huboka obnemab do aboka pik elemek. Nimi nauba alja neklesukaʾ anyek, salya uru lelelanya senelemekaʾ anasa, sikda alak loka daboka, pik elemek.

YOHANES 1:19

Yerusalem heikik ulumek Yahudi nang edya, yuba gak nang ab, Lewi nang ab, anda heknya do aboka Yohanes bek heil bululum aboka orugomek dara, Yohanes bedya ban wenyaboka laga lebok,

YOHANES 4:3

Ban yuba en kemok dara, Yesus ara Yudea sokok ab loboka Galilea sokok yeilimok.

YOHANES 4:54

Yesus ara Yudea sokok abaʾ ara, Galilea sokok yeilimok dara, ban senenggom ununaʾ enyek penenya unumok.

YOHANES 6:1

Ban unumokaʾ seleb dara, Yesus ara onoʾ saaboka Galilea mek ara neik mek bok, Tiberias aboka si silimek mek gwanek sam eer bilimok.

YOHANES 7:11

Dara, Yahudi nang era, senenggomaʾ memelemekaʾ ak sam Yesus yalamla gom aboka kemelemeekanya, alda hanyagar ulumla do? aboka heilisik.

YOHANES 7:13

Bok, Yahudi dub nang enyek lok anasa, nimi ben hnonok adyaʾ anaba, laga lebnenggumek.

YOHANES 7:19

Musa bedya nim onggom, yokaʾ salyaʾ ununggom aboka, Imik Neyung adya unuwanalum an yub era seleb ugunuk elegosuk. Bok, ugunuk dara, be hnon ban yub en keboka ununggulumla. Dara, hekasa nak obnenobaʾ aboka ulunulum do?” hyok.

YOHANES 7:25

Dara, Yesus adya nidyaʾ ban wenyaboka neklesuk sum enyek, Yerusalem heik yokaʾ nim edya, ”Yahudi dub nang edya obnobaʾ aboka elemaknya bera alan gom?

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

YOHANES 8:37

Dara, onoʾ Yesus hnon lebokaʾ ara, ”Ugunda Abraham nang yilaʾ ululumaʾ ara eillilisin bok, nadya yub enyek ugunja ganya lomok sam doboka beilinaʾ orok bok adya, ugunda nak obnenobaʾ aboka ulunulumaʾ ara, nara ella ulumna.

YOHANES 8:40

Nara Imik Neyung ak ab, dib yuba keboka neklesin bok, ugunda nak obnenobaʾ aboka dulunulum. Abraham bek dara, ban anaso unuwanggumok.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.