YOHANES 6:9 - PERJANJIAN BARU NALCA YUBA

⁹ ”Anyagan me hnon roti gwanenga lambadya, hadyaʾ penya bomla bok, wera ban nimi gong mandebnaʾ adya, nidyaʾ gigiwolulaʾ gomaʾ,” aboka lebok.

YOHANES 6:9 ပူးပေါင်းရင်းမြစ်များ

MATIUS 14:17

Wenyek Yesus alja yuba doro diriga ban nang edya alak, ”Nuk anyagan ara roti gwanenga lambadya uboka hadyaʾ penya ok ulumla!” hyek.

MATIUS 16:9

Ugunda anam elgom ululum de? Nimi denga yubaʾ lambadya nim emba aboka roti gwanenga lambadyakanya, ugunda eimik era roti gwaneng aklenga hekbadya bolob mamagalumaʾ ara beknenggululum de?

MARKUS 6:38

Dara Yesus adya sikenek, ”Ugunuk ara, roti gwanenga hekbadya anaso ulumla do? Kemel biso,” hyok. Wera sikda seleb keeboka eiyi yek dara, Yesus ak, ”Roti gwanenga lambadya uboka, hadyaʾ ara penya ulumla,” hyek.

MARKUS 8:19

Nadya nimi denga salyaʾ lambadya nang emba, roti gwaneng lambadya soboka elegeisisaʾ dara, deregoka bok lobeknya nera, serrema hekbadya ugunja liboka bobmamagolum do?” Wenhyok dara, alja yuba doro diriga ban nang edya Yesus ak, ”Serrema o badya liboka bobmamagamouba,” hyek.

LUKAS 9:13

Bok Yesus adya lebok ara, ”Ugunja sikenek denaʾ eleganalum,” hyok. Anasa alja yuba doro diriga ban nang edya dara, ”Nuk ara gwanenga lambadya ok uboka, hadyaʾ ara penyok ulumla. Nunda ban nimi mandebnaʾ danasa gwanenga heikek dekel binisibya danyek goma?” hyek.

YOHANES 11:21

Dara, Marta gedya Yesus ak, ”Wenelesilimnya o, anda anyagan ulusom dara, nadyaʾ dong Lazarus bera somoganggunusobok, anak anyagan unaʾ orok adya seleb somogok.

YOHANES 11:32

Maria gera seleb Yesus ulumokaʾ ak sam bilimok dara, Yesus yan damak koma lumugoka lebokja, ”Wenelesilimnya o, anak anyagan ulusom dara, nadyaʾ dong bera somoganggunusobok, wera anak orok adya seleb somogok,” hyok.

YOHANES 21:10

Dara Yesus adya, ”Wera ugunja wen doblum hadyaʾ era hnon anyagan wen bo yoululum,” hyok.

YOHANES 21:13

Dara, Yesus ara yeindeboka roti gwanenga doboka soboka sikenek elegesuukanya, hadyaʾ anaba neik so unusuk.

YOHANES 21:9

Wera, sikda mek gemek sam seleb yeilimek dara, Yesus ara orowek uka sekoka hadyaʾ hnon uk ak dab loboka, roti gwaneng uk dubuk weremokaʾ ak eiyimek.

YOHANES 6:11

Nimi nidyaʾ bukumekaʾ seleb dara, Yesus ara roti gwaneng doboka, Imik Neyung molowoka, nimi nidyaʾ bukumek nang ak soboka bokoka elekdo yibilisuk. Anasonya neikik, hadyaʾ anaba alja unu denaʾ nauba senemekaʾ sunuwoka elegesuk.

YOHANES 6:7

Dara, Pilipus bedya, ”Roti gwaneng ara walaʾ linbadya rupiah wa weboka deknaʾ ara, ban nimi gong danera mekaʾ dijaʾ anaba ellaʾ gigiwolulaʾ gomaʾ,” aboka lebok.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

WAHYU 6:6

Anya nara or yokaʾ adya yub enyek, ban gamyakaʾ dombadyaʾ hnoum anyeb sal yabakdo senewasaʾ ara lel yabokja, ”Perob gandum enyek igina hnonok dara, liga hnonok wa webnaʾ amba eleklesak sok, deknaʾ adya dekoka dobnemak, dara yok gandum era, igina winilya amba anaba al neikik, lika hnonok weboka donya nedya dekoka dobnemak. Bok pam mek ab, anggur mek ab dara, sekoka bolokdo yabanaʾ ara mem,” wenyalamekaʾ ak kebdongowasa.