YOHANES 6:51 - PERJANJIAN BARU NALCA YUBA

⁵¹ Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

YOHANES 6:51 ပူးပေါင်းရင်းမြစ်များ

LUKAS 22:19

Seleb dara Yesus ara roti gwaneng doboka, Imik Neyung ak perob aboka giboka molobgogowok dara, roti gwaneng neikaʾ delemek nang ek soboka elekgogowosuk dara, lebokja, ”Nadya nong ugunsamba doboka elegeisinaʾ ara an. Ugumba ban unu delemnelumaʾ adya nak beklemnenulum.”

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 11:26

Dara, heknedya embengaʾ uboka nak dib senelenelnya bera, eimik era hyak dib somoganggunumla. Nera anda ella uboka dib senelam de?” hyok.

YOHANES 3:13

”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 3:14

Musa bedya, hwalek gasaʾ ak sam, mesa bagaʾ gal ak kweb weininggemok sok, nimi hnonok-hnonok nidyaʾ alak dib senewanamak nim era, embengaʾ unaʾ dibaʾ dobnokaʾ aboka, nimi dibaʾ me nenebabya neik so gal ak glab weiningganamak,” hyok.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

YOHANES 6:33

Imik Neyung adya eleklesil gwaneng dibaʾ ara, imik heik ab yeiniboka soko nim ek embengaʾ unaʾ eleklesilnya bera alan,” hyok.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

YOHANES 6:41

”Nara imik heikek ab yinggilimsa embengaʾ unaʾ gwaneng era nara alan,” hyok. Anasa, sikda Yahudi nang alak wab einimek.

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 6:48

”Nara nim embengaʾ unaʾ eleklesin gwaneng era alan.

YOHANES 6:50

Bok, wen lelemnaʾ ara, imik heikek ab yinggilimok gwaneng enyek, delemeija nim era, somoganggunumak.

YOHANES 7:38

Imik Neyung yuba momnya dobokaʾ ara, heknedya nak dib senewanenel dara, alja ganya lomok ab sam nim embengaʾ unaʾ meka goblemnamla,” hyok.

2 KORINTUS 5:19

Wera, Imik Neyung ara Kristus pik uboka soko nim ara sikja meknenaʾ era eib loboka, al nong ab, sikeneb neikaʾ hiyiwousuk. Dara nuk ara, ban Imik Neyung adya neikaʾ hillisil yub enyek, lero yabalalulum aboka elegousuk.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

EPESUS 5:25

Kristus adya alja yuba donaʾ nim emba leboka, wanaʾ uboka al nonga siksamba elegousuk sok, ugun nenyab ara, ugunja gelewa ek anaso pe wanaʾ ulululum.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 10:20

Yesus adyaʾ nusamba leboka, nim embengaʾ eleksin pika yok perob pika baksuk. Wera pik era Imik Neyung ek sam geisa ekla aboka wiknelemek boksom akleng era, Yesus nong ara an pik dibaʾ seleb ulumla.

1 PETRUS 2:4

Kristus al nong ak dara, nim adya malya girik senewoka lobek bok, Imik Neyung adya dara, perobaʾ leboka weboka domokaʾ embeng un girik ek ulumla. Anasa, ugunda Wenelesilnya bek youmun dara,

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.