YOHANES 6:27 - PERJANJIAN BARU NALCA YUBA

²⁷ Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

YOHANES 6:27 ပူးပေါင်းရင်းမြစ်များ

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MATIUS 6:19

”Sokok an nim adya hokaʾ doboka, mura gluboka gereremaʾ delemlaʾ ak an, perob bonaʾ nauba ugun dam nang amba beilinggom, mem.

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

MARKUS 1:11

Danyek, imik heik ab yub era, ”Anak danyek nadyaʾ wanaʾ nong me ululam. An nong adya nadya ganya heklenel,” hyok.

MARKUS 9:7

Wera debaʾ yalamokaʾ ara siklewosuukanya, ana lomok anyeb, yuba hnon sal yabokaʾ kebekaʾ ara, ”Nadyaʾ wanaʾ nong ulumna me nera ban. Alak pe kelelulum!” hyok.

LUKAS 3:22

Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

LUKAS 9:35

Wera ban debaʾ enyek anyeb yuba sabnemokaʾ ara, ”Nadya weboka domsa me nera ban e. Alak ok pe keblulum,” hyok.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 11:42

Nadya molonaʾ sobaʾ kelenelemaʾ ara, seleb ella ulunadyok, anyagan nimi nauba ulumaknya nenesa, anja anyagan yokaʾ unuwamenaʾ anyek eiyiboka, nak alda aldib Imik Neyung adya sokok bokol yeilimoknya dib senewananokaʾ aboka, or mololenggen,” hyok.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

YOHANES 6:53

Wenyek Yesus adya sikenek ara, ”Ugunuk hyak dib lebsin, ugunda Imik Neyung adya bokol yeilimoknya bedya aljaʾ nong soub ab, alja eneng eb, denggulumnulum dara, embengaʾ unaʾ ugunjaʾ nong lomok sam unggulumnesil.

YOHANES 6:54

Heknedya nadya nong soub ab, nadya eneng eb, delenya bera, embengaʾ unaʾ seleb ulumlakanya, sidyaʾ daknamla sum era alak nadya bukoka sekiyiwanamna.

YOHANES 6:58

Dara, imik heikek ab uboka sokok yinggilimok gwaneng ban e. Ban gwaneng ara ugunja neyung yab edya Kanaan heikek balamek sum delemek gwaneng anaso gomaʾ. Sikda seleb demek dara, nidyaʾ somogek bok, heknedya ban lemna gwaneng denelanya bera, alda hyak dibaʾ ulmoublumnamla,” hyok.

YOHANES 6:62

Wera nimi dibaʾ me nera onsok saaboka youmaʾ ulumsaʾ ak welewanyaʾ eibmun bok dara, hekaʾ hubnalum do?

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

YOHANES 8:18

Anasa, nadya unulamnaʾ ak dara, nak hnon leldalamna. Neyung be, na sokok sam bokol yeilinyoknya bedya hnon nak lelenel,” hyok.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

ROMA 4:11

Dara, alda anam bolaʾ garawanggumek bok, alja ganya dib senenaʾ adya alak perobaʾ nenemokaʾ ara, seleb ulumokaʾ anasa, ban bolaʾ garanaʾ ara, beknaʾ dibaʾ momnya donaʾ ak dib denenaʾ anasoʾ ak ara, dobok. Wera anasa, alda nimi nidyaʾ bolaʾ garasinaʾ orok dib senelemak nang edya sikjaʾ neyung be dok, anedya ban perobaʾ nenesinaʾ ara sikbabya dobnok aboka unuwok.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

1 KORINTUS 9:2

Nimi yok nang edya nak ara, Imik Neyung yuba lenaʾ gaknya ulumla hengguneneseng bok, ugunja dara, alda Imik Neyung yuba lenaʾ gaknya senewoka seiniyiwanenesom. Nera damok ara, alda ugunuk Imik Neyung yuba lebsisaʾ adya, ugunuk Imik Neyung mab ululum dara, wera nera nara aldib Imik Neyung yuba lenaʾ gaknya ulumna beknaʾ edya ugumbabya ululum.

2 KORINTUS 4:18

Dara, nunda nonga laga ululanya nenyek kemero unggulumab bok, alda heng eilinaʾ oroknya nenyek kemero ulumab. Henga laga eillilemabnya nera seʾ salek ok ululabok, heng eilenggulumabnya nera eimik era, hyak sobaʾ ulmoublumnamla.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.

KOLOSE 2:22

Ban nidyaʾ ara, boboka ulumak adya, anera denghenelanya nek ulumla. An nidyaʾ ara, or oruknaʾ yub ab, nim adya ok neklesaknya nek lelemak.

KOLOSE 3:2

Ugunda seleb somogolumukanya, ugunja ululumaʾ ara, Kristus lomok beiyiwoka, Imik Neyung ak ulumla anasa, sokoknya nenyek gom, alda imiknya nenyek seinililulum.

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

IBRANI 12:16

Anya nimi hnon hyak gel ak unuweisinya ganya adya wekdeknewoka, Esau bera gwaneng denaʾ piring hnonok amba aljaʾ yandonya bedyaʾ misaʾ era, pe seininaʾ loboka men dekok sok, neikso ununaʾ ara mem.

IBRANI 4:11

Men nim edya keboka pe unaʾ orok adya sikda malyinggilimek sok, numba ben hnon unuwalyek aboka, Imik Neyung adya dek-deka sonaʾ ak weknobaʾ aboka, perob so pik era sobaʾ duboka elemnemab.

YAKOBUS 1:11

Esaʾ ara henga doroklamla dara, hyak poba nong adya esaʾ ara yalawan dara, hogunga pelemlaʾ damok ara haboka dengalamla. Anasonya neikek, bonaʾ dub nim era, nadya bonaʾ nauba donulul senewoka anam dulumlya salek enyek, al nong ara unu haboka denghenemla.

1 PETRUS 1:24

Imik Neyung yuba bukuk sam ara, ”Nimi nidyaʾ ara holaʾ anasoʾ ak ulumak, nimi nidyaʾ sikja unulumak migib era esaʾ anasoʾ ak ulumla. Holaʾ ara yalalamla, esaʾ halamla bok,

2 PETRUS 1:17

Imik Neyung adya Yesus ak giboka imik nenewokaʾ ara, numba ok ulumoub bok ubok. Ban sum imik senenggom heikek ab yuba kebubaʾ ara, ”Nadya wanaʾ ulumna me nera ban. Alja nadya ganya hekel eleklenel!” hyok.