YOHANES 6:2 - PERJANJIAN BARU NALCA YUBA

² Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

YOHANES 6:2 ပူးပေါင်းရင်းမြစ်များ

MATIUS 12:15

Yesus ara Parisi nim edya obnenyak hogunga seleb ella ubok. Anasa alda anyagan anyebaʾ ara loboka bok dara, nimi nauba alab neikaʾ balamek. Dara nimi neiklemeknya nera nidyaʾ hwebsuk.

MATIUS 13:2

Yesus bulumokaʾ ak ara, nimi hyak nauba yeiniboka longol ganaklemekaʾ anasa, nimi nauba ara mek dalaʾ ak weklam lobek bok, Yesus ak dara, alda mek gwan nong ok sam, mek ekla bunaʾ eilib bukok.

MATIUS 14:14

Wera Yesus ara mek ekla bunaʾ ak ab uboka, sokok yingginiboka nimi mandebnaʾ enyek an kemelemok dara, angoo hyak yadyek senewousuk. Dara onoʾ, sik ganggan pik hnon neikdo balameknya nera hwebsuk.

MATIUS 8:1

Yesus ara meinik ab yanggalamok dara, longomek nimi nauba alak dobol yalamek.

MARKUS 1:45

Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.

MARKUS 6:33

Wera sik byik salek era, nimi yok nim edyaʾ anaba sikda anyagan balamak senewoka ella ubsik bok adya, wera mok enyek an nimi gong era mek ge pik uboka, Yesus ab alja mab eb dara, anam balamek bok, sikenek men yeiri biniboka diri ulumek.

YOHANES 11:47

Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

YOHANES 12:18

Yokaʾ-yokaʾ lok soʾ beknaʾ dibaʾ unululanya bera yalamla an yuba kemek dara, nimi nauba Yesus ak pika dibgiga el bilimek.

YOHANES 12:37

Yesus adya nimi hogung ak yokaʾ-yokaʾ hyak lok soʾ unulumok bok, sikda alak dib senenggulumek.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 2:23

Yahudi nim perob sum meemek sum enyek, Yesus ara Yerusalem heikek ulumookanya, nimi nauba al adya yokaʾ-yokaʾ nidyaʾ lok so unulumokaʾ eiyimeekanya, anasemba leboka alak dib senemek.

YOHANES 20:30

Yesus adya hyak yokaʾ-yokaʾ damoka nauba, alja yuba doro diriga ban nang edya hogung ak yokaʾ-yokaʾ lok soʾ beknaʾ nauba unulumok bok, buku enyek an unulumokaʾ nidyaʾ eleʾ gigiro momnya dobnenggurub.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 6:22

Ampum so maboka gwelegok dara, or anyagan anam ulumek nim ara, mek ekla bunaʾ ara hnonok ulumok bok, Yesus ara buknenggumookanya, alja yuba doboka diriga ban nang ok bukoka seleb bilimekaʾ eiyimek.

YOHANES 6:26

Yesus adya sikenek, ”Nara ugunuk dib lebsin, ugunda nak elenulumnya nenera, nadya yokaʾ-yokaʾ lok soʾ ak unulamnaʾ anyek eiyiboka dib senelumaʾ adya gomaʾ. Ugunda gwaneng deregoka pe demab senelumukanya, nak ebgiga yalanulum.

YOHANES 6:30

Dara sikja, ”Wera neyung o, nunda anak dib senewagenobaʾ aboka, hek lok soʾ unaʾ nu hogung ek unuwanalam do?