YOHANES 6:14 - PERJANJIAN BARU NALCA YUBA

¹⁴ Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 6:14 ပူးပေါင်းရင်းမြစ်များ

MATIUS 11:3

Dara sikda, ”Neyung o, al anak Imik Neyung adya nimi blebsinaʾ dubnya yanamla amoknya bera anda alan goma, orok dara, nunda onoʾ yoknya bek anam diri ulumnemab gom?” wenyaboka heil binilum aboka lebok.

MATIUS 21:11

Dara, Yesus balamokaʾ amba nimi nauba neikaʾ balamek nim edya, ”Alda ununumnaʾ lelelanya, Yesus ara an, alda Galilea sokok Nazaret heikek abnya bera an,” wenyalamek.

LUKAS 24:19

Danyek Yesus adya sikenek, ”Hekaʾ ak unulamlaʾ ak do?” aboka heibsuk. Wenyek penya nang edya, ”Nazaret mok ebnya Yesus ak an unulamlaʾ anyek,” herek. ”Alda ununumnaʾ lelelanya bek ulumok. Alja yuba sanaʾ gom, alja nong ununaʾ gom ara hyak senenggom migib edya unulumok. Nera or Imik Neyung adya gom, nim adyaʾ anaba pelemla senelemek.

LUKAS 7:16

Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

YOHANES 1:21

Dara, alak heimek, ”Ban wenyalam dara, heknya ululam do? Anda Elia de?” aboka heibek bok, ”Nara Elia benyaʾ gomaʾ,” hyok. Dara, anda eimik yanamla alanjaknya ununumnaʾ lenya bera anda an de?” hyek. Bok, ”Orok,” hyok.

YOHANES 11:27

Dara, Marta gedya Yesus ak, ”Wenelesilimnya o, nera nara dib senelamna. Anda aldib Imik Neyung bedya me ululamakanya, nimi blebsinaʾ dubnya Kristus eimik sokok yanamla wenyameknya bera alan dib nong ululam,” hyok.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 4:19

Yesus adya ban wenyamokaʾ eiyimookanya, ban gel genedya alak, ”Neyung o, anda hyak dib nong ununumnaʾ lenaʾanya ululamaʾ eiyinggen,” hyok.

YOHANES 4:25

Dara, ban gel genedya Yesus ak, ”Nimi blebsinaʾ dubnya, Kristus aboka si silimaknya bera, yanamlaʾ ara ella ulumna. Alda yalya dara, yokaʾ-yokaʾ nidyaʾ ara nuk neknesil,” hyok.

YOHANES 4:42

Dara, Samaria nim edya ban gel genyek an, ”Anja nuk wenyasilimaʾ adya ok dib senewanggumab. Wenyok alda nun dam nang okoka heng yokaʾ bekoka eiyimabakanya, alja lelemla yuba kemabaʾ adya, alak dib senewoka doboka, alda soko nimi bleblesilnya dibaʾ ulusilaʾ ara ella ubab,” hyek.

YOHANES 6:2

Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

YOHANES 6:26

Yesus adya sikenek, ”Nara ugunuk dib lebsin, ugunda nak elenulumnya nenera, nadya yokaʾ-yokaʾ lok soʾ ak unulamnaʾ anyek eiyiboka dib senelumaʾ adya gomaʾ. Ugunda gwaneng deregoka pe demab senelumukanya, nak ebgiga yalanulum.

YOHANES 6:30

Dara sikja, ”Wera neyung o, nunda anak dib senewagenobaʾ aboka, hek lok soʾ unaʾ nu hogung ek unuwanalam do?

YOHANES 7:40

Ban wenyaboka Yesus adya yuba leboka neklesuk sum enyek, nimi darasam sik gangganek sam ab lelemekja, ”Senenggom ununumnaʾ lesinya eimik yanamla alameknya bera alan e,” alamek.

RASUL 7:37

Dara al neik Musa bedya, Israeli nim ek, Ugun gangganek ab nak gaboka donyok sok, eimik ununumnaʾ lenya be hnon doboka sekiyiwanamla, amoknya bera alan.