YOHANES 5:39 - PERJANJIAN BARU NALCA YUBA

³⁹ Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

YOHANES 5:39 ပူးပေါင်းရင်းမြစ်များ

MATIUS 22:29

Wera anasa Yesus adya sikenek, ”Ugunda Imik Neyung yuba momnya dobokaʾ ab, Imik Neyung migib ab, elgom ululumaʾ adya, wera meknewoka leblum.

MARKUS 10:3

Bok Yesus ara sikenek lebsukaʾ ara, ”Musa bedya dara, ugunuk ara hekaʾ aboka lebsuk do?” aboka saaboka heibsuk.

MARKUS 12:10

Ugunda ban yub en Imik Neyung yuba momnya dobokaʾ ara, hnon eininggululum de? Nim e son nang edya lorob girik era, men beiyiboka sunun girika dangoka ulumla.

LUKAS 16:29

Danyek Abraham bedya dara, sikda Musa bedya momnya dobok yuba hnon, ununumnaʾ lelemek nang edya webek yuba hnon seleb yakaʾ ak ulumak. Sikda yuba lom enyek an momnya dobokaʾ nidyaʾ anyek sunuwoka ulunok!

LUKAS 16:31

Bok Abraham bedya dara, sikda Musa bedya yub eb, ununumnaʾ lelemek nang yub enyek, dib senenaʾ loboka eib lobneseng dara, nimi somogoka suboka bukesonya bedya wenyaro bisoʾ anaba dib senewanggunuseng, hyok,” wenyaboka lebok.

LUKAS 24:25

Dara Yesus adya sikenek lebnesukaʾ ara, ”Ugunda hyak dongdang anaʾ nang ek ulurum! Ununumnaʾ lelemek nang edya ugunuk nidyaʾ lesikaʾ ara, ugunda okoka berra ganya dib senenggulurum nang ek ulurum!

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 1:45

Pilipus bedya Natanael be eiyiboka alak, ”Musa bedya unuwanalum an yub sam alak weboknya bera, ununumnaʾ lelemek nang alak wemeknya bera, eiyimab. Nazaret heik nang Yusuf bedya me Yesus alak eiyimab,” hyok.

YOHANES 5:32

Bok, onoʾ ben hnon jok nasamba hnon geklewoka yuba lelemla. Dara, alja lelemla yub era dib lelemla ara, nara ella ulumna.

YOHANES 5:36

Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 5:40

ugunda embengaʾ unaʾ dobnob senewoka nak yangganaʾ lek senelelum.

YOHANES 5:46

Musa bera alda nasamba geklewoka momnya domokaʾ anasa, ugunda Musa bedya momnya domok yub ek dib senemun dara, wera nak anaba dib senewananulum.

YOHANES 7:52

Sikda alak, ”Wei, ambabya Galilea mok ebnya de? Nidyaʾ Imik Neyung buku sam lelewoka einiwanalamakanya, ununumnaʾ lelelanya bera, Galilea mok ebaʾ ara, yanggunumlaʾ eibnelam,” hyek.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

RASUL 26:27

Wera neyung perob dubnya Agripa o, neyung o, anda youmaʾ ununumnaʾ lelemek nang edya men lelemek yub enyek dib senelelam de? Nadya dara, neyung anda dib senelelamaʾ ara ella ulumna,” hyok.

ROMA 1:2

Ban aljaʾ perob lero yanggan yub era, alja ununumnaʾ lelemek nang, men sik pik uboka geisa Imik Neyung yuba momnya dobokaʾ lomok wenyalasuk.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

IBRANI 11:16

Bok wenera sikda hyak perob heik hnonok ok ubsibya senelemakaʾ ara, imik heik ok ulumla. Anasa Imik Neyung ara ban hnonok heik era siksamba meewoka solosilaʾ anasa, Imik Neyung ak ara sikja Imik Neyung aboka si silimneseng dara, alda alya dabnenggunumso.

IBRANI 11:35

Dara nauba nim era, sikja nim era seleb embengaʾ subuka bukuldilimekaʾ anasa, sikda seleb saawoka doro yibik. Bok yok nim ek dara, sikda hyak embengaʾ subnanya perobnya nenyek dobnob senewekaʾ adya, sik nong ara iginaʾ doboka, or pe unaʾ ak dara dobnenggubek.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.