YOHANES 5:36 - PERJANJIAN BARU NALCA YUBA

³⁶ Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 5:36 ပူးပေါင်းရင်းမြစ်များ

MATIUS 11:4

Dara Yesus adya sikenek, ”Ugunda Yohanes bek on pik biniboka ugunja seleb heng eiblumaʾ ab, o keblumaʾ ab danyek, nekdo binilumaʾ ara,

LUKAS 2:49

Yesus adya sikenek lebsukaʾ ara, ”Ugunda hekasa nak elenurum do? Nara nadyaʾ neyung bedyaʾ e lomok sam ulumnesinya ara, ugunda elgom ulurum de?” hyok.

YOHANES 10:25

Dara, Yesus adya sikenek lebsukaʾ ara, ”Nara ugunuk seleb lebsisa bok, nak dib senenggulunulum. Nadyaʾ neyung be si sibuka yokaʾ-yokaʾ lok soʾ unulamnaʾ anadya, nak okoka beknaʾ laga lelesil.

YOHANES 11:37

Bok onoʾ yok nim edya dara, ”Henga lum ulumla nang era hweleledyok dara, Lazarus bek ara somoknaʾ loblulaʾ aboka yokaʾ unumso do?” hyek.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 17:4

Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

YOHANES 2:23

Yahudi nim perob sum meemek sum enyek, Yesus ara Yerusalem heikek ulumookanya, nimi nauba al adya yokaʾ-yokaʾ nidyaʾ lok so unulumokaʾ eiyimeekanya, anasemba leboka alak dib senemek.

YOHANES 3:17

Imik Neyung alja yando me sokok sam bokol yeilimokaʾ ara, anyagan yana lelelesululaʾ aboka bokol yanggumok bok, alda alja me nedya soko nim ek blebsululaʾ aboka bokol yeilimok.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 5:32

Bok, onoʾ ben hnon jok nasamba hnon geklewoka yuba lelemla. Dara, alja lelemla yub era dib lelemla ara, nara ella ulumna.

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

1 YOHANES 5:9

Nunda nim adya yokaʾ ak laga lelemak dara, dib senelemab bok, Imik Neyung adya laga lelelanya nera hyak migibaʾ senenggomaʾ ak ulumla. Dara ban nenyek, Imik Neyung adya alja me nemba nekoka elegesukaʾ laga lenaʾ era an.