YOHANES 5:34 - PERJANJIAN BARU NALCA YUBA

³⁴ Bok, nara ban wenyhenya nera, nara nim adya yuba nasamba geklewoka lelenenok senenggulumna, alda ban wenyhenyaʾ adya ugunuk blebsululaʾ aboka lelesin.

YOHANES 5:34 ပူးပေါင်းရင်းမြစ်များ

LUKAS 13:34

”Yerusalem, Yerusalem o! Ununumnaʾ lelemek nanga nidyaʾ ara anja ok oblum! Imik Neyung adya bokol yalasuk nanga nidyaʾ ara, anja ok girik adya ok seikoka obsulum dara, somogek! Bok nadya dara, wining adya aljaʾ ol lomok sam alaʾ mab ak doronggoka eirilamla sok, anja mab era, soowoka saramek sam gweiliwanamna senewoka lika wen dubseba, ugunda hyak lek anasa lobna!

LUKAS 19:10

Nimi dibaʾ me ara, weiningdangamoknya nenyek eboka blebnunaʾ aboka yeilimok,” hyok.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 5:32

Bok, onoʾ ben hnon jok nasamba hnon geklewoka yuba lelemla. Dara, alja lelemla yub era dib lelemla ara, nara ella ulumna.

YOHANES 5:41

Nara nim adya gigiwanenok senewoka hogunga bo enggulumna.

YOHANES 8:54

Dara Yesus adya sikenek lebsukaʾ ara, ”Nara nim adya nak giblenenokaʾ aboka hogunga bo eldalasinya dara, dib danganggulumneneso. Bok nadyaʾ neyung, ugumba nunjaʾ neyung alalumnya, Imik Neyung bedya imik nenelenel.

ROMA 10:1

Hem yabo nang o, nadya ganya era sikbabya blebsulul senewoka Imik Neyung ak heng uboka mololamna.

ROMA 10:21

Bok Israeli nim emba dara alda wenhyok, ”Li sob-sobaʾ ara nak pe kenggulumaakanya, sondaʾ aboka orokaʾ geblemak mok soko nim ek, nara nadya soruk era bebegeldibilloklamna,” hyok.

ROMA 12:21

Ugunda yu malya unaʾ adya oblamageisilyek, bok yu malya unaʾ ara perobnya ununaʾ adya oblamagoululum!

ROMA 3:3

Anasa, har so do? Wera sik gangganek hnon dib senenaʾ orok adya, wera ban ganya enedya Imik Neyung adya bojam usinaʾ era, orokaʾ gebneseng de?

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

1 TIMOTIUS 4:16

Anja unulumenaʾ hnon, anja neklesimenaʾ hnon ara, an moumen anaba pe keebmoubdangoka unulumnelam. Ban nenyek pe unulmorulemen dara, an dam nang hnon, anja yuba kelenjak nimi hnon, nidyaʾ blebnesil.

1 YOHANES 5:9

Nunda nim adya yokaʾ ak laga lelemak dara, dib senelemab bok, Imik Neyung adya laga lelelanya nera hyak migibaʾ senenggomaʾ ak ulumla. Dara ban nenyek, Imik Neyung adya alja me nemba nekoka elegesukaʾ laga lenaʾ era an.