YOHANES 5:23 - PERJANJIAN BARU NALCA YUBA

²³ Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

YOHANES 5:23 ပူးပေါင်းရင်းမြစ်များ

MATIUS 10:37

”Heknedya nak ara loboka, aljaʾ neyung genong ak wanaʾ nauba ululanya bera, nadya yuba donaʾanya henggunuseng. Anasonya neikek, heknedya alja mabo gelmabo ek wanaʾ nauba ululanya bera, nadya yuba donaʾanya dibaʾ henggunuseng.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

MATIUS 12:21

Dara, mok soko me nidyaʾ ara, alja si nek perob amba leboka ganya welemnemak,” ara momnya dobok.

MATIUS 15:8

Nimi ban nim enera, sikda yuba dem adya ok Imik Neyung ak giblemab aro giblenyak bok, sikja ganya era hyak mok beiyik gebdangoka ulumak.

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

LUKAS 10:16

Anya Yesus ara alja yuba doro diriga ban nang ek, ”Nim ugunja yuba kelesak nim era, sikda nadya yub ek kelenyak. Alda ugunuk lek alasak nim era, sikda nak lek alanyak. Anya wera, nak lek alanyak nim era, sikda nadyaʾ neyung be na bokol yeilinyoknya bek, lek alamak,” hyok.

YOHANES 14:1

”Ugunda ganya mounduk-mounduk anggom. Imik Neyung ak dib senewomunukanya, onoʾ nak hnon dib senewonululum.

YOHANES 16:14

Alja nak ab doboka, ugunuk neklemnesil adya, nadya si imik nenewanenel.

YOHANES 17:10

Nidyaʾ yokaʾ-yokaʾ narinya nera anjinya ulumlakanya, anjinya neneba narinya ulumla. Anasa leboka, sik nong adya nadya si imik dal.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

ROMA 15:12

Dara Yesaya beneba wenyalamokaʾ ara, ”Isai bedya damok ab be hnon lanawanamla, alda yok mok soko nim ek wenewousunun aboka lanawanamla, dara yok-yok mok soko nim era alak ok ganya dib beiliwanamak,” wenyaboka lelemok.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

1 KORINTUS 10:31

Ugunja yokaʾ-yokaʾ nidyaʾ unululumaʾ ara, ugunda gwaneng deregoka meka deregoka, Imik Neyung si imik danalenya nenyek ok unulululum.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

2 KORINTUS 1:9

Somoganokaʾ aboka igina kweiyisik senenaʾ mamok. Bok ban nidyaʾ unuweisiknya nera, nunja geremseng ek ganya dib beiliweibyek, alda Imik Neyung nim embengaʾ bukullilisilnya bek ganya dib beiliwanokaʾ aboka igina boyiwousuk.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

2 KORINTUS 5:14

Kristus alja wana usinaʾ adya, nuk goluwoka bo ulusil. Dara, nimi ben hnon nimi nauba amba somogosuk dara, wera nimi nidyaʾ ara seleb somogekaʾ ak ulumakaʾ anyaʾ senelemab.

2 KORINTUS 5:19

Wera, Imik Neyung ara Kristus pik uboka soko nim ara sikja meknenaʾ era eib loboka, al nong ab, sikeneb neikaʾ hiyiwousuk. Dara nuk ara, ban Imik Neyung adya neikaʾ hillisil yub enyek, lero yabalalulum aboka elegousuk.

EPESUS 6:24

Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

IBRANI 1:6

Dara Imik Neyung adya aljaʾ yando me sokok an bokol yanggok sum enyek, Imik Neyung adyaʾ, ”Nidyaʾ Imik Neyung lero nang gong dara, nadya me nek giblemnemak,” hyok.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

1 YOHANES 2:23

Alja me nek, Imik Neyung me aboka laga lenaʾ orok nim era, Neyung bek anaba dib donggulumak. Alda alja me nek, Imik Neyung bedya me aboka lelemak nim era, wera nera Neyung bek dib dolomak.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.