YOHANES 5:15 - PERJANJIAN BARU NALCA YUBA

¹⁵ Dara meremoknya bedya, wera Imik Neyung ek ab goboka biniboka Yahudi dub nang ek sam, ”Nara Yesus adya hwenel,” aboka nekdo bilimok.

YOHANES 5:15 ပူးပေါင်းရင်းမြစ်များ

MARKUS 1:45

Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.

YOHANES 1:19

Yerusalem heikik ulumek Yahudi nang edya, yuba gak nang ab, Lewi nang ab, anda heknya do aboka Yohanes bek heil bululum aboka orugomek dara, Yohanes bedya ban wenyaboka laga lebok,

YOHANES 4:29

”Ugunda nak yokaʾ-yokaʾ nidyaʾ nadya unulunanya nidyaʾ laga nenelnya benyek kemel yoululum. Alda nimi blebsinaʾ dubnya Kristus ulumla do?” hyok.

YOHANES 5:10

Anasa wera, Yahudi nang edya, wenyok meremoknya bek, ”Sumen era Sabat mem sum anasa, anda anja esonaʾ doboka bo yabanaʾ ara unuwanalum an yuba mem alamla,” hyek.

YOHANES 5:12

Dara sikja, ”Anak esonaʾ doboka bobmenekanya, yabalom aboka orugenggelnya bera heknedya do?” aboka heibek.

YOHANES 5:16

Anasa leboka, Yahudi nang edya dara, Yesus ara Sabat mem sum bok, nimi hwemokaʾ anasa, alak obnobaʾ aboka dub einimek.

YOHANES 5:18

Wera Yesus adya ban wenyaboka lemok yub edya, Yahudi nang era, hyak Yesus ak obnobaʾ aboka nauba so yeiriwoka dulumek. Dara, nera Sabat mem sum bok, nimi bleboka hwelesuk amba ok gom. Onoʾ alda, Imik Neyung ara nadya neyung aboka lena adya, wera nera Yesus ara, Imik Neyung nonga gebeldalamla senewoka, dulumek.

YOHANES 9:15

Wera onoʾ Yahudi nang edya, ”Anda hekaʾ hulamaʾ adya anja heng ara merewoka kemelelam do?” aboka heimek. Dara, alja lebokja, ”Ben hnonja ben anyek gamalaʾ ablaboka niniwoka nadyaʾ heng ek an nininelekanya, mek elegeldal bilom aboka oruganel enyek, mek elekdan dara, merewoka eiyimna,” hyok.

YOHANES 9:25

Wera, henga lumnya bedya sikenek lebsukaʾ ara, ”Nak hwenelnya bera, alda malya unaʾanya gom, perobnya gom ara, nara elgom. Hnonok ella ubnaʾ ara, youmaʾ dara henga luma ulunyok bok, sum enyek merewanaʾ ok ella ubna,” hyok.

YOHANES 9:30

Alda wenhyokaʾ ara, ”Wera loka dabnel! Nak seleb henga lum sirikaʾ nong bok hwebnel enyek gwelegoka eibnabok, ugunda al yok pik elgom ululumaʾ anasa, loka dabnel.

YOHANES 9:34

Dara, Yahudi nang edya alak lebekja, ”Anda hyak beiyik ab beibjeknya bok anasa, anja nuk neklesilimaʾ de? bilom,” aboka yakek.